+ operational {adj}= Qui es preste a entrar in activitate, a realisar perfectemente un operation. Mil. Un formation, un machina capabile de esser ingagiate in operation: render -, iste methodo non es -.
operative {adj}= Operatori; qui labora rapidemente, efficacemente: intervention -.
operator {s}= Persona qui face operationes de chirurgia, de physica: persona que face functionar un apparato: - de cinema, - touristic. Logic. Math. - de senso, signification, phrase etc.
operatori {adj}= Med. Que ha reporto al operationes chirurgical: medicina -, sala/camera -, tabula -, bloco -, insimul del locales permittente le practica del operationes chirurgical, intervention -.
+ opercular {adj}= Que se reporta al operculo, que face servicio de operculo.
+ operculate {adj}= Biol. Techn. Que es munite de un operculo.
+ operculo {s}= (lat. operculum, coperculo) Zool. Coperculo, valvula (presso le pisces, le molluscos, le cellulas del apes). Bot. Coperculo del sporangio del musco. Techn. Pecia serviente de coperculo.
operetta {s}= (germ. Operette, parola create per Mozart) Opera comic de character legier e sovente de un mediocre valor musical: choro de -, compania de -, texto de -.
operose {adj}= Laborante durmente.
+ ophidic {adj}= Zool. Serpentiforme, serpentin.
oph- {s}= (apparente in derivatos e compositos) oph-, ophi-, ophio- (= serpente). De hic: ophiolatra etc. ...
+ ophioglosso {s}= Bot. Filice del praterias humide, appellate etiam lingua-de-serpente.
+ ophiographia {s}= Vide ophiologia.
ophiolatra {s}= Qui adora le serpentes, adorator del serpentes. De hic: ophiolatria.
ophiolatria {s}= Culto del serpentes.
+ ophiologia {s}= Description scientific del serpentes, ophiographia.
+ ophiologista {s}= Cognoscitor del serpentes.
+ ophite {s}= Geol. Marmore de un verde obscur, striate de filettos jalne intercruciate o marcate de maculas blancastre; (ned. slangenaanbidder).
+ ophitic {adj}= Geol. Relative al ophite, serpentin.
+ ophiura {s}= (gr. orphis, serpente, e oura, cauda) Zool. Animal marin habente le aspecto de un stella de mar, ma a bracios longe, gracile e flexibile (subdivision del echinodermes).
+ ophrys {s}= (gr. ophrus, supercilio) Bot. Orchidea terrestre vivace cuje flores simila a araneas, a muscas, a apes: - apifere, - aranifere, - insectifere/muscifere.
ophthalmia {s}= (del gr. ophthalmos, oculo) Affection inflammatori del oculo e de su annexos: - granulose.
ophthalmic {adj}= Med. Que concerne le oculos: migraine -, nervo -, unguento/pomada -, guttas -, lotion -, clinica -.
ophthalmo- {s}= (apparente in derivatos e compositos ) ophthalmo-, ophthalm (= oculo). De hic: ophthalmia-sclerophthalmia; ophthalmic; ophthalmologo etc.; ophthalmologia etc.
ophthalmologia {s}= Med. Scientia del anatomia, del pathologia e del therapeutica del oculo e del vision.
ophthalmologic {adj}= Med. Que ha reporto al ophthalmologia: clinica -.
ophthalmologista {s}= Med. Medico specialista in le affectiones del oculo. Syn. oculista.
ophthalmologo {s}= Med. Ophthalmologista, specialista pro oculos. De hic: ophthalmologia-ophthalmologista; ophthalmologic.
+ ophthalmometro {s}= Med. Instrumento mesurante le differente curvaturas del cornea e permittente de mesurar le astigmatismo de su facie anterior.
+ ophthalmoscopia {s}= Med. Examine del interior del oculo con le ophthalmoscopio.
ophthalmoscopic {adj}= Med. Pertinente al ophthalmoscopia.