—124—
Ining amó nga tigulang, guinahingalanan cay capitan Sibio,
Sa tungà sang masadia nila nga pag-alatubang sang Pari, ang mga mata ni capítan Sibio dao halus bumulag cay Lucia, cag sang dugay na ǹacadangat sia sa pagpangusisà.
Pari Mateo ang pulong nia, —taga diin ining maanyag nga pamatan-on nga nacadayon diri sa Convento?
—¿Sin o, si Lucia?— tinudlò sang Pari si Lu cia nga nagalingcud sa ulu-unhan cag tumuloc cay capitan Sibio.
— Si Lucia ang iya ngalan? Tagadi in inà? mamangcot si capitan Sibio sa Pari, cag nagbalaliquid cay Lucia ang iban nga cahambal nila.
—Didto inà sa puló nga Ilang Ilang nagapuyò, apang diri nagasimba sa Fundación con Domingo.
— Ca ayo nga bata! Nacádumdum ca Pari Mateo sadtong cay sadtong cay Dolores nga batà co? —tumuloc si Capitan Sibio sa pari cag magyuhumyuhom,
— ¡Ah si Dolores! ¡Ca ayo ayo sadto! nacaquità aco, sang nagapanuigon sia sing napulò cag ualo.
— Dao hinuad guid nia ang daguay ni Dolores! - ang pulong ni capitan Sibio nga tumuloc cay Lucia.
— Ja, ja, ja, —cumadlao si Parì Mateo cag tumuloc cay capitan Sibio—natingala ca naman cay Lucia co, labi na guid ayhan con macabati ca sang pagpatunog nia sang violio. . .
—Maalam sia magpatunug sang violin?
