— 56 —
nedebik. “Oleton kösumön obis me fil, onoson obis!„
“Benö, atos binos obes lindifik,„ spuns silefik äsagoms; “däloms smetön obis. Geiliküno labobs kopedi anik in kop obas e dälon nosön omi, — dub atos ovedobs nog gudikum e teikum ka büo.„
Ab spun boadik äbinom pedevöl, e ven ävilon jedön omi in smetagefäsagom ko vög dlemöl:
“Ag, masel, binob spun silefik, nolol atosi; kanon logön osi ga foviko, e senon osi len vet obik, ab no binob deno de silef ot äslik votiks; binob de bid feinikün, li-suemol? If kömob in fil fegolob in smok.„
“Li-binol täno de kegin?„
“Velätiko, de kegin, — ladälod obik binom gälik, legälik.„
“Ag, no binol zelado de kegin, klödob de tin.„
«Sülö! liko kanol labön dö ob tikis so bapik?„
“Täno ba de plum „
“Li-plum? — vedos egelo jönikum; kanol ga logön, das no binob de plum!„
“Benö, oxämobs osi„ äsagom silefel. Ävilom blegön namabi, ab — ädiblekom e plum en ädesefalom.
“Binol sikod spun boadik!....„
“Si,„ äsagom spun boadik, kel äsenom oki mödo leitikum e gälikum ven plum misalöfik ifalom se lad omik; “si, binob te spun boadik; i vilob te binön nu spun boadik; vilob blibön egelo spun boadik. Masel gudik, mofolös silefami, gludolös obi e seitolös obi lä spuns boadik votik in kuk; — no oninpedob legudiko in lad blodas obik, liko binos stupik de spun boadik, vilön binön de silef.
BINOBS VEL.
Cil nedebik
Ko lols su cigs flifik,
