elision {s} (lat. elisio) Suppression del vocal final de un parola que es marcate per un apostropho.
élite {s} (parola fr., anc. {pp} de elire, seliger) Lo que il ha le melior, le plus distinguite: - del societate, truppas de -, tirator de -.
elixir {s} (del arabe al-iksir, essentia) Med. liquido formate de un o plure substantias dissolvite in alcohol, al qual on attachava alicun vices proprietates magic: - tonic, - de longe vita.
ella {pron. pers.} Illa, de illa, con illa etc. (= illa).
+ elleboro {s} (lat. helleborus, facite prestar se al gr.) Bot. Planta vivace a folios in evantalio e a flores verdastre o rosee florante in hiberno (Familia del ranunculaceas): - nigre.
ellipse (-ipsis) {s} (gr. elleipsis, manco) Math. Curva plan, convexe, clause, possedente duo axes de symmetria, e cuje cata puncto es tal que le summa de su distantias a duo punctos fixe, appellate focares, es constante. Gramm. Omission de un o plure parolas que non son indispensabile por le comprension del phrase: - del subjecto del verbo. De hic: ellipsoide.
+ ellipsographo {s} (fr. ellipse, e grapho, scriber) Instrumento por designar le ellipses.
ellipsoide {adj} Que ha le forma de un ellipsoide.
ellipsoide {s} Geom. Superficia convexe del secunde grado que admitte tres planos de symmetria duo a duo orthogonal, iste tres planos e iste tres axes secante se in un mesme puncto que es le centro del ellipsoide.
elliptic {adj} Que procede per subintention. Lingv. Que comporta un ellipse: stilo -, stilo graphic que rejecta le detalios, que va al essential del forma. Math. Relative al ellipse: trajectoria -, compasso -, arco -. Gramm. Phrase -, construction , function -.
+ ellipticitate {s} Esser elliptic, forma elliptic.
elocut- {prefixo} Vide eloquer.
elocution {s} (lat. elocutio, de eloqui, parlar) Maniera in le qual on se exprime: - facile, lente, rapide.
+ elodea {s} (gr. helodes, paludose) Bot. Parve planta de aqua dulce originari de Canada, sovente plantate in aquario (Familia del hydrocharitaceas).
elogio {s} (lat. elogium) Discurso al lauda de alcuno: - academic, - funebre, facer le - de un persona, esser superior a tote le/omne -. De hic: elogista-elogic; elogiose; elogisar.
elogiose {adj} Que es reimplite de laudas: parolas -, articulo -, terminos -.
elogisar {v} Facer elogiose.
elogista {s} Qui elogisa.
elogistic {adj} Relative a elogio: discurso -.
elongar {v} Tender, alongar: - un cablo. De hic: elongation.
elongation {s} (del lat. longus, longe) Augmentation accidental o therapeutic de un membro o de un nervo. Astron. Distantia angular de un planeta al sol o altere planeta. Displaciamento de un mobile per reporto a su position de equilibrio. Med. luxation, dislocation.
eloquente {adj} (lat. eloquens, eloquentis) Qui ha eloquentia, convincente, persuasive: parlar in terminos -. Per ext. Expressive: silentio -; probante per se ipse: cifras -, parolas -, gesto -.
eloquentia {s} (lat. eloquentia) Arte, talento de dicer ben, de emotionar, de persuader; rhetorica: - del pulpito, torneo de .
eloquer (-loco-/-locut-) {v} Declamar, recitar versos, parlar rhetoricamente. De hic: eloquente-eloquentia; elocution.
+ El Salvador {spr} Republica -, stato in America Central, capital San Salvador.
elucidar {v} (del lat. lucidus, clar) Clarar, explicar: - un question. Contr. Imbroliar, obscurar. De hic: elucidation.
elucidation {s} Action de elucidar, clarification.
