— 48 —
SEVEL MENAS.
Lükionel in Oxford ipölüdom päkedili, de noäts. Äkonom neläbi omik dilekele de lükion, plofede Jewett, kel äsäkom ome nümis de noäts, äsupenom omis ed äkonsälom ome on pükön ko nek. Plofed Jewett ämekom zötön nu in Oxford pölüdi, ab pla nüms velatik de noäts älenunom votikis.
Tifel pätläpom. Ven äkömom cänön len leböb noäti, pädagleipom, e noäts valik pägetuvoms. Plofed visedik ilenunom nümis velatik kädele leböba.
LUGLOL.
Lödels tel de Marseille, kels äkolkömoms okis in gad maniföfik, äkonoms okes tävazidis omsik.
— Ob, äsagom balid, ebinob in län, kiöp testuds (testudo) äbinom levemo gletik.
— Testuds binoms nesemöpo gletikum ka uts kelis älogob in Melop.
— Opölol.... vilob givön ole döli de uts kelis älogob.
Äsumom spatini omik ed ämekom in sab zileki, kel älabom diameti de met.
Votikel äbeginom smilön ed äsäkom:
— Atos li-binos valikos?
Ab balid, leno kofudik, ägepükom:
— Sufadö! emagob nog te kapi.
KONSÄL GUDIK.
Limep de Cinän, Kien-Long, äsäkom len Georg Straunton, liko äpelon in Nelij sanelis. Nag ut ibegepükom säki et, limep äsagom:
«Somo mütol labön zelado malädikelis mödik in Nelij. Ob bitob votiko. Labob sanelis fol, kels
