ताणें खूब प्रसार केलो हर्ष हो धर्मीक वृत्तीचो,दयाळू,आनी प्रजाहितदक्ष आशिल्लो ताच्या राज्यांत समृध्दी नंदताली तशेंच जायतीं विद्याकेंद्रांय ताच्या राज्यांत अशिल्ली थंय शेंकड्यांनी पंडित वेगवेगळ्या शास्त्रांचें आनी कलांचें अध्यापन करताले ताणें बौध्द,जैन,ब्राह्मणी,आदी सगळ्या प्रकारचीं देवळां निर्माण केल्लीं आनी मठ स्थापन केल्ले ताचे कारकिर्दींत वेगवेगळ्या कलांचोय विकास जालो ताणें जायत्या विध्दानांक आलाशिरो दिल्लो हर्षचरित आनी कादंबरी हे ग्रंथ रचपी कवी बाणभट्ट ताच्या दरबारांत आशिल्लो हरिदत्त आनी जयसेन हांकांय ताणें आलाशिरो दिल्लो हर्षवर्धनान स्वता नागानंद र्त्नावली आनी प्रियदर्शिका ह्या नांवाचीं तीन नाटकां रचिल्ली
-कों वि सं मं
हलपती,गोपाळ सुक्केर : (जल्म:३० जानेवारी १९३०,भामटी-दमण;मरण:३० मार्च १९७५,दमण) सुटकेझुजारी तानें गुजरातींत प्राथमिक मेरेन शिक्षण घेतलें सुटकेझुजाच्या काळांत मोती-दमण आनी ताच्या लागसरच्या गांवांनी तो राजकीय वावर करतालो तेन्ना पोलिसांनी ताका धरलो आनी तीन वर्सांखातीर बंदखणींत दवरलो,दोन वर्सां उपरांत ताची बंदखणींतल्यान सुटका जाली भारत सरकारान सुटकेझुजांतल्या तांच्या वावराचो ताम्रपत्र दिवन भोवमान केला
-कों वि सं मं
हलपती,भागुभाय करियाभाय: (जल्म:१९१६,भिमपूर-दमण) सुटकेझुजारी तो रेंदेरपणाचें तशेंच वावर करपाचें काम करतालो इंडियन नॅशनल कॉंग्रेस आनी आझाद गोमंतक दल संघटनेचो तो वांगडी आशिल्लो तो चडसो संघटनेच्या भूंयगत वावरांनी वांटो घेतालो पुर्तुगेज पोलिसांनी ताका धरलो आनी पांच वर्सां बंदखणींची ख्यास्त फर्मायली पूण अडेज वर्सां आग्वाद बंदखणींत शिक्षा भोंगल्या उपरांत ताची सुटका जाली १५ ऑगस्ट १९७२ ह्या दिसा भारत सरकारान ताम्रपत्र दिवन भोवमान केलो -कों वि सं मं
हलपती,मोहनभाय राधकाभाय : (जल्म:२ डिसेंबर १९३२,रिंगणवाडा,दमण) सुटकेझुजारी ताणें एस एस एस सी मेरेन शिक्षण घेतिल्लें तो सरकारी प्राथमिक शिक्षक आशिल्लो तो 'आझाद गोमंतक दल संघटने'चो वांगडी आशिल्लो १९५६ सावन ताणें राश्ट्रीय वावर करूंक सुरवात केली जून १९५६ त पोलिसांनी ताका अंटक केलो आनी कांयच चवकशी करिनासतना स म्हयने बंदखणींत दवरलो उपरांत ताका गोंयांत हाडून प्रदेशीक लश्करी न्यायालयामुखार उबो केलो आनी ४ वर्सांखातीर बंदखणीची ख्यास्त तेचपरी १२०० रु दंड भरप ना जाल्यार आनीक दोन वर्सां बंदखण अशी ख्यास्त फर्मायली फुडें ३० ऑगस्ट १९५९ दिसा बंदखणींतल्यान ताची सुटका जाली भारत सरकारान ताम्रपत्र दिवन ताचो भोवमान केलो -कों वि सं मं
हस्त: आश्र्विन्यादी गणनेंतलें तेरावें नखेत्र विषुववृत्ताच्या सकयल चित्रा नखेत्रालागसार स तारकांचो जो एक चोमो आसा ताका हस्त अशें म्हण्टात सविता ही हस्ताची देवता आसा ह्या चोम्याच्यो तारका ज्योतिशग्रंथांत पांच मानिल्ल्यो आसात,पूण त्यो स आसात हाच्या उत्तर तोंकाक आशिल्ली एक तारका मंद आशिल्ल्यान ती विचारांत घेवप जायना जपानी पंख्यावरी हो दिसता ताच्या मध्यभागार आशिल्ली ठळक तारका म्हळ्यार त्या हाताचो मणिबंध दक्षिण तोंकाक आशिल्ली तारका म्हळ्यार आंगठो आनी मागीर वळीन तर्जनी,मध्यमा आदी बोटांवरी आसात ह्या तारकांतली मध्यमा ही मनशाच्या हाताच्या मध्यमेवरी लांब आसा आनी कनिश्ठीका अनामिकेक सामकीं चिकटून आसा हें नखेत्र कन्या राशींत येता तें चर लघू तिर्यड्मुख आनी मंदाक्ष तशेंच बायल आसा हस्त नखेत्राचेर जल्मुपी मनशाक एश्र्वर्यप्राप्ती जाता अशें म्हण्टात -कों वि सं मं
हळद :(पळेयात परिशिश्ट)
हळदणकार, प्रभाकर यशवंत: (जल्म :२६ एप्रिल १३२,सिर्सी-बार्देस) सुटकेझुजारी तो 'नॅशनल कॉंग्रेस गोंय संघटने'चो वांगडी आशिल्लो सुटके चळवळीच्या काळांत बसकांनी वांटो घेवप पत्रकां वांटप असलीं कामां तो करतालो २६ जानेवारी १९५४ ह्या दिसा पोलिसांनीताका मिरवणुकींत वांतो घेतिल्ल्याच्या आरोपाखाल अटक केलो १९५४-१९५१ हो काळ मेरेन ताक बंदखण भोगची पडली १९७५ वर्सा भारत सरकारान ताम्रपत्र दिवन ताचो भोवमान केलो
-कों वि सं मं
हळदणकार विष्णु मुकूंद: (जल्म १० ऑगस्ट १९३५ हळदोणें-बारदेस) गोंयचो सुटकेझुजारी ताणें मराठी चवथीमेरेन शिकप केलां गोंयचे सुटके चळवळी वेळार ताणें वण्टी पत्रकां लावपाचें,तीरंगी बावटो लावपाचें आपल्या इश्टांक सुटके चळवळींत वांटो घेवंक उत्तेजन हाडपाचें शिवाय म्हत्वाच्या वाठारांनी बॉंब आनी हाती दारुगुळो मारपाचें काम केलां१९५९ वर्सा हळडोणा वाठारांत ताका धरिल्लो
