उण्या प्रमाणांत चलतात. नुस्तेमारी सुंगटांचो आस्पाव चड आसता. देशांतल्यान चडशें खनीज तेल आनी सुंगटांची निर्यात जाता आनी अन्नधान्यां, अँल्युमिनियम धातू, यंत्रसागरी आनी हेर म्हालाची आयात जाता. वट्ट उत्पन्नांतलें सु. ७० उत्पन्न हें तेल निर्गतींतल्यान मेळटा. ‘बहारीन फिशशिंग कंपनी’ आनी ‘बहारीन पेट्रोलियम कंपनी’ ह्या कंपन्यांक लागून नुस्तेमारी आनि खनीज तेल उत्पादन ह्या उद्देगांत वाड जायत आसा. मे १९७० त बहारीन ऑर्गनायझेशन ऑफ अरब पेट्रोलियम एक्सपोर्टींग कंट्रीस’ (ऑपॅक) चो वांगडी जालो. देशांतलें खनीज तेल उत्पादन दर दिसा २,६१,००० (१९७७) बल्लां आशिल्लें. देशांत खूब ब्रिटीश, अमेरिकन वेपारी संस्था आसात. डिसेंबर १९७७ त दर वर्सा एक लाख वीस हजार टन उत्पादन आशिल्लो, अँल्युमिनियम निवळीकरण प्रकल्प सुरू जालो.
येरादारी आनी संचारण : बहारीन हें येरादारीच्या मळार फुडारिल्लें अशें राश्ट्र. बहारीन जुंव्याचेर येरादारीखातीर रस्त्यांचें जाळें आसून हेर म्हत्वाच्या शारांनी ते ल्हान ल्हान पुलांनी जोडल्यात. हाका लागून बसींची आनी टॅक्सींची येरादारी सगळ्याक आसा. मनामासावन ३ किमी. पयस आशिल्ल्या मुहॅरॅकाक बहारीनाचो आंतरराश्ट्रीय विमानतळ आसा. हागाच्यान संवसारांतल्या म्हत्वाच्या विमान कंपनीकडच्यान जगभर हवाई येरादारी जाता. बहारीनांतल्यान बोटींची एकसारकी येरादारी आखाती बंदरांकडेन आनी उदेंत बंदरांकडेन चलता.
१९८६ मेरेन हांगा अरबी भाशेंतल्यान उजवाडाक येवपी खूब दिसाळीं आशिल्लीं. चडशीं खबरांपत्रां खाजगी आसात. रेडिओ आनी दूरचित्रवाणी सेवेची बरीच उदरगत जाल्या. दूरचित्रवाणी केंद्रां सरकाराचे आनी खाजगी मालकीचीं आसात.
लोक आनी समाजजीण : बहारीनांतली चडशी वस्ती शाराची आसून उतरेकडच्या जुंव्याचेर ग्रामीण समाज चड आसा. वट्ट लोकसंख्येतले ९० लोक अरब आसून उरिल्ल्या लोकांमदीं इराणी, भारतीय, पाकिस्तानी हांचो आस्पाव जाता. इस्लाम हो राश्ट्रीय धर्म. शिया आनी सुन्नी पंथांचे सारकेच लोक आसात. अमीर, ताचे गायजी, हेर सत्तादरी लोक आनी कांय गिरेस्त घराणीं हे सुन्नी पंथाचे आसात. हांगाच्या कांय गिरेस्त लोकांनी युरोपीय चाली-रिती आपणायल्यात. बहारीन लोकांचें अन्न म्हळ्यार खाजूर, नुस्तें, फळां, दूद आनी शीत. अरबी ही बहारीनाची शासकीय भास आसून उद्देगीक मळाचेर इंग्लिशीचो उपेग चड जाता.
म्हत्वाचीं थळां : मनामा हे बहारीनाचें राजपाटण आसून शाकीय आनी उद्देगीक नदरेन म्हत्वाचें आसा. मीना सलमान हें उद्देगीक केंद्र आनी सगळ्यांक उक्तें आशिल्लें बंदर, अँवॅली मेदिनेत हीं म्हत्वाचीं शारां. रास अबू जरजूर उदेंतेतलें मुखेल उपग्रह प्रेक्षेपण केंद्र. – कों. वि. सं. मं.
बहिणाबाई, संत : (जल्म: १६२९, देवगांव – वेरूळ; मरण: - २ ऑक्टोबर १७००).
मराठी संत कवयित्री. तिचे आवयचें नांव जानकी आनी बापायचें नांव आऊजी आशिल्लें तिचें आडनांव कुळकर्णी. आऊजी मौनसगोत्री, यजुर्वेदी ब्राह्मण आसून कुळकर्णपणाचें काम करतालो.
बहिणाबाई तीन वर्सांची आसतना तीस वर्सां पिरायेच्या रत्नाकर पाठक नांवाच्या बिजवराकडेन तिचें लग्न केलें. तो शिवपूराक (शिऊर). रावतालो. लग्नाउपरांत चार वर्सांनी बहिणाबाईच्या बापायक खूब रीण जालें आनी जांवयाच्या सल्ल्याप्रमाण आपल्या कुटुंबाक घेवन ताणें घरदार सोडलें. पंढरपूर, शिंगणापूर असो भोंवन तो रहिमतपूराक आयलो. थंय दोन वर्सां रावतकच कोल्हापूराक ताणें वास्तव्य केलें, कोल्हापूरांत, हिरंभट नांवाच्या ब्राह्मणागेर बिराड करून रावलो. थंय आसतना, बहिणाबाई जयरामस्वामी (वडगांवकार) हाचीं किर्तनां आयकूपाक वताली. तुकारामाची अभंगवाणी तिणें आयकली आनी ती तुकारामाची भक्ती करपाक लागली. कार्तिक वद्य पंचमीक, आयतार शके १५६६९ (इ. स. १६४७) तुकारामान बहिणाबाईक सपनांत दर्शन दिवन गुरूपदेश दिलो. तेन्नासावन तिका घोवाकडल्यान जावपी त्रासूय सोंपलो. उपरांत बहिणाबाई घोवासयत देहूक आयली. थंय तिका तुकारामाचें प्रत्यक्ष दर्शन भूरगीं जालीं. विठोबा फूडें कवी आनी किर्तनकार जालो.
बहिणाबाईक तारामाच्या आशर्वादान कवित्त्वस्फूर्ती जाली. तिच्यो सुनार साडेसातशें काव्यरचना आसून त्यो वि.ना. कोल्हारकर हाणें संत ‘बहिणाबाईची गाथा’ ह्या नांवान उजवाडायल्या. (१९२६). तशेंच, टस्टिन इष्ट्र अँबट संपादीत महाराष्ट्र कविसंतमालेंत बहिणाबाईच्या मूळ मराठी गाथे वांगडाच तिचो इंग्लीश अणकार दिला. बहिणाबाईन देहूच्या मुक्कामामेरेन आपली आपजीण अभंगरूपान बरयल्या. बहिणाबाईची काव्यशैली सादी, सरळ आशिल्ली. ‘संतकृपा जाली, इमारत फळा आली’ हो तिचो अभंग खूब नामनेक पावला. – को. वि. सं. मं.
बहुरूपी : नांवाभाशेन विंगड विंगड तरांची संवगां घेवन भेस बदलून लोकांची करमणूक करपी एक जमात. लोकांनी दिल्ल्या द्रव्यांतल्यान ते आपलो निर्वाह चलयतात. चड करून शेत कापणीच्या दिसांनी हे लोक खेड्यापाड्यांनी भोंवतात..
भोंवढंगी अभिनय आनी भोंवढगी आवाज हीं बहुरूप्याचीं खाशेलपणां. केन्ना गुरवार बायल, केन्ना बाळंटीण तशेंच तिचें रडपी भुरगें अशो तरातरांच्यो भुमिका तो करून दाखयता. तशेंच तो जनावरांचे,शेवण्याचे आवाजय काडून दाखयता. अभिनय आनी पदां हीं बहु रूप्याचे कलेचीं दोन मुखेल आंगां.
