Page:Konkani Viswakosh Vol3.pdf/102

From Wikisource
Jump to navigation Jump to search
This page has not been proofread.

तेन्ना गोंयांत स म्हयने राश्ट्रपती राजवट लागू जाली. ह्या काळांत महाराष्ट्रवादी गोमंतक पक्षाचो ह्या नात्यान गोंय महाराष्ट्रांत विलीन जावचें म्हणून खेड्यापाड्यांतल्यान भोंवडी करून ताणें प्रचार केलो. गोंय केंद्रशासित प्रदेश दवरचो, काय महाराष्ट्रांत विलीन करचे ह्या पवस्नाचेर ३ जानेवारी १९६७ दिसा सार्वमत घतलें. भोव मतापवमाण गोंय केंद्रशासित प्रदेश जालो. तेउपरांत एप्रिल १९६७ चे वेचणुकेंत बांदोडकर,महाराष्ट्रवादी गोमंतक पक्षावतीन भोवमतान वेंचून आयलो आनी गोंयचो दुसरे खेप मुखेलमंत्री जालो.

बांदोडकरान आपल्या मुखेलमंत्रीपदाचे कारकिर्दींत गोंयांत जायती सुदारणा केली. गोंयची सर्वांगीण उदरगत जावंची म्हूण ताणें जायत्यो येवजण्यो आनी कार्यक्रम आंखले. शेती आनी नुस्तेंमारी हांकां प्रोत्साहन दिलें. गोंयांतल्या उद्देजकांक चालना दिली. गांवगिऱ्या वाठारांतल्या शिक्षणावांगडाच ताणें तांत्रिक आनी वैजकी शिक्षणाकय प्रोत्साहन दिलें. संगीत, नाट्य, नाच आनी साहित्य हाकां उत्तेज दिवपाखातीर गोंयांत कला अकादेमीची स्थापणूक केली. जायत्या शिक्षणीक तशेंच खेळाविशींच्या संस्थांक ताणें सदळ हातान मदत केली. गोंय भोंवडेकारांचें आकर्शण थारचें, देखून ताणें जायत्यो येवजण्यो आंखल्यो. व्हड दानी मनीस म्हणू ताची नामना आशिल्ली. क्रिकेट, शिकार, वाचन, बरें जेवण ह्यो गजाली ताका मनापसून आवडटाल्यो. – कों. वि. सं. मं.

बांदोडकार, दीनानाथ वासुदेवः (जल्मः २ ऑगस्ट १९३५, वार्का-सालसेत).

सुटकेझुजारी. ‘नॅशनल काँग्रेस गोवा’ हे संघटनेचो तो वांगडी आशिल्लो. ६ एप्रिल १९५५ ह्या दिसा मडगांव रेल्वेगेटीकडेन जाल्ल्या सत्याग्रहांत ताणें वांटो घेतिल्लो. पुलिसांनी ताका धरलो आनी ताचे खूब हाल केले. तशेंच ताका स म्हयने पणजे पिशां हॉस्पिटलांत दवरलो. उपरांत ताका ११ वर्सां बंदखणीची ख्यास्त फर्मायली. दर म्हयन्यांत मडगांव पोलिस ठाण्याचेर येवन हजेरी लावंक जाय, हे अटीचेर २० ऑगस्ट १९५९ दिसा ताची सुटका जाली. भारत सरकारान ताम्रपत्रदिवन ताचो भोवमान केलो. – कों. वि. सं. मं.

बांबुटीः आफ्रिका खंडांतल्या झाईरे प्रजासत्ताकांतली एक पिग्मी जमात. हांची वसती चडकरून विषुववृत्तालागीं आशिल्ल्या इटुरी ह्या रानांत आसा.

हे लोक वर्णान काळे आसून, तांचे केंस खूब मुदयाळे, रूंद नाक, मोठ्ठे दोळे आनी लोंबत्या ओठांचे आसतात. रानवटी फळां आनी फुलांपसून काडिल्ल्या रंगीत दिकान ते आपली तकली, मुखामळ, फाट आनी पोट रंगयतात. सुकिल्ल्यो वाली, हतया दांत, लाकडाचे कुडके हांचेपसून तयार केल्ले अलंकार ते वापरतात. दांतांचे वयले सुळे आनी दाढो तासून, तांकां धारेचीं तोकां काडटात. दादले – बायलो झाडांच्या सालींचो लंगोटीभाशेन उपेग करतात.