सुटकेझुजारी. ताणें प्रथिमक शिक्षण मराठी, इंग्लीश आनी पुर्तुगेजींतल्यान घेतलें. तो नॅसनल काँग्रेस गोवा हे संघटनेचो वांगडी आशिल्लो, पुस्तिका वांटप, वण्टीपत्रका लावप, भूंयगत सुटकेझुजाऱ्यांक आदार दिवप. असलीं कामां तो करतालो.पोलिसान ताका धरलो आनी साडेसात म्हयन्यांखातीर बंदखणींत दवरलो. १९७२ वर्सा भारत सरकारान ताम्रपत्र दिवन ताचो भोवमान केलो.
सावंत, महादेव रामनाथ:(जल्म : १४ फेब्रुवारी १९३० नेवरा-तिसवाडी).
सुटकेझुजारी. ताणें प्राथमिक शिक्षण मराठींतल्यान घेतलें. तो नॅशनल काँग्रेस गोवा हे संघटनेचो वांगडी आशिल्लो. सुटके चळवळीच्या काळांत तो राश्ट्रीय वावरांत वांटो घेतालो. २३ जुलय १९४५ दिसा पोलिसामनी ताका अटक केला. प्रादेशिक लश्करी न्यायालयामुखार उबो करून ताक आठ वर्सा बंदखणीची ख्यास्त फर्मायली.तशेंच दोन वर्सांखतीर ताका दंड भरूंक लायलो आनी पांच वर्सांखातीर ताचे राजकीय हक्क काडून घेतलो. बंदखणांत ताका सुमाराभायर मार खावंचो पडलो. ३० डिसेंबर १९३८ दिसा बंदखणींतल्यान ताची सुटका जाली. १५ ऑगस्ट १९७२ ह्या दिसा भारत सरकारान ताम्रपत्र दिवन ताचो भोवमान केलो.
सावंत, रामकृष्ण धर्मा:(जल्म: ८ एप्रिल १९३६, म्हापसा- बारदेस).
सुटकेझुजारी. ताणें प्राथमिक शिक्षण मराठी आनी पुर्तुगेजींतल्यान घेतलें. १९५५ वर्सा सावन तो नॅशनल काँग्रेस गोवा हे संघटनेचो वांगडी आशिल्लो.. लोकांच्या मनांत सुटकेझुजाऱ्याविशीं जागृताय योवंची देखून तो प्रचार करतालो. म्हापसा हांगा सुधाताई जोशी हिच्या फुडारपणाखाला जाल्ल्या मेळाव्यांत तो हजर आशिल्लो. ह्या आरोपावयल्यान ६ एप्रिल १९५५ दिसा ताका अटक केली. १० म्हयन्यां उपरांत प्रादेशिक लश्करी न्यायालयामुखार उबो करून ताका णव वर्सांची ख्यास्त फर्मायली.२८ नोव्हेंबर १९५८ दिसा ताची बंदखणींतल्यान सुटका जाली. १९७२ वर्सा भारत सरकारान ताम्रपत्र दिवन ताचो भोवमान केलो.
सावंत, वासुदेव अनंत:( जल्म: १५ जून १९३०, वळवय- फोंडें).
सुटकेझुजारी. ताणें प्रथमिक शिक्षण मराठींतल्यान घेतलें. तो आझाद गोमंतक दल संघटनेचो वांगडी आशिल्लो. आझाद गोमंतक दल संघटनेच्या फुडाऱ्याच्या मार्गदर्शनाखाला तो राश्ट्रीय वावरांनी वांटो घेतलो. जुलय १९५५ त ताका पोलिसांनी अटक केली आनी १६ म्हयन्याखातीर बंदखणींत दवरलो.थंयच्यान सुटका जावन थोड्याच दिसांनी परत ताका अटक करून बंदखणांत दवरिल्लो. १९७२ वर्सा भारत सरकारान ताम्रपत्र दिवन ताचो भावमान केलो.
सावंत,शिवा पांडुरंग : (जल्म:२३ नोव्हेंबर १९२१, केरी-पेडणे).
सुटकेझुजारी. ताणें माध्यमिक शिक्षण मराठींतल्यान घेतलें. आझाद गोमंतक दल संघटनेचो वांगडी आशिल्लो. पत्रकां लावप. सुटकेझुजाऱ्यांची जेवणाची वेवस्था पळोवप, तांका रावपाक आसरोदिवप हीं कामां तो करतालो. भारतीय शीमेवयल्यान तांकां चोरयां बंदुको, स्फोटकां आनी पत्रकां हाडपाक मदत करप असलीं कामां तो करतालो. १९५८ वर्सा पोलिसांनी ताका धरलो, मार दिलो आनी इकरा म्हयन्यांखातीर बंदखणींत दवरलो. ऑगस्ट १९७२ वर्सा भारत सरकारान ताम्रपत्र दिवन ताचो भोवमान केलो.
सावकार. रघुवीर :(जल्म : २४ ऑगस्ट १८९३ म्हपशें;मरण १२ सप्टेंबर १९६१ मुंबय)
मराठी, उर्दु रंगमाचयेवयलो एक नामनेचो संगीत नट. म्हापशा स्थायीक जाल्लें सावकार घराणें हें मुळचें नागव्याचें. ताचें मूळ आडनांव नागवेकार. थंयच्यान ह्या घराण्याचो एक पूर्वज सावंत वाडी संस्थानांतल्या रेड्डी गांवांत स्थायीक जालो. हांगच्या ह्या घराण्याक तांच्या थंयच्या वेवसायावयल्यान सावकार हें आडनांव प्राप्त जालें. उपारांत वेवसायाचे गरजेनुसार हें घराणें म्हापशां स्थायीक जालें.
प्राथिमक शिक्षण मराठींतल्यान जाले उपरांत ताणें पुर्तुगेज शिक्षण घेतलें. शिक्षण अर्द्याचेर सोडून ताणें नाट्याकलेची उपासना केली. घरांत नाट्याकलेची परंपरा ताच्या आज्यासावन चलत आयली. ते परंपरेकडल्या स्फूर्त घेवन घरच्यांच्या मार्गदर्शनाखाला ल्हान वयांतच रंगमाचयेर पदार्पण केलें. आदीं बालकलाकार म्हणून आनी उपरांत स्त्री- पार्टी म्हणून रघुवीरान म्हापशां आनी उपरांत संबंद गोंयांत नामना जोडली. रुप, अभिनय आनी संगीत ह्या तीनय आंगांनी परीपूर्ण आशिल्लें रघुवीराचें व्याक्तीमत्व रसीकांक मोहित करतालें.
नाट्यक्षेत्रांत व्यापक संद प्राप्त जावंची हो हेत बाळगून रघुवी १९१३ वर्सा मुंबय गेलो आनी ताच्या अभिनय- गुणाच्या म्हालवजार ताक श्री दत्तोपंत हल्याळकर ह्या श्रेश्ठ नाट्य कलाकाराच्या
