— 10 —
O net läbik! Ol labedöl regalis aistümöl ed aistimöl tugi e fetanis famülik!
J. Holden.
Lab pükas.
Pötü zeremif, Pädel de zif gletik, äbinom pebligöl gepükön pükati latinik; ab bi änenolom lefulniko püki at, ädunom also: «Söls obik, apostels äsevoms pükis mödumik; älenpükon obi latino, ob, ogesagob flento».
Kiplad binom God.
Bijop älensäkom vöno cili yunik äs sukos: «Flenil oba: sagolös obe kö binom God ed ogivob ole apodi bal.» — Cil ägesagom: «Söl obik, sagonsös obe kö God no binom ed ogivob onse apodis tel».
M. Fabin.
Gepük japik.
Ek, änütlidöl in lemacem sembal äsäkom:
Kis paselom is? — Äsagon ome: Cukakapis. — Äsagom: Elabons selami mödik bi logob te bali is.
E. Gutenson.
Fat e Son.
Fat: Klödob Pedro, das smokol zigadis vemo gudik. Limödo kostoms a mil?
Son: Kostoms te frans luls a tum; binoms ye delidikum a bal.
Fat: Li-frans luls a tum? E binob ya kotenik, if kanob smokön zigadis de frans bals a tum!
Son: Vilob viliko klödön atosi. If älabob cilis so mödik äs ol, äsmokoböv i zigadis nedelidik!