आसता. गोलरेशेचे पलतडीवटेन ताका समांतर अश्यो रेशो २३ मी. अंतराचेर काडिल्ल्यो आसतात. हांकां ‘इन गोल’ अशें म्हण्टात. पुराय मैदानाक मदीं विभागणी रेशा म्हळ्यार ‘हाफ वे लायन’ आसून तिच्या दोनूय वटांनी १० मी. अंतराचेर समांतर रेशो काडिल्ल्यो आसतात. गोल खांब्यांमदलें अंतर ५.६ मी. आसता.
रग्बी युनियनांत दरेका संघांत १५ खेळगडे आसतात. दरेकी ४० मिनटाचे दोन डाव मध्यांतराक वा सुरेश घेवन खेळटात. सामन्याचें नियंत्रण पंच आनी ताचे दोन सहाय्यक करतात. ह्या खेळांत पेल्लाक खोंट मारप, पांयांनी खेळयत फुडें फुडें व्हरप, पेल्ल हातांत घेवन धांवप, पेल्ल एका खेळगड्यान दुसर्या खेळगड्याकडेन दिवप आदी प्रकरांचो आस्पाव जाता. खेळगडो जर ‘ऑफ सायड’ स्थितींत आसलो जाल्यार ताका खेळांत वांटो घेवन मेळना. ‘ऑन सायड’ स्थितींत खेळगडो हो सदांच पेल्लाफाटल्यान वा पेल्ल घेवन धांवपी ताच्या संघांतल्या दुसर्या खेळगड्याकडेन पेल्ल पास करतना तो दोनूय वटांनी वा फाटले वटेनूच दिवंक जाय. मुखावेल्यान पेल्ल दिवप (फॉरवर्ड पास) नेमाभायर जाता. पेल्ल घेवन धांवपी खेळगड्याक प्रतिपक्षाचो खेळगडो आडावंक वा धरूंक शकता आनी ताका मैदानांत बसोवंक (टॅकलिंग) शकता. पूण ताका ब्लॉकिंग करूंक येना.
अमेरिकन फूटबॉल, कॅनेडियन फूटबॉल, ऑस्ट्रेलियन फूटबॉल हे उण्या चड अंतरान रग्बी फूटबॉल खेळाचे प्रकार.
संवसारीक सॉकर सर्तींत वांटो घेवपी वेगवेगळ्या देशांतले कांय नामनेचे खेळगडे अशे:
ब्राझील – पॅलॅ, बेलीनी, झीटो, गारींचा, दीदी, व्हा व्हा, झागालो, झेर्सन, झेर्झीचो, टोस्टाव, टीव्हेलीनो, सोक्रातीश, झीकी, जूझेमार आनी कारेका.
आर्जेटिंना – मारादोना, कानेयझीया, गोयकाचोव्ह, बूसचागा, पासरेल, केंपीश, लुक आनी अर्टोनी.
अस्तंत जर्मनी – बेकनबूर, मूलर, मेयर, शुमेकर, मेथावज, रुमेनीझ, ब्रीझल, फिशर, ब्रेटनर लीटझबार्की, वेबर, ओव्हराथ, सीलर, व्होलर आनी ब्रेहम.
इटली – झोफ, बरगोमी, सीलासी, व्हीयाली, काब्रीमी, तारदेली, रोसी, कोंटी, झेंगा, फाचेरी, माझेला, टीव्हेरा, बाग्गीयो आनी बारेसी.
इंग्लंड – ब्यंक्स, मूर, बॉबी चार्लटन, हर्स्ट, शील्टन, लीनेकर, ग्लासकोयन, रायट, बूचर आनी वॉकर.
हॉलंडी – क्र्यूफ, नेसकीन्स, क्रोल, गुलीट, टीजकडि, रेझन ब्रींक बास्टन आनी वयोमन.
रशीया – याशीन, देसायव्ह, बेलानोव्ह, प्रोटोझांव्ह आनी मीकालीशेको.
स्पेन – ब्रुटाझेनो, मिचेल, सांचीश आनी व्हाक्सेझ.
केमरून - मील्ला, बेल आनी बीयीक.
कोलंबिया – व्हालटामा, दूगीटा, पेरेझ आनी ईस्कोवार.
रुमानीया – हागी, लेकाटस आनी बेलोडीडीसी.
बेल्जीयम – स्कीफो, डेमोल आनी स्युलेमान.
हंगेरी – पूशकाश, सारोसी, टीट्कोश, लांटोश, बीरो आनी लाझार.
भारतांत राष्ट्रीय फूटबॉल सर्तीची सुरवात १९४१ – ४२ हया वर्सा जाली. दिल्लीचेर बंगालान ५.१ अशें जैत मेळोवन सगळ्यांत पयलीं संतोष करंड जिखपाचो मान मेळयलो. १९४२ – ४३ आनी १९४३ – ४४ हीं दोन वर्सां ही सर्त जाली ना. १९४४ – ४५ ही सर्त परत जावन तातूंत दिल्लीन बंगालाचेर २.० अशें जैत मेळोवन संतोष करंड जिखलो. आयज मेरेन बंगाल ही सर्त २२ फावटीं जिखला जाल्यार १० खेपे ताका हे सर्तीचें उपवस्तादपण मेळ्ळां. १९८३ कलकत्याक जाल्ले राष्ट्रीय सर्तींत बंगाल आनी गोंय पंगडांक जोड वस्तादपण मेळ्ळां. उपरांत गोंय पंगडात १९८४ त पंजाबाचेर जैत मेळोवन आनी १९९० त केरळाचेर जैत मेळोवन दोन फावटीं संतोष करंडाचें वस्तादपण मेळयलें. १९९० त जाल्ली ही सर्त गोंयांतल्याच फातोड्ड्यां (मडगांव) नेहरू स्टेडियमाचेर जाल्ली. गोंयान दोन खेपे चल्यांची ज्युनियर राष्ट्रीय सर्त तशेंच सवज्युनियर राष्ट्रीय सर्त जिखल्या. तेचपरी चलयांचे ज्युनियर आनी सबज्युनियर सर्तीचें वस्तादपण गोंयांक मेळिल्लें आसा. बायलांचे राष्ट्रीय सर्तीचें वस्तादपण गोंयांक मेळ्ळां. तेभायर गोंयांन दोन फावटीं राष्ट्रीय विद्यालयीन सर्तीचें वस्तादपण मेळयलां. सुब्रोटो करंडूय गोंयांक मेळिल्लो आसा.
राष्ट्रीय सर्तीन कांय विक्रम आसात ते अशे:
१९७४ त पंजाबचो मुखेली इंदरसींग हाणें जालंधराक जाल्ले सर्तींत २३ गोल केले. निमण्या खेळांत पंजाबात बंगालाचेर ६:० अशें जैत मेळयलें. संतोष करंडाच्या निमण्या खेळांत इतलें व्हडलें जैत खंयच्याय पंगडाक मेळूंक ना. १९९४ त गोंयान मद्रासाक जाल्ली सर्त एकूय गोल घेनासतना जिखली. गोंयचो मुखेली ब्रम्हानंद शंखवाळकार हो गोंय पंगडाचो गोली आशिल्लो. १९४६ – ४७ ते १९५१ – ५२ ह्या काळांत सेगीत पांच वर्सा बंगालान ही सर्त जिखली. तेचपरी फुडें १९७५ – ७६ आनी १९७९ – ८० ह्या काळांतूय ताणें सेगीत पांच वर्सा ही सर्त जिखपाचो विक्रम केलो.
भारतांतलो अर्जून पुरस्कार मेळयल्ले खेळगडे: प्रदीप कुमार बॅनर्जी (बंगाल, १९६१); बलराम (बंगाल, १९६२); चूनी गोस्वामी (बंगाल, १९६३); जर्नेल सिंग (बंगाल, १९६४); अरुण घोष (बंगाल, १९६५); युसूफ खान (आध्र प्रदेश, १९६६); पिटर त्यागराज (बंगाल, १९६७); इंदर सिंग (पंजाब, १९६८); सय्यद नईमउद्दीएन (बंगाल, १९७०);
