¡Divorcio! ¡Divorciol
Mao kini karon ang butang nga ginahisgotan sa kadaghanan; sa mga minyo ug dili minyo, sa mga sunoy ng mga dumaga. ¿Kinsay magpakahilum sa atubangan sa usa ka butang nga nagdala ng mga kadautan nga, matud pa sa mga pari, labaw pa kay sa tanang kayo sa ispidno?
Tungud niana, si Utay ug si Sidó, usa ka palarang magtiayon, among hingdunggan nga naglantugi. Ika 9 kadto ang takna sa gabii. Si Utay, tapus manihapon, mipadulong sa hawanan sa balay, nagtuwang-tuwang sa usá ka lingkoranan nga Viena, namaypay ug unya misinggit pagingon:
—Sidó, Sidó, umari ka; aduna akoy ipango_ tana kanimo.
Si Sidó, nga didto sa kosina nagpakaon sa iró, midalidali pagpanghunaw ug giduol si Utay.
—Unsa ná, Utay?
—Unsa bá kanang gibutang sa BAG-ONG KUSOG nga konó adunay "divorcio", nga mabulág ang mga minyo, nga balaod sa kabulagan, nga kiní, nga kadto....?
—Maayo kaná, Utay; kinahanglan gayud nga aduna kitay balaod sama niana....
