Page:Literat Vpk.pdf/36

From Wikisource
Jump to navigation Jump to search
This page has not been proofread.

— 35 —

leo if niludol tuvön ataflano jimateli olik; mütol sukön küli vata, o stupel! Nolob atosi lebeno, ägesagom viudel neläbik, ab du lif lölik ofa jimatel obik ädunof vädiko, sodas mütob klödön, das dunof also sägo pos edeilön!


KIKOD VOMS LABOFS KAPÄLI BADUGIK.

In tims vönikün God pesevo älifom su tal. Spatöl gödelo in laned romaik, ätläpom vomi lejönik pükotöl lelöfiko ko Devel. Kodöt somik älezunom Godi. Ävokom laneli fiedik ed äbüdom ome pönön jalepiko klimadunelis bofik. Lanel ägleipom sinelis ed äkapom omis komü God. Benö! äsevokom Jafal, liedomsöd jü neit nilikün; täno okanol gepladön kapi su nökeb. Neit äbinom vemo daegik e bi lanel no älabom litasävi, äpladom kapi Devela su nökeb voma.


YAGEL NESKÜLIK.

Parisel sembal pavüdom fa jikösel omik kel lödof in laned al kömön in dom ofik du dels anik. Zifel lensumom ko gäl gletik vüdami et gudlik. Tosna, sagom oko, okanob yagön pöfüdiko. — Lemom alos yagadogis tel, güni, pliemis votik zesüdik e mogolom.

Nilü dom jikösela binom fot vemo foetik. Parisel nütlidom in ot e livaletom dogis. Jikösel, kel blibof domo, lilof du tüp blefik günajutis umo ka tum.... pif! paf!! puf!!! äsif fot ibinom-la pugafel.

Ven yagel ikösumom günapuri omik, ägekömom domo.

Lulievis limödik efunol? säkof jikösel.

Efunob noniki, abu ekodob otes tlepi lejönik! gesagom Parisel.

Fabin.