— 16 —
KIKOD OLÜGOBS DEM EDEILÖLS?
O, kikod olügobs demü edeilöls?
O, kikod odlenobs sus sep omsa nabik?
Egoloms läne et kö töbs peifinöls,
No denu osufoms dub neläbs menälik!
No lügobsöz dö oms, lödöp glolik omsik
Aibinom ko God e Fat löföl omsa!
E, binöls pedelivöls de kop deilik.
Ai lenlogoms logodi Lemekela!
Tän no dlenobsöz dem stiliks edeilöls!
E no lepidobsöz sus sep omsa nabik!
In län eit zesüds e glifs eifinöls.
Tikäls divik omsa binoms ailäbik!
Holden.
LUSAG PEPAKÖL BEVÜ BLÄGANS DE BASILÄN DÖ RIGAM OMSIK.
Timü jaf de Adam, Satan evilom i jafön meni, me limödöf lepötik taina äso ilogom dunön fa God gudik ed eplöpom ze beno; ab valikos kelosi äbemufom ävedom blagik e man omik älabom natiko köli at. Elogöl atosi, masel Satan evilom klinön omi ed egolom banön omi in Jourdain al vatukön omi.
Ab vats egoloms pövedo foviko, e dil linedik namas e dil disik futas te blägana balid, enidlamoms in släm, kelos planom köli omas ti vietik. vutöl, egebamom flapi stenüdik puna su nud jafada okik e bi at no ekodom labi okik, Satan kapälom das ipölom zunön ta om, e dub bid benahölik nindukom finedis okik da hels omik, ab fineds at, tu vamik, evobadoms äs lel al flekön helis.
Raimbert (Flent).
