This page has been proofread.
42
canti corsi
Eppò tant’altri
Chi si fecenu onore,
In di la lutta
Contr’u vile oppressore,
L’odiosu Jenuvese
Chi, ancu avà sentu lu core
Chi mi strughiè e strappa in pettu...
Tantu fu forte u dulore.
Signore fate
Chi stu populu fieru.
Cammini sempre
Cun enimu sinceru,
Nantu e traccie di l’onore,
Di u duvere e di lu veru;
E nutrisca in di u so core
Sempre un nobile penseru.
Regnà poss’ella
A pace in d’i paesi;
Sempre tranquilli,
Amabili e curtesi,
Sianu tutti l’abitenti
D’ogni colpa e male, illesi.
Cessà possa la «Vindetta».
Rigalu d’i Jenuvesi.
