This page has not been proofread.
भारताचे उत्तरेक आनी ईशान्येक मुखेल अशो तीन पर्वतांवळी दिश्टी पडटात. अस्तंतेक काश्मीरसावन उदेंतेक अरुणाचल प्रदेशामेरेन सुमार २,५०० किमी. लांब हो प्रदेश पातळ्ळा. ह्या पर्वतांवळींची मध्य भागार रुंदाय सुमार ४०० किमी. आसून अस्तंत-उदेंत तोंकांचेर ती उणी म्हळ्यार १५० किमी. आसा. ह्या पर्वतीय प्रदेशान सुमार ५ लक्ष चौ. किमी. क्षेत्र रेवडायलां. ह्यो पर्वतांवळी म्हळ्यार संवसारांतले सगळ्यांत नवे आनी ऊंच घडयां घडयांचे पर्वत आसात अशें भूंयतंज्ञांचें मत आसा. हिमालय पर्वतीय प्रदेशांत साबार न्हंयो, हिमन्हंयो, खोल आनी रुंद
