Page:Literat Vpk.pdf/55

From Wikisource
Jump to navigation Jump to search
This page has not been proofread.

— 54 —

viet e yelib; valikels äloboms spuni boadik ed äsagoms: “O, liko binol jönik!„

Täno spun boadik ävedom pleitik. Kim no vedom pleitik balna du lifatim omik? Ag, ätikom spun boadik, äbinobös spun silefik! Nu pagebob te fa dünels e jidünels, ed if äbinob-la spun silefik, reg äfidomöv ba leüdabüli me ob se bov silefik.... nu vilon fidön geiliküno zababüli me ob.

E spun boadik äsagom jimasele doma: “Jimasel, senob das binob tu cädik al binön spun boadik; plad obik no binom in kuk, mütob binön in cem. Dünels e jidünels laboms modis so globik e tölatoms obi so neplütiko; ag, jimasel gudik, kudolöd ga, das vedob spun silefik.„

Jimasel äbinof gudälik, ävilof gevön begi spuna boadik ed äblinof omi al silefel, kel äpömetom ofe silefön omi. Liko spun änidom ven ägekömom; äbinom so yofik, das äkanon ti lilön, liko lad omik änokom in namab. Äseiton omi in bäset sileföma. Us ämekom flenügi ko spuns silefik valik; äbüdom tiedaspuniles nemön omi “nöki„, ed äbeglidom fokis silefik ko “nefil„. Äkonom sägo, das supaspun gletik äbinom fatel omik, do ilogom omi nevelo.

Yendelo ven spuns ämütoms pagebön, äblibom in bäset, e deno ikudom seistön löpo, ab vanliko. Atos äjenos ofenumo: älabon glifi nonik dö om ed äblibom alina in bäset. Nu äplonom de nu od äsagom: “Ag jimasel, no li-kanol sagön jidünele, das binob spun silefik äso votiks? No suemob, liko kanon tölatön obi ko nekonsid so mödik; no li-binob mödo jönikum ka spuns votik?„

“Si,„ äsagof jimasel, “ab jidünel senof len vet das binol te boad pesileföl„

“Vet! vet!, älupüklom spun boadik, täno nid senedik no li-binom distin lebalik bevü spun silefik e spun boadik?„