Page:Literat Vpk.pdf/37

From Wikisource
Jump to navigation Jump to search
This page has not been proofread.

— 36 —

JI-LAUTELS NONIK IN PERSÄN.

Binos lon in Persän, das voms mütofs stönön vobi valik literatik. Pato binos penedalöl ofes mekön poedatis. Persänels sagoms leno plütiko, das müton kötön gugi ji-goke kel vilof gokön.


BLUF KO LÖMIBADS.

Menälel in Boston, kel ädutom lenadön sevön kaladi menik, älemom balsetelati de lömibads, in alim kelas äfimon ladeti omik, ko beg gesedön omi lömibadi. Del balid lömibik äsegolom ed ägivom läde alik nen lömibad, keli äkolkömom, bali de omiks. Ünü vig lömibads valik pägesedoms ome, sesumü bal, e pla om ägetom penedili, das lömibad pitifom e das of-penel ävilof givön gudami.

Del lömibik sembal suköl ägivom lömibadis söles balsetel, kels no en älaboms.

Edenulogom te lömibadi bal, e fe pekoblinöl fa flen, kel äsagom das itifom omi pötü zäl glügik.


FATEL PÖFIK.

I.


Famül lölik te lesmalik,
Fa lit klilik filatopa
Pedalitöl, tabi zümom,
Su kel stanom lebov büla.

Man nepükom; loged voma
Binom murik e lezunik.
Fatel dlemon e lemufom,
E cil sägo binom stilik.

Spuns boadik te ziliko
Dete alik vobi givoms;
Nezediko de bov al mud
E tän denu al bov goloms.