— 7 —
Tän oplekob in vöds löfa
«Paidunomös vil ola».
J. Holden (Nelij).
KOEF CIPSELA.
Cipsel sembal ägolom al koefön, e du äkoefom älogom in lamavead padela böki silefik ed ätifom omi. — Kusadobok, padel, äsagom täno, das etifob böki. — Sikod, o son, zesüdos, das gegivol omi. — Li-vilons omi, padel? — Ob no, ägepükom at. — Älofob omi lönele omik, äfovom cipsel, ab no vilom omi. — Atafalo bekipolöd omi, ägesagom padel.
E. Gutenson (Bayän).
Spänel e Nidänel.
Tävel Spänik ikolkömom nidäneli zenodü soal. — Bofiks ämonitoms. Nidänel, dledöl deili su veg jevala omik, bi at äbinom lujeval, ämobom töki Spänele, kela jeval äbinom yunik e nämik. At änevilom gito. Nidänel äzanom omi, e fino äflapoms balvoto, ab Nidänel kela vafs äbinom bizugikum, ädagleipom nefikuliko jevali taela omik ed ämozönom. Yed Spänel, gonöl vifo, äkanom posgonön tifeli jü in zif nilikün, ed us ävokom Nidäneli bifü Cödel. Spänel pämutom dukön jevali komü Cödel, kö älesagom das nim äbinom zeladiko lön omik e das Spänel idesänom tlätön omi.
Blöf taik no sibinöl, Cödel ävilom dismitön pözetelis ven Spänel äsevokom: «Jeval binom lön obik ed oblöfob atosi lefoviko.» Amosumom vifiko mänedi de jot omik, e me at ätegom supito kapi jevala. Täno äsagom Cödele: «Jeval obik binom balogik; bi Nidänel lesagom das nim at lönom ome, büdolös mane at sagön obes kiom binom log
