Page:Literat Vpk.pdf/56

From Wikisource
Jump to navigation Jump to search
This page has not been proofread.

— 55 —

“No, cil oba, silef binom mödo vetikum ka boad, li-suemol? Atos binos gledin.„

“O, täno mekolös obi vetikum, plidiküno, no kanob sufön das bapon obi sovemo.„

Jimasel äyilof denu ed ägolof ko spun al silefel.

“Flen gudik,„ äsagof, “mekolöd spuni boadik at so vetik äs spun silefik.„

“Täno omütob gifön plumi in namab,„ ägepükom silefel.

“Vi!„.... ätikom spun boadik, “nu ogimom da lad obik.... al müton liedön al juitön stimi; dälom dugimön ladi obik e fulön omi ko plum; fino oklödon ga, das binob spun silefik.„

E silefel ägimom dibiko in lad spuna boadik; ädolos levemo, ab äseilom ed äliedom: Silefel äjedom plumi in hog; äflumom in lad ed ävedom düfik; spun äsufom atosi leigo, te dem stim.

Äbinom pefinöl e denu päseitom in bäset.

E nu jidünel äklödof das äbinom vo spun silefik, ed ijuitomöv gälodi gletikün, if plum in lad omik no idolom-la omi; atos ärübos gälodi omik ed äneletos ome juitön ladliko stimi gletik oma.

Atos ädulos yels mödik, ed äklödon egelo, das äbinom spun silefik, — ab jimasel ädeilof.

Spun boadik en äbinom vemo gälik; ibo jimasel äbinöf* pösod lebalik, kel änolof, das äbinom te spun boadik, petegöl ko silef e...... ko plum in lad.

“Nu nek umo en nolom bosi, ed alim oklödom, das binob silef teik,„ ätikom, “nu stim obik binom pestaböl.„

Ab sileföm jimasela päselom ed ämütom pasmetön.

Ven spun boadik pöfik älogom smetagefi kel ävaladom omi, äjekom ed äbeginom pükön ko spuns votik dö lusölelen, ko kel ävexadon binelis