Page:Literat Vpk.pdf/39

From Wikisource
Jump to navigation Jump to search
This page has not been proofread.

— 38 —

E do blüfom fidön büli,
Binos ome lefikulik;
Dlen biedik ve cigs oma
Falom ai in spun alik.

So mekado aidlemoms
Ä mud, ä nam oma fibik,
Das bov talnik pedibleköl
Su glun falom, ko jov mödik.

»Milö!» vom nu äsevokof,
»No li-binos täno satik,
»Das omofob oli de tab?
»Blekol nog domömi obik!

»Ab lesagob ole, füdo
»Oikudob das ogetol
»Büli te in bov boadik,
»Keli no diblekön kanol!»

III.


Denu al vendelafidön
Famül smalik tabi zümom,
E plad bäledana denu
Smaspad filatopa binom.

Äbefulof denu tädi
Pesepüköl ko zun gletik:
No plu bovi talnik labom,
Fidom nu se bov boadik.

No plu vipom pladi len tab,
Plekom das God fögivomös
Omes badi, e ladliko
Spelom das sun deilomös.

E bevüno ko lepötik
Ä man, ä vom fidoms büli,
Du neb fatel sonil omsik
Jäfom kötön te boadi.