— 33 —
Gasedel. — Telakomip binom tasiämöf.
Deputal. — Yed if ek lenofom oli negito, okalöf olik deflagom gudami sembal.
Gasedel. — Leno!
Deputal. — Iko-li?
Gasedel. — Bü dels jöl, gonöl da süts, ekolkömob cuki badugik kel egivom obe cöpami nämikün len tigap..... deno no emobob ome telakomipi!
Nepesevel. — Lugivolös obe franis tels.
Loböbel. — No kanob bi no sevob oli.
Nepesevel. — Binos ebo demü atos, das ebesäkob oli, ibo uts kels sevoms obi neviloms lugivön obe te zimi bal!
Fizir. — Neflenis limödik funol du klig lätik?
Solat. — Efunob bali.
Fizir. — Li-me günajut?
Solat. — No. Ekötob ome lamis.
Fizir. — Kikod no ekötol ome kapi?
Solat. — Kap..... pikötom ya!
In gitavjul:
Plofed. — Sagolös obes malami matacala.
Julel. — Mat binom setök balvotik e rezipik kodötas badik du del e smelas badikün du neit!.....
Plofed. — Lefopug kimik! — Kim egivom ole plänami somik?
Julel. — Jimatel dilekela obsik!
In Cödöp. — Lavogel, logöl das Cödef äslipom, äropom supito gitapükati omik. Stil emeköl galön cödelis, lavogel äfovom: Yesdelo äsagob oles, sölo cödels...... Ats pakofudöl, älogedoms okis; ans äklodoms eslipön luuno du düps telsefol.