"contrabandista".
Nahiabut ang usa ka babaye nga ang panapot "lujo" kaayo; maó dang usá. Ang duhá ka polis mitutuk kaniya ug unya nangatawa sa likod. Usá sa mga "cochero" misinggit: "Ayo-ayo, inday, dihá sa taas". Hisayran nga kadtong babayhana karaan diay nga “bailarina" sa Cabaret nga gitagaan ug "tarjeta de invitación" sa "mensajero" sa usa ka buhatan sa Kagamhanan.
Mihunong ang usa ka automovil ug mikawas ang usa ka ginoo nga nagsapót sa "chaquetilla". "Kinsa kaná?"—nabati ang usa ka pangotana sa pundok nga atbang sa pundok sa mga "chofer". Ug usa ka tubag nadungog: "Kaná maó si manlalaban Bulldog". Ug ang kadaghanan nangatawa.
Kini ug ubang pang mga tabí, libák ug mga kamatuoran, maó ang nabati niadtong duha ka pundok; apan ang pundok gayud nga labí kaayong tabían maó ang sa mga "chofer" ug sa mga "chochero" kay hangtud ang kinabuhi nga tago sa mga dinapit nga nangabut, labí na gayud ang sa pilá ka mga minyo nga babaye nga ginatawag natog hamili ng dungganan, giukat-ukat ug dihay uban pa nga nangisog sa pagingon nga "matuod gayud kaná kay gisakay man gani ning among....
Wala mahinayón ang sulti kay ang tanang migahob; ang Gobernador General nahiabut ug ang duhá ka polis mituhóy daw poste ug gisalibay pagkalit ang ilang mga tinostos: miyukbo sa labawong punoan sa Kapupud-an. Sa pagkataod-taod nabati sa taas ang "Marcha
