This page has been proofread.
220
canti corsi
XI
A Cherchera
A u mio cuginu F. A. Cristofini,
Direttore di scola.
Tu chi teni quante u primu
A lu dialettu corsu,
Boli accettà per piecè,
Chi nun ti darà rimorsu,
Sta canzona chi babbone
Lasciò in fondu d’un cascione.
J.-P. Lucciardi.
«Millu, millu, u Cursacchiolu,
Cum’ellu passa impinnatu;
I so calzoni a la coscia
Schizzanu per ogni latu,
Cu e tracolle a funicella
Ghiunghienu sottu l’ascella.
«Ma pattu a merchià sticchitu
E dirittu cume un i;
Si all’isbenuta s’abassa
Sentite lu cri-cricri.
Scosce e strisce in ogni latu
E si resta sculappatu.
