— 8 —
kel defom jevale.» Nidänel, vilöl jinön nepekofudöl, ägesagom: «Log detik». «Benö! benö!» ävokom Spänel, «no binom balogik». Detegöl kapi jevala äsagom Cödele. «Lenologolös! söl Cödel, labom logis bofik».
Cödel, pesuadöl dub blöf so plisenälik, älücödatom jevali Spänele e pözet pefinom.
M. Fabin (Flent).
ZIGAD NEDELIDIK.
Skämel sembal ilemom zigadi, keli ipelom ko fran dobik. Tedel logom atosi tu lato e lüvokom mane mogonöl:
«Lü! no binom gudik!»
«Benö! osmokob omi deno!» gepükom skämel keli suno no umo äkanon rivön.
M. J. Verbrugh.
HEL LUGEDIK.
«O mot, kikod labol heli lugedik?» — «Bi binol cil badik». Täno mütol ebinön vemo badik, ibo motel labof heli lugedikum ka ol.
J. Zubiria (Spän).
Tiks difik.
Vödalam pükas difik binom nindukam nolas valik; me at kanon davestigö valikis yeltumis e popis.
Lifüp binom soal: spel binom kämel keli God elegivom mene al dugolön lifüpasoali.
Aikel liladom nolom mödikosi; aikel logom, anikna nolom mödikumosi.
Nol binom belem kela löp binom nepedavestigöl: aiumo xänon, aiumo horit setenomok.
