तीक्ष्ण नखेत्रां – आर्द्रा, आक्ष्लेषा, ज्येष्ठा आनी मूळ हीं अभिचार, हनन, मंत्रप्रयोग ह्या कर्मांक योग्य.
चर नखेत्रां – श्रवण, धनिष्ठा, शततारका, स्वाती आनी हस्त. वाहनांचेर बसप, उपवनांत वचप ह्या कामांक योग्य.
मृदू नखेत्रां – मृग, चित्रा , अनुराधा आनी रेवती. इश्टागत आनी शुभ कामां खाती रहीं चार नखेत्राम प्रशस्त मानतात.
लघू नखेत्रां – पुष्य, आक्ष्विनी आनी हस्त. अध्ययनारंभ आनी अलंकरण हे खातीर हीं तीन नखेत्रां योग्य.
उग्र नखेत्रां - मघा, भरणी, पुर्वाफाल्गुनी, पुर्वाषाढा आनी पुर्वाभाद्रपदा. शत्रुनाशन, वीखप्रयोग आनी अभिचार ह्या कामां खाती रहीं पाँच नखेत्रां योग्य मानतात.
मृदूतीक्ष्ण नखेत्रां- कृत्तिका आनी विशाखा. सामान्य कामां खाती रहीं दोन नखेत्रां योग्य मानतात. तशें नखेत्रांचे कांय प्रकारण मानल्यात ते अशे –
अधोमुख नखेत्रां – मूळ, आक्ष्लेषा, कृत्तिका,विशाखा, पुर्वाभाद्रपदा, मघा आनी भरणी.हांचेर बांय, तळीं सारकिल्लीं कामां करचीं.
अर्ध्वमुख नखेत्रां – आर्द्रा, पुष्य, श्रवण, धनिष्ठा, शततारका, उत्तराफाल्गुनी, उत्तराषाढा, उत्तराभाद्रपदा आनी रोहिणी. हांचेर घर, प्रासाद, देवूळ बी सारकिल्लीं कामां करचीं.
तिर्थड्.मुख नखेत्रां – मृग, रेवती, चित्रा, अनुराधा, हस्त, स्वाती, पुनर्वसू, ज्येष्ठा आनी आक्ष्विनी. हांचेर गाडी, रथ जावं नांगर करचे.
अंध नखेत्रां- धनिष्ठा, पुष्य, रोहिणी, पुर्वाषाढा, विशाखा, रेवती आनी उत्तराफाल्गुनी.
मंदाक्ष नखेत्रां – हस्त, उत्तराषाढा, अनुराधा, शततारका, आक्ष्लेषा, आश्विनी आनी मृगशीर्ष.
मध्याक्ष नखेत्रां - आर्द्रा, मघा, पुर्वाभाद्रपदा, चित्रा, ज्येष्ठा, अभिजीत
