Page:Konkani Viswakosh Vol2.pdf/299

From Wikisource
Jump to navigation Jump to search
This page has not been proofread.

केल्ली. देखून मयेंच्या लोकांनी पुर्तुगेजांआड व्हड चळवळ उबारिल्ली. स्वातंत्र्यसैनीक विश्वनाथ लवंदे हाच्या मार्गदर्शनाखाला मयेंच्या शेतकामत्यांनी ११ डिसेंबर १९४६त ‘नांगर सत्याग्रह’ केलो. गोंयाभायल्या सत्याग्रह्यांक गोंयांत धाडपाक भारत सरकारान बंदी घालेउपरांत तो आदेश मोडून उडोवपाखातीर १८ मे १९५५ दिसा नानासाहेब गोरे आनी सेनापती बापट हांच्या फुडारपणाखाला लाडफ्यां (दिवचल) इतिहासीक सत्याग्रह जालो.

दिवचल तालुक्यांत एक नगरपालिका आनी अठरा पंचायती आसात. दिवचल तालुक्याची पाळी, दिवचल आनी मयें अशी तीन विधानसभा मतदारसंघांमदीं विभागणी केल्ली आसा.

अर्थीक स्थिती : शेतवड हो दिवचल म्हालांतल्या लोकांचो मुखेल वेवसाय. तरी खाण वेवसाय आनी काजू प्रक्रिया उद्देग हांकांय खूब म्हत्व आसा. भात हें हांगाचें मुखेल पीक. कांदे, नाचणें, तोर, कुळीद, अळसांदो हींय पिकां हांगा गिमाच्या दिसांनी काडटात. पूण खण वेवसायाच्या वायट परिणामांक लागून पिकांचें प्रमाण उणें जायत आसा. सुपारी, नाल्ल, काजू ह्या सारकिल्या पिकांक बागायतदार संस्थांक लागून बरे दीस आयल्यात. काजूगर आणी काजुचो सोरो काडपाचो धंदो नेटान चलता.

दिवचल तालुक्यांतल्या उद्देग धंद्यांचो विचार केल्यार खाण वेवसायाक चड म्हत्व आसा हें मतींत येता. ह्या उद्देगान फाटलीं कांय वर्सांसावान गोंयचे अर्थवेवस्थेक सांवरून धरल्या. ह्या तालुक्यांत कांय गांव सोडल्यार सगळ्या गांवांनी मिनाखाणी आसात. दिवचल, पाळी, वेळगें, सूर्ल, आमोणें, नावेली, कुडणें, पिळगांव, मयें, शिरगांव, कांसरपाल ह्या गांवांनी हो वेवसाय चलता. हांगाच्या खाणींनी मुखेलपणान लोखणाचे सांठे आसात. दिवचलच्या ६० टक्क्यांपरस चड कुटुंबाचो उदरनिर्वाह ह्या उद्देगाचेर आदारिल्लो आसा.

बर्‍याच प्रकारच्या कलाकुसरी संबंदींचे वेवसाय हांगा चलतात. मेस्तकाम, भांगर, रुपें, लोखण हांचें धातूकाम, पितूळचें धातूकाम, चामड्याचें काम, कुमारकाम ह्या ल्हान-ल्हान उद्देगांकूय हांगा म्हत्व प्राप्त जाल्लें आसा.

शिरगांवचे लईराई देवीची जात्रा, साळचो गड्यांचो उत्सव, बोर्डॆंची घोडेमोडणी, आमोणेंचो दसरो, अडवलपालचे शर्वाणी देवीचो दिवजोत्सव,