This page has been proofread.
198
canti corsi
Or da quantu fui ludata
Un la vi vògliu ripete;
E purtantu la videte
Avà, cume so trattata.
In granaghiu, in d’un agnone,
M’hanu piettu in d’un tuvone.
E qual’è su furtunatu
Ch’ha pigliatu lu mio locu?
È lu filtru... Un simu a pocu,
O cumpà; ma si obligatu
A purtà s’oggettu raru
Spessu da lu paghiularu.
E u caffè sente u brusciatu,
O un n’è mai fattu a calore;
Un pò avè un bellu sapore
Chi l’odore si n’è andatu.
Ti l’asciasti a chiccarella,
Ma un ne trovi cumed ella...»
