Page:Macovei-Dictionario Encyclopedic de Interlingua-2 de 4.pdf/77

From Wikisource
Jump to navigation Jump to search
This page has not been proofread.

del Terra. Fig. Epocha remarcabile ubi un nove ordine de cosas se stabili: un - de prosperitate, - atomic, - spatial, - geologic, - del information.

era {v} Altere forma del passato de esser (imperfecto).

eradicar {v} (del lat. radix, radicis, radice) extirpar, aveller, disherbar. De hic: eradication; eradicative; eradicator

eradication {s} (del pref. e, e del lat. radix, -icis, radice) Action de eradicar, extermination, extirpation.

eradicative {adj} Tendente a eradicar, a extirpar.

eradicator {s} Celle qui eradica, extirpator.

+ eragrostis {s} Planta herbacee con spichettas grande a numerose flores (Familia del graminaceas)

+ erantis {s} Bot. Planta herbacee a flores rubie-bricca (Familia del graminaceas)

+ erasmian {adj} De Erasmus Desiderius de Rotterdam.

+ erbium {s} (de Ytterby, localitate svedese) Chim. Metallo del gruppo del lanthanides, cognoscite sub forma de erbina; elemento (Er de numero atomic 68)

-ercer {v} (apparente in compositos) De hic: coercer &; exercer &

erect- {prefixo} vide eriger

erecte {adj} Recte, vertical, a plumbo, perpendicular.

erectible {adj} Capabile de erection: texito -.

erectilitate {s} Qualitate de lo que es erectile.

erection {s} (lat. erectio) Action de elevar, de construer: le - de un statua.

erector {s} Constructor: - de un cathedral etc. Anat. Organo erectile per le affluentia del sanguine, como le clitoris.

eremita {s} (gr. eremites, qui vive sol) Religioso o penitente qui vive sol. Per ext. Persona qui vive sol, lontan del mundo. De hic: eremitage; eremiteria; eremitic

eremitage (-age ) {s} Habitation de un eremita. Per ext. Casa de campania retirate.

eremiteria {s} Eremitage, habitation del eremita.

eremitic {adj} De eremita: vita -.

+ eremuro {s} Eremurus spectabilis, planta liliacee.

+ erepsina {s} Biochim. Diastase del intestino gracile que transforma le peptones in aminoacidos.

+ erethismo {s} (gr. erethismos, irritation) Med. Excitation, irritation del fibras. Fig. Excitation violente de un passion.

+ ereuthofobia {s} (gr. ereutho, io rubesce, e phobos, timor) Timor morbide de rubescer.

erg {s} (del gr. ergon, travalio) Phys. Unitate travalio del Systema C. G. S., correspondente al travalio executate per un fortia de un dyna, cuje puncto de application se displacia de un cm in le direction del fortia.

+ ergastulo {s} (lat. ergastulum) Rom. Hist. Prision subterranee ubi on los claudeva, a Roma, le sclavos condemnate al travalios penibile.

erga {prep} Verso, contrain respecto de.

ergo {adv} In consequentia, dunque.

+ ergographo {s} Apparato por le studio del travalio muscular.

+ ergologia {s} Studio, analyse e mesura del activitate professional con le scopo de su melioration.

+ ergometria {s} Technica de studio e de mesura del travalio muscular.

+ ergometric {adj} Relative a ergometria.

+ ergometro {s} Apparato (bicycletta, tapis rolante) utilisate in ergometria.

+ ergonomia {s} Studio quantitative e qualitative del travalio in le interprisa visante a meliorar le conditiones de travalio e a crescer le productivitate.

+ ergonomic {adj} Relative al ergonomia. Que se characterisa per un bon ergonomia.

+ ergonomista {s} Ergonomo.

+ ergonomo {s} Specialista de ergonomia.

+ ergosterol {s} Biol. Sterol expandite in le texitos animal e vegetal