Page:Literat Vpk.pdf/48

From Wikisource
Jump to navigation Jump to search
This page has not been proofread.

— 47 —

Ai gälik binom.

Gün boadik e den tünik
Omi ya legäloms;
E pledadins oma difik
Ple om vo divs binoms.

If da lut yulibik jedom
Glöpi oma gümik,
Väpi flolas no senitom,
Ni galiti löfik.

Lenos in vol omi glumom,
Lenos dämom omi,
If te glöpi no pölüdom
E no blekom deni.

Flifö, o pul! te pledolöd
Deli lelonedik!
In gad e flub posgonolöd
Ko gäl pabis jönik!

Ibo sun lädyulön mütol
Life kudalivik,
Ed in cemil tän oplonol
Ko dol dö töps mödik.


KIM ÄBINOM LÖFAN GLETIKÜN?

«Vo», äkonom pösod, kel itävom mödo, «no kanol mekön ole döli, livemo nidänels löfoms filavini. Vöno in Dacota löpakap bäledik älofom obe jevali omik ko saed, e l. plo flad filavina, keli älabob lä ob».

»E li-odetedol lemi?»

»Leno, ibo äbinos glad oba lätik! Ab te konobole atosi, dat kanol-la logön, livemo nidänel löfoms filavini».