Page:Macovei-Dictionario Encyclopedic de Interlingua-1 de 4.pdf/411

From Wikisource
Jump to navigation Jump to search
This page has not been proofread.

+ diachronic {adj} Lingv. Relative a diachronia: linguistica - .

+ diaclase {s} Geol. Fissura affectante le roccas e permittente penetrar la le aqua.

Diaconal {adj} Relative al diacono.

diaconato {s} Ordine que confere le poter de baptisar o de predicar.

diaconessa {s} Vidua o filia qui, in le ecclesia primitive, era destinate a certe functiones ecclesiastic; seniora de caritate a presso le protestantes: casa de (1) -s.

+ diaconia {s} (de diacono) Officio in general, le officio sacramental e social del Ecclesia Christian.

diacono {s} Membro del ordine del clero immediatemente sub cello de prestre. De hic: diaconato; diaconessa; diaconal; arihidiacono etc.

+ diacritic {adj} (del gr. diakrinein, distinguer) Signo - , signo que dona a un character del alphabeto un valor special. Med. symptoma - .

+ diadelphe {adj} Bot. (ned. tweebroedering)

diadema {s} (gr. diadema) Banda regal; ornamento feminin in forma de corona: - regal/royal. .

+ diadoco {s} Antiq. (gr. diadokhos, successor) Titulo donate al generales qui se disputeva le imperio de Alexandro post su morte. (323 av. J. C.)

diagno- (apparente in derivatos) De hic: diagnose; diagnostic &

diagnose (-osis) {s} (gr. diagnosis, cognoscentia) Med. Le determination precise de un maladia secundo su symptomas. Biol. Characteristicas abbreviate de un planta que lo distingue del alteros. Arte de facer un diagnostico: formular/facer un - .

diagnostic {adj} Se dice del signos que face cognoscer le natura de un maladia: methodo - . De hic: diagnosticar; diagnostico

+ diagnostica {s} Arte de facer un diagnostico.

diagnosticar {v} Determinar le natura de un maladia secundo le symptomas: - un pulmonitis. Per ext. - le causas del crise economic.

diagnostico {s} (del gr. diagnosis, cognoscentia) Parte del medicina que se attacha a cognoscer le maladias secundo le symptomas; identification de un maladia secundo su symptomas.

diagonal {adj} (del gr. diagonos, linea vadente de un angulo al altere) relative al substantive diagonal: carcassa - , plano - .

diagonal {s} Math. Segmento de linea recte que junge duo summitates non consecutive de un polygono: le -es de un rectangulo son equal.

diagramma (-ma/-mat-) {s} (gr. diagramma, designo) Curva representante le variationes de un phenomeno determinate: - de Venn, - circular, - floral, - del fortias, - del temperatura, - del production. Bot. - de un flor. De hic: diagrammatic

diagrammat- vide diagramma

diagrammatic {adj} schematic

+ diagraphia {s} Processo, technica del diagrapho; Techn. Mesura e registration, continuemente, del characteristicas (densitate, resistentia etc.) del stratos transversate in le momento del forarera de un mina o de un puteo petrolifere/de petroleo.

+ diagrapho {s} Anc. Instrumento concipite sur le principio del camera lucida, que permitte de reproducer exactemente le imagine de un objecto projectate sur un schermo.

dialectal {adj} Que appertine a un dialecto: expression - , poesia - , litteratura - , forma - , parola - , differentias - , studio - .

dialectic {adj} (del gr. dialegesthai, discuter) Phil. Proprie al arte de rationar: le methodos - , materialismo - (marxismo) De hic: dialectico; dialectica

dialectica {s} Philos. Arte del dialogo e del discussion, rationamento que compone oppositiones e diversitate de pensatas, que consiste a analysar le realitate mittente in evidentia le contradictiones de isto e cercar a ultrapassar los, sequentia de rationa-.