— 9 —
Nat egivom obes lilis tel e mudi bal, dat lielobs mödo e pükobs nemödo.
Mens no binoms levelöfik ni in löf ni in het: binoms levelöfik te in votlöf.
Sufad binom biedik, ab fluk oma binom svidik.
Nenol binom maläd gletikün menada.
Lonedüp e nesufad binoms tlätels tel: müton mikonfidön en.
Lonedüp binom maläd kela vob binom medin.
Saun binom läbad kopa; nol binom ut tikäla.
Monälel no labedom divi omik; tadilo div omik labedom omi.
Dins kil fikulikün binoms: Seilön kläni, fögivön lenofi, fegebön pöfüdiko livüps okik.
Nos dledikum ka konsien nepuedik.
Räts.
| Kis binos | jönikünos? — Vol. |
| — | büdikünos? — Zesüdöf. |
| — | fikulikünos? — Sevön oki. |
| — | nefikulikünos? — Konsälön. |
| — | seledikünos? — Flen känüdik. |
M. Fabin.
Bisiedal Garfield.
Dun balid söla Garfield, bisiedal de Tats pebalöl, na finam cälama oma as bisiedal Pübliga legletik et, äbinom kidön moti e ji-mateli omik len stunam e betikälam de cifals gletik, e pop nenumlik, läna et kels äbinoms plisenik zäle eit.
Kikod edunom atosi? Ibo mote oma edebom sibini, nulüdi, e dadukami, kels eblinoms ome diniti mayedikün fataläna omik; ed in ji-matel oma ituvom ji-kopaneli fiedik, divodik, fägik, e stimik in lefulön debis ji-matelik e domik!
