igkita ang mga nangagyo.
Si William kabus ná kay ang patigayon niya nahapay. Miniwang siyá tungud sa mga kagul-anan sa iyang kalag. Nagbasol sa iyang kalit nga kaminyoon; dili ná motan-aw ug Sirko; ug ang mga sirkadora, alang kaniya, maoy mga larawan sa yawa.
Si Virginia usab midaút ug gitakbuyan sa étika tungud kay nahulog sa usa ka pagbalintong niya. Nagbasol siya sa iyang kaminyoong kalit ug hinanali kang Eddie; mituo siya nga dili unta siya maingon kong dili pa ang iyang pagkadaling maibog sa mga "guapo”.
Ug samtang sila nagapadulong sa kamatayon, nadungog ang usa ka balita nga si Mary ug si Eddie namatay kay ang automobil nga ilang gisuroysuroyan sa usa ka hapon niana, nahibangga sa usa ka "poste" ug siláng duhá, lakip ang "chauffeur", —nangadugmok.
¡Siláng tanán gisilotan ni Bathala!
