— 42 —
«E gebi kiom kanon mekön de leüled at»? äsäkom Abdalla.
Täno dervid ägepükom: «If smivol leüledi anik zi log ola nedetik, okanol logedön divis valik tala; ab if smivol leüledi zi log ola detik, obinol bleinik plo egelo».
Abdalla äbegom nu dervidi besmivön logi oma nedetik. Beg pägevom foviko ed Abdalla älogom liegis e divis so mödik, das äbidos ti nemögik ome, givön en bepenami.
«Besmivolös nu leigo logi oba detik», äbegom Abdalla.
Dervid änevilom dunön atosi ed ädenuom levinegami omik, das dub atos äbinomöv bleinik du lemän lifa omik.
Abdalla, pestigöl fa desidam, äblibom sudik plo monedams valik ed äniludom, das äslik äkanom logön divis valik dub besmivam loga oma nedetik, älabedomöv divis at valik dub besmivam loga oma detik. Sikod äbegom denu dervidi gevön begi omik; ven dervid änevilom yed, Abdalla ävedom hitik e bolötik ed äkusadom benodeli omik de dob. Dervid, kel äbinom bido pemutöl, äbesmivom fino i logi oma detik ko sek peplöfetöl. Ven Abdalla ämanifom logis omik, valikos äbinos dagik zi om: äbinom bleinik.
Nu äbegom dervide gudik gegivön logadi. Dervid ägepüköm yed. «Elogol, das labob klänis mödik, ab labob kläni nonik al gegivön logadi ole. Binol ol it kodel neläba olik; lebegolöd Gode fögivi e tikolöd, das ebinos blein lana olik, kel emekom bleinik kopi olik!»
So finom lusag. Tikon ba, das äbinos ga tu stupik de Abdalla, mekön besmivön i logi oma detik. Ab zug ab pesumom, äslik votiks valik in mär siämik at, se nat. Noe men desidamik negelo kotenom ko utos, keli labom, soi desid vemik al
