—200—
sang pamatan on.
—Tagadi in ca guid anay?-nangutana uan si Lucia sang naghaganbagan ang pag tangis sang tigulang.
—Tumanduc guid nga tagadiri sa Fundación, cag tagadiri man ang acon bana, a pang nadulà cami anay diri, cay nagpauli cami sa Negros, cag didto macapin sa napulò ca tuig ang amon pagpangabuhi, didto mapatay ang acon bana cag bata.
—Ngaa nga nacabalic ca pa diri?
—Cay may isa aco ca quilala nga masanag sing matá cag nag upud cami sang iya diri pagpauli cay nalooy man sia sa amon.
—Ualà ca na caron sing cabata an?.
—Uala; cay isa man lamang ca bilog ang amon bata nga babaye, cag sang pag-abut sang dacù nga camatay napatay sila sang iya bana, cag nabilia sa amon ang isa nila ca bilog nga anac nga amó ini caron ang batà nga nagatuytuy sa acon-tinudlò sang tigulang ang bata nga tumulo liuan ang iya luhà.
Di mo tiyà igcasubù- ang pulong ni Lucia sa tigulang,-batasá lamang cay amo ang palad nga guinhatag sa imo sang langit.
—Guinabatas co inday sa bug os nga pagpasalamat, cay guinaquilala co nga amó ang tacga sang acon capalaran. Sa malinong co nga pagpuyò sadtong una nga mga adlao, sin o lang ang macahunàhunà nga manondog aco caron sing subong sinil
—Tinagpo sang tigulang ang camot sa iya agtang nga dumalum ang iya painoino.
–Nagasiling ca nga icao tumanduc nga tagadiri sa Fundación, cag sa amó nga su guid, dilí ca diri mauad-an sing himatà cag
