lor Liber Pater.
+ diopahantin {adj} Math. De Diophante (325-409), matematico grec de Alexandria.
+ dioptra {s} (gr. dioptron, de dia, de transverso, e ptesthai, vider) Superfacie optic separante duo medios transparente inequalmente refrangente.
dioptria {s} Phys. Unitate de mesura del vergentia de un systema optic.
+ dioptric {adj} Phys. Relative al dioptrica.
dioptrica {s} (gr. dioptrike, arte de mesurar le distantias) Parte del physica que se occupa con le refraction del lumine.
diorama {s} (sur panorama, con le gr. dia, transversalmente) Tableau o vista pingite sur tela de grande dimension, cuje effectos varia per jocos de lumine.
+ dioramic {adj} Que tene de diorama.
+ dioscoreaceas {spl} Bot. (de Dioscoride, n. de un medico gr.) Familia de plantas monocotyledonate al qual appertine le ignamo e le tamus.
Dioscuros {sprpl} Mythol. „Infantes de deo“, supernomine de Castor en Pollux.
+ dioxina { s} Chim. Subproducto del fabrication de un derivate chlorate phenol, multo toxic.
+ dioxydo {s} Chim. Oxydo continente duo atomos de oxygeno: - de carbon, anhydrido carbonic.
dipetale {adj} Bot. Re le corolla que ha duo petalos.
diphteria {s} (gr. diphtera, membrana) Med. Maladia contagiose provocate per le bacillo de Klebs-Löffler. De hic: diphteric.
diphteric {adj} Med. Relative a diphteria, attingite de diphteria.
+ diphteritis {s} Med. Diphteria (ned. difteritis).
diphthongar {v} Gramm. Convertir in diphthongo.
+ diphthongation {s} Action de diphthongar: phenomeno de -.
diphthonge {adj} Relative a diphthongo. De hic: diphthongo-diphthongar.
diphthongo {s} (gr. diphthongos, sono duple) Sono formate per le fusion de duo vocales, del quales uno deveni semivocal, como audir, pauc, neutre, europee.
+ diplegia {s} ( de di-, e gr. plege, colpo) Med. Paralyse simultanee del structuras anatomic homonyme membros (superior, inferior) o del integre organismo (hemiplegie total o bilateral).
+ diplo- {adj} (apparente in compositos) diplo (= duple). De hic: diplopia etc.
+ diplococco {s} Microbiol. Cocco cuje individuos son gruppate per duo: le pneumococco, le meningococco son -s.
+ diploide {adj} Biol. Bot. Que ha un numero de chromosomas equal a celle del ovo fecundate (parlante del nucleo cellular del cellula).
diploma (-ma/-mat-) {s} (gr. diploma, folio plicate in duple) Acto deliberate de un institution de inseniamento, de un commission de examine etc., que confirma le preparation professional de un persona e da a ille le derecto de portar un titulo: - de fin de curso, - de inseniamento primari, obtener un -. De hic: diplomatic; diplomatica; diplomar-diplomate.
diplomar {v} Accordar un diploma a.
diplomat- {prefixo} Vide diploma.
diplomate {adj} Qui ha obtenite un diploma, un licentia etc.
diplomate {s} (de diploma) Persona official qui ha le mission de intertener relationes official con le representantes de altere statos e de tractar in le nomine de su governo; celle qui es versate in diplomatia: - de carriera, - consummate. De hic: diplomatia; diplomatic-diplomatico.
diplomatia {s} Scientia del reportos international: entrar in le -. Per ext. Habilitate, tacto: usar de -.
diplomatic (I) {adj} Appertinente al scientia del diplomatia o al diplomas: corpore -, immunitate -, relationes -, le ruptura del relationes -, mission -, servicio -, linguage -, per via -, responsa -.
