This page has been proofread.
32
canti corsi
Qual’è ch’è causa,
O Dio! di tantu male;
Si tu. Pulitica,
Nimicu capitale;
Chi cun te porti ogni viziu
L’Imbidia e l’Odiu murtale.
Oghie la curruzzione
— Per to colpa — è generale.
Crudu destinu
Tantu funestu e avaru;
Un ci sarà,
Signore, alcun riparu;
Sarà propriu scritta in beru
— Oh! quantu ci costa caru! —
Chi mai più ci sarà bè
Per noi Còrsi... O fattu amaru!
I mio figlioli
So sempre a leticassi:
Cun tradimentu
Cercanu a bindicassi;
Si danu colpi murtali
E un pònu junghie a sfugassi,
Perchè impussibile è
L’uni e l’altri ad accurdassi.
