irascer v Mitter se in cholera/ira. De hic: irascibile-irascibilitate
irascibile adj (lat. irescibilis, de irasci, mitter se in cholera. Promptemente mitter se in cholera: character ~. Contr. calme, dulce.
irascibilitate s Irritabilitate, disposition a irascer se.
irate adj Incholera, irascite, vexate, infuriate.
+ irenic adj (gr. eirenikos, pacific) Qui vole evitar le excessos de un attitude polemic.
iridaceas spl Bot. Famalia de plantas monocotyledonate al flores sovente decorative, como le iris, le gladiolo, le crocus.
iridacee adj Bot. Relative al iridaceas.
Iride spr Gr. Mythol. Iris, messagero alate del deos, symbolo del iridium. Anat. Iris del oculo. Photo. diaphragna ~. Bot. iris. De hic: iridium; iridacee-iridaceas; iridescer-iridescente-iridescentia
+ iridectomia s (gr. ectome, incision/sectura) Med. Sectura chirurgical de un parte del iris.
iridescente adj Cuje colores imita le brillantia del iris.
iridescentia s Action de iridescer; su resultato.
iridescer v Facer apparer le irisation; donar le colores del iride; revestir se del colores del iride.
iridium s (del lat. iris, iridis, iride) Chim. Metallo (Ir) blanc, de numero atomic 77, de massa atomic 192.22: composito de ~.
+ iridotomia s Iridectomia.
Iris spr Mythol. Iride.
iris s Iride. Photo: obturator a/de iris.
irisar v Iridescer. De hic: irisar-irisation; iritis
+ irisate adj Que ha le colores, le nuances del iris/iride: vitro ~. Typogr.: impression ~.
irisation s Proprietate del qual frue ulle corpores de disperger le lumine in radios colorate como le iride; reflexos assi producite.
+ irish coffee s (parola angl., caffe irlandese) Bibita composite de caffe multo calide additionate de Whisky e coperite de crema fresc.
+ iritis s Med. Inflammation del iris.
Irlanda spr Le plus occidental del insulas Britannic, comprendente le ~ del Nord, capital Belfast, facente parte del regno-unite del Grande Britannia e ~ del Nord, e le Republica de Irlanda (Eire), capital Dublin. De hic: irlandese
irlandese adj Relative a Irlanda: lingua ~.
irlandese s Native e habitante de Irlanda; lingua celtic parlate in Irlanda; etiam le nord-irlandese.
ironia s (gr. ironia, interrogation) Irrision, derision que consiste in dicer le contrario de lo que on vole facer comprender: ~ del sorte, evento infelice, ~ amar, burla sarcastic, ~ socratic, sorta de indigniamento per interrogationes, familiar a Socrate. De hic: ironista; ironic; orinisar
ironic adj Ubi il ha ironia: surriso ~, rider ironicamente; qui usa de ironia: spirito ~.
ironisar v Prender un tono ironic; irider, derider.
ironista s Persona qui parla o qui scribe per ironia: Swift era un admirabile ~.
+ iroquese adj Relative al iroqueses.
+ iroquese s Membro de un union de tribos indian del nord de SUA e Canada le quales ha opposite un longe resistentia al colonistas europee.
irradiante adj Que irradia; brillante, luminose.
irradiar v(del lat. radius, radio) Propagar se, separante se de un centro radiante: le radios de un foco luminose irradia de tote le lateres: ~ calce, ~ lumine/luce. Fig.: ~ de gaudio/joia, ~ confidentia in se mesme: exponer a certe radiationes. De hic: irradiante; irradiation; irradiator
irradiation s Emission de radios luminose o corpuscular; stato de es-
