Roʙtuꞩdədь olmit sovet valt ʙaļ aļgi puarap jeled. Roʙtuꞩolmu di krestjan jev jeļ seunis i saks pərtest. Gosudarstvo ant roʙtuꞩdədь olmit teņkit i maꞩinit. Son vegket sijit təvьd kolxoz jalmuƶ. Jenəj sovet valt tuajaꞩt parna gəjk roʙtuꞩdədь olmit. Parna gəjk tuajcev parnapərtit i ꞩkolit.
Men antij Sovet valt roʙtuꞩdədь saamit.
Taval narod gəjk sovet valt jenəj lьgki. Di jenəj lьgki saam̦ gəjk. Jenəj igke puaramp jemne saamit lijin kulak kiedest. Adt puhk jəmņ lij roʙtuꞩdədь olmit kiedest. Kuəļpieļsualest adt lij jenəj vəsmənꞓ əxtmuƶit, artelit i sovxozit. Adt saamin lev jenəj vəsmənꞓ əxtmuzit puaɜpiņmuƶ, kuəļꞩilmuƶ, miexc i rьndꞩil artelit.
Kuəļpieļsulje tagasti maꞩinꞩilmuꞩ. Pahkin koajvev apatit, ruvd i veꞩk. Tuajꞩevov zavod kuəļlьhkem gəjk, loņt i puaɜvenꞓlьhkem gəjk. Tuajꞩevov elektro-stancii, kohk antьꞩkuetev vigh tait zavodit.
Sovet valt xiavtь kahpiezit. Saam̦ jemnest adt kahpaꞩt kooperacia i gosudarstv faktorii. Paj olkla sij mənev ꞓirre i tegkiev tampe kahpiezit. Kooperacia lij tuaj roʙtuꞩdədь olmit. Roʙtuꞩdədь olmu oan roavned jiʒis kooperacia.
Sovet valt ant saamit vuahpnuvmuꞩ. Adt lev vuahpnuvem knigi saam̦ kil. Tuvte saam̦ mahtiꞩketev iʒesnala logked i kirjixed.
8
