— 13 —
POEDATIL AL LÖLI.
Reg binom jönik löl
Flolas su lölik vol,
So binom volapük
Lereg pükas valik.
Ed äs papälom löl
Dub sila litik söl
Pepälom volapük
Dub söl letikälik.
Humler (Pleusän).
KONIL DÖ DOKEL YUNG.
Penädal Yung ävegom vöno sogü läds ed ästeifom disipön ofis fllutölo*. Diseinöp äbinom Vauxhall. Su naf ot äbinoms fizirs anik vegöl i al Vauxhall. Dokel äzedom flutön sosus fizirs älenvödoms lädis. Täno liötan äsäkom ome: «Kikod pladol fluti in pok olik? — Bi atos plidos obe», gesagom dokel — Ko vög büdikün fizir vokom: «If no denuflutol foviko, lenu jedob oli in flum» — Yung, dledöl jekön lädis, stomägom beniko lenofi, zugom fluti se pok e flutom denu jü al Vauxhall.
Vendelo dela ot dokel ädalogom, spatöl deflano e soaliko, fiziri kel itölatom omi so stutiko; änilom omi ed äsagom ome ko stil gletik. «Liötan! me rog olik elenofol oli agödelo ed eyilob al no tupön sogi obik ed oliki; abu dat binol pesuadöl, das labob lanimi so gletik ka ol, vüdob oli al kömön modelo, düp jölid, in fot nilikün. Begob oli deblinön noeli nonik bi zan binom leo pösodik obes». Dokel ästipom fälo, das zan poleodom ko den.
Fizir älensumon nen vödön mobi e stipis do-
2
