¿Nakailá ká, higalang magbabasa, kong kinsa si Torcuata? Tingali moingon ká nga wala makailá. Waláy sapayán; isaysay ko dinhi ang mga hiyas, batasan ug. lihok ni Torcuata. Dinhi sa ato aníay daghang Torcuata.
Si Torcuata malihók sama sa banogbanog nga sapisapi. Karon makita ta nga makigkuyogkuyog sa usa ka pilipinhon, ugma sa usá ka insik ug damlag sa usa ka amerikanhon. ¿Unsay iyang panginabuhi? Walá. Apan maayo ang pana pót, maayong pagkaon, kanunay adto sa sine ug kanunay nga sakay sa kalesa. Kaniya sarang ikasulti kadtong pagya nga nagingón: "Adunay mga baktin, apan waláy anáy."
Si Torcuata igkita ta kanunay sa mga sine. "Formal" kaayo nga maglingkod; magpakapal sa pinulpog. Ang nawong daw bantiyong ahat. Sa iyang tupad, anaa ang iyang "bana". Pamatia ninyo siyá kong adunay higalang igkita: "Ipailá kó kanimo ang akong bana nga si Teótimo Lamisa."
Bana konó niya. ¡Limbongan! Maora hinoog walay nakailá kaniya. Maó kini si Torcuata. Walay kaulaw, walay katahá: makigkuyog-ku. yog kang bisan kinsang lake ug unya kong dunay malipát, ipailá dayon nga bana niya. ¿Nganong walá silá pakasal sa Mision sa San
