Page:Literat Vpk.pdf/15

From Wikisource
Jump to navigation Jump to search
This page has not been proofread.

— 14 —

kela. Taels bofik äkokömoms del suköl; ab dü liötan äzugom deni de zönül omik, Yung äpladom smagüni su kapaflan — Stopö! vokom fizir. Lidesänol mölodön obi? No, gesagom dokel. Vipob te, das danüdol foviko; if no lobedol büdi obik, lenu diblekol kapi ola. — Feit blefik äzitom, ab dokel äjinom sovemo vutik, das fizir pämutom yilön. Pos minuts anik, liötan suetöl, «Sätö!» vokom Yung. «Ädelo ämutol obi flutön tosü vil oba, adelo mutob oli danüdön tosü vil ola: epelob oli ko kön sümik. Nu binob vilöfik al bevilön ole gudami somik keli odeflagol de ob».

Fizir älefälom oki bevü lams de Yung, äkidom omi ed äkoefom negiti omik; fälo älebegom dokeli bevilön ome flenügi omik; e bofiks äbinoms gleflens lifüpo.

M. Fabin.


KE OB OFAMOKOL.

Popakanit Koazänik

Of-pul flolis äkonletof,
Läso äninslipof;
Yes tuvom ofi yunel
Se zif Sarayevo;
Älenvödom ofi yunel
Se zif Sarayevo:
“Sustanolöds, of-pul jönik,
“Kikod nu eslipol?
Smalol[1] olik edeilom
“Keli ekonletol;
“Ladan olik ematomok
“Keli efenlogol. —
Logis of-pul ämanifof
Jünu kel eslipof,
E yunele ägepükof,
Se zif Sarayevo:

  1. Vrig: sma’lol = Vper: rosadil