KRONIEK
꧋ꦏꦧꦂꦮꦂꦤꦶꦮꦂꦤꦶ꧉
꧋ꦥꦼꦛꦶꦏ꧀ꦏꦤ꧀ꦱꦏꦶꦁꦱꦼꦫꦠ꧀ꦱꦼꦫꦠ꧀ꦏꦧꦂꦱꦤꦺꦱ꧀꧉
꧋ꦱꦼꦫꦠ꧀ꦏꦧꦂ Soer. Hbld꧉ꦲꦩꦂꦠꦺꦴꦱ꧀ꦱꦏꦼꦤ꧀꧈ꦧꦶꦭꦶꦃꦥꦸꦁꦏꦱꦤ꧀ꦤꦶꦁꦠꦲꦸꦤ꧀ 1928 ꦏꦁꦗꦼꦁꦓꦸꦱ꧀ꦠꦶꦦꦔꦺꦫꦤ꧀ꦲꦢꦶꦥꦠꦶꦲꦂꦪꦩꦁꦑꦸꦟꦒꦫꦧꦝꦺꦠꦶꦤ꧀ꦢꦏ꧀ꦝꦠꦼꦁꦌꦫꦺꦴꦦꦃ꧈ꦥꦽꦭꦸꦲꦗꦼꦤꦼꦁꦔꦶꦏꦺꦴꦁꦒꦿꦺꦱ꧀ꦧꦧ꧀ꦏꦒꦸꦤꦤ꧀ꦏꦮꦸꦭ꧈ꦲꦶꦁꦏꦁꦧꦝꦺꦢꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦧꦺꦚ꧀ꦗꦶꦁꦲꦶꦁꦮꦸꦭꦤ꧀ꦝꦺꦱꦺꦩ꧀ꦧꦼꦂꦠꦲꦸꦤ꧀ 1928 ꦲꦶꦁꦏꦶꦛꦦꦿꦃ꧉
꧋ꦮꦺꦴꦤ꧀ꦠꦼꦤ꧀ꦥꦮꦂꦠꦺꦴꦱ꧀꧈ꦧꦶꦭꦶꦃꦲꦶꦁꦏꦁꦏꦁꦒꦺꦥꦥꦤ꧀ꦥꦩ꧀ꦧꦸꦕꦭ꧀ꦭꦶꦥꦸꦤ꧀ꦏꦾꦲꦶꦕꦫꦶꦔꦶꦤ꧀꧈ꦲꦶꦁꦒꦶꦃꦥꦸꦤꦶꦏ꧇ꦕꦶꦪꦚ꧀ꦗꦸꦂ꧈ꦢꦺꦤꦺꦥꦁꦏꦠ꧀ꦠꦶꦥꦸꦤ꧀ꦏꦾꦲꦶꦮꦲꦸꦏꦭꦢꦶꦤ꧀ꦠꦼꦤ꧀ꦏꦼꦩꦶꦱ꧀ꦲꦶꦁꦏꦁꦏꦥꦼꦁꦏꦼꦂꦥꦸꦤꦶꦏ꧉ꦱꦢꦪꦧꦠꦶꦃꦲꦶꦥꦸꦤ꧀ꦱꦩ꧀ꦥꦸꦤ꧀ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦮꦸꦭꦤ꧀ꦩꦁꦒꦺꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦡꦤꦃꦲꦧꦁ(ꦮꦺꦭ꧀ꦠꦼꦦꦿꦺꦝꦼꦤ꧀)꧈ꦩꦶꦁꦒꦸꦲꦶꦁꦏꦁꦥꦸꦁꦏꦱ꧀ꦱꦤ꧀ꦥꦶꦪꦩ꧀ꦧꦏ꧀ꦥꦸꦤꦶꦏ꧈ꦏꦾꦲꦶꦕꦫꦶꦔꦶꦤ꧀ꦲꦸꦒꦶꦏꦥꦉꦁꦔꦏꦼꦤ꧀ꦩꦁꦒꦺꦤ꧀ꦏꦼꦩ꧀ꦥꦭ꧀ꦏꦭꦶꦪꦤ꧀ꦧꦠꦶꦃꦲꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦡꦤꦃꦲꦧꦁ꧉ꦩꦤ꧀ꦠꦸꦤꦶꦥꦸꦤ꧀ꦗꦊꦂꦏꦾꦲꦶꦕꦫꦶꦔꦶꦤ꧀꧈ꦤꦩ꧇ꦲꦗꦶꦄꦃꦩꦢ꧀ ꦏ꦳ꦠꦶꦧ꧀ꦲꦶꦁꦏꦁꦔꦥꦭꦤꦶꦲꦁꦒꦺꦤ꧀ꦤꦶꦥꦸꦤ꧀ꦠꦠꦠꦠꦲꦢꦩꦼꦭ꧀ꦒꦺꦒꦺꦂꦫꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦕꦫꦶꦔꦶꦤ꧀꧈ꦱꦩ꧀ꦥꦸꦤ꧀ꦱꦮꦠꦮꦶꦱ꧀ꦭꦩꦶꦏꦱꦶꦁꦏꦶꦂꦫꦏꦼꦤ꧀ꦝꦠꦼꦁꦝꦶꦓꦸꦭ꧀꧈ꦱꦱꦉꦁꦔꦤ꧀ꦏꦭꦶꦪꦤ꧀ꦲꦶꦭ꧀ꦩꦤ꧀꧈ꦏꦥꦭꦏꦺꦴꦩ꧀ꦩꦸꦤꦶꦱ꧀ꦭꦤ꧀ꦲꦶꦁꦏꦁꦔꦼꦢꦼꦒ꧀ꦒꦏꦼꦤ꧀ꦥꦏꦼꦩ꧀ꦥꦭ꧀ꦭꦤ꧀ꦫꦸꦏꦸꦤ꧀ꦲꦱ꧀ꦭꦶꦲꦶꦁꦯꦺꦫꦁ꧉ꦢꦺꦤꦺꦲꦤꦏ꧀ꦏꦶꦥꦸꦤ꧀ꦏꦾꦲꦶ꧈ꦤꦩꦲꦗꦶꦄꦯꦼꦥ꧀ꦌꦩꦶꦢ꧀꧈ꦱꦩꦁꦏꦺꦠꦏ꧀ꦱꦶꦃꦔꦼꦤ꧀ꦠꦺꦴꦱ꧀ꦱꦶꦥꦸꦠꦸꦱꦤ꧀ꦤꦶꦥꦸꦤ꧀ꦤꦒꦫꦶ꧉
꧋ꦢꦺꦫꦺꦁꦢꦔꦸꦥꦸꦤꦶꦏꦲꦶꦁꦨꦤ꧀ꦝꦸꦁꦩꦼꦤ꧀ꦠꦱ꧀ꦢꦶꦥꦸꦤ꧀ꦲꦼꦢꦼꦒ꧀ꦒꦏꦼꦤ꧀ꦥꦏꦼꦩ꧀ꦥꦭ꧀ꦭꦤ꧀ꦠꦸꦩꦿꦥ꧀ꦥꦫꦮꦤꦶꦠꦥꦿꦶꦧꦸꦩꦶ꧈ꦲꦶꦁꦏꦁꦢꦶꦥꦸꦤ꧀ꦤꦩꦏꦏꦼꦤ꧀꧇ꦥꦸꦠꦿꦶꦆꦤ꧀ꦝꦺꦴꦟꦺꦱꦶꦪꦃ꧉ꦥꦏꦼꦩ꧀ꦥꦭ꧀ꦭꦤ꧀ꦥꦸꦤꦶꦏꦕꦧꦁꦔꦶꦥꦸꦤ꧀ꦥꦏꦼꦩ꧀ꦥꦭ꧀ꦭꦤ꧀ Pakêmpalan Jong-Indonesia ꦄꦥ꧀ꦝꦺꦭꦶꦁꦨꦤ꧀ꦝꦸꦁꦠꦸꦩꦿꦥ꧀ꦥꦫꦮꦤꦶꦠ꧉ꦩꦼꦁꦒꦃꦱꦼꦢꦾꦤꦶꦁꦥꦏꦼꦩ꧀ꦥꦭ꧀ꦭꦤ꧀ꦲꦔꦗꦼꦁꦔꦏꦼꦤ꧀ꦱꦱꦿꦮꦸꦁꦔꦤ꧀ꦤꦶꦥꦸꦤ꧀ꦱꦠꦸꦁꦒꦭ꧀ꦭꦤ꧀ꦱꦠꦸꦁꦒꦶꦭ꧀ꦭꦶꦥꦸꦤ꧀꧈ꦠꦸꦮꦶꦤ꧀ꦲꦔꦸꦢꦶꦝꦠꦼꦁꦏꦥꦽꦭꦸꦮꦤ꧀ꦤꦶꦥꦸꦤ꧀ꦠꦶꦪꦁꦚꦼꦥꦼꦁꦧꦭꦺꦒꦿꦶꦪ꧉
꧋ꦮꦺꦴꦤ꧀ꦠꦼꦤ꧀ꦏꦧꦂ꧈ꦧꦶꦭꦶꦃꦠꦶꦠꦶꦪꦁꦥꦱꦏꦶꦠ꧀ꦠꦤ꧀ꦲꦶꦁꦏꦁꦏꦠꦲꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦒꦿꦶꦪꦥꦏꦸꦚ꧀ꦗꦫꦤ꧀ꦲꦶꦁꦓ꧀ꦭꦺꦴꦝꦺꦴꦒ꧀꧈ꦱꦩꦁꦏꦺꦱꦩꦶꦢꦶꦥꦸꦤ꧀ꦧꦒꦶꦝꦠꦼꦁꦥꦏꦸꦚ꧀ꦗꦫꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ꦲꦶꦁꦒꦶꦃꦥꦸꦤꦶꦏ 180 ꦏꦏꦶꦤ꧀ꦠꦸꦤ꧀ꦤꦏꦼꦤ꧀ꦝꦠꦼꦁꦒꦿꦶꦪꦥꦏꦸꦚ꧀ꦗꦫꦤ꧀ꦲꦶꦁꦯꦿꦒꦺꦤ꧀꧈ꦭꦤ꧀ 250 ꦏꦏꦶꦤ꧀ꦠꦸꦤ꧀ꦤꦏꦼꦤ꧀ꦝꦠꦼꦁꦩꦢꦸꦫ꧈ꦢꦢꦺꦴꦱ꧀ꦱꦩꦁꦏꦺꦲꦶꦁꦏꦁꦠꦏ꧀ꦱꦶꦃꦏꦠꦲꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦓ꧀ꦭꦺꦴꦝꦺꦴꦒ꧀ꦠꦏ꧀ꦱꦶꦃꦮꦺꦴꦤ꧀ꦠꦼꦤ꧀ꦥꦱꦏꦶꦠ꧀ꦠꦤ꧀1450꧉ꦥꦔꦶꦤ꧀ꦠꦸꦤ꧀ꦤꦶꦥꦸꦤ꧀ꦥꦱꦏꦶꦠ꧀ꦠꦤ꧀ꦥꦱꦏꦶꦠ꧀ꦠꦤ꧀ꦝꦠꦼꦁꦩꦢꦸꦫꦏꦤ꧀ꦛꦶꦢꦶꦥꦸꦤ꧀ꦗꦒꦶꦱꦫꦝꦝꦸꦆꦤ꧀ꦥꦤ꧀ꦠꦼꦫꦶꦏꦭꦶꦃꦧꦿꦶꦒꦝꦼꦱꦏꦶꦁꦩꦶꦱ꧀ꦠꦼꦂꦏꦺꦴꦂꦟꦺꦭꦶꦱ꧀꧈ꦲꦶꦁꦏꦁꦔꦥꦭꦤꦶꦱꦠꦸꦁꦒꦶꦭ꧀ꦭꦶꦁꦎꦥ꧀ꦱꦶꦂ꧉ꦩꦶꦠꦸꦫꦸꦠ꧀ꦏꦧꦂꦏꦮꦠ꧀꧈ꦥꦔꦶꦤ꧀ꦠꦸꦤ꧀ꦤꦶꦥꦸꦤ꧀ꦝꦠꦼꦁꦩꦢꦸꦫꦮꦲꦸ꧈ꦏꦠꦶꦤ꧀ꦢꦏ꧀ꦲꦏꦼꦤ꧀ꦏꦤ꧀ꦛꦶꦱꦶꦝꦼꦩ꧀ꦩꦤ꧀꧈ꦮꦶꦗꦸꦊꦁꦧꦺꦴꦠꦼꦤ꧀ꦏꦶꦫꦁꦱꦠꦸꦁꦒꦭ꧀ꦥꦸꦤꦥ꧉ꦧꦺꦴꦠꦼꦤ꧀ꦢꦔꦸꦩꦭꦶꦃꦥꦫꦱꦫꦝꦝꦸꦲꦶꦁꦏꦁꦲꦔꦼꦠꦼꦂꦫꦏꦼꦤ꧀ꦥꦱꦏꦶꦠ꧀ꦠꦤ꧀ꦥꦱꦏꦶꦠ꧀ꦠꦤ꧀ꦮꦲꦸ꧈ꦏꦺꦔꦶꦁꦏꦲꦗꦼꦁꦲꦗꦼꦁꦲꦺꦁꦒꦭ꧀ꦮꦁꦱꦸꦭ꧀ꦝꦠꦼꦁꦠꦁꦱꦶꦤꦶꦥꦸꦤ꧀ꦩꦭꦶꦃꦱꦫꦤꦤꦸꦩ꧀ꦥꦏ꧀ꦱꦼꦥꦸꦂ꧉
꧋ꦱꦏꦶꦁꦔꦪꦺꦴꦓꦾꦏꦮꦂꦠꦺꦴꦱ꧀ꦱꦏꦼꦤ꧀꧈ꦧꦶꦭꦶꦃꦏꦺꦴꦩꦶꦠꦺꦏꦺꦴꦁꦒꦿꦺꦱ꧀ P.S.I. ꦧꦝꦺꦲꦔ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦥꦉꦥꦠ꧀ꦠꦤ꧀ꦲꦶꦁꦏꦁꦱꦼꦢꦾꦤꦶꦥꦸꦤ꧀ꦩꦸꦫꦶꦃꦥꦱꦸꦭꦪꦤꦶꦁꦉꦩ꧀ꦧꦒ꧀ꦥꦏꦼꦩ꧀ꦥꦭ꧀ꦭꦤ꧀ꦩꦸꦃꦲꦩ꧀ꦩꦢ꧀ꦢꦶꦪꦃꦭꦤ꧀ꦄꦃꦩꦢ꧀ꦢꦶꦪꦃꦱꦒꦼꦢꦏꦱꦶꦉꦥ꧀ꦥꦏꦼꦤ꧀꧉
꧋ꦮꦶꦮꦶꦠ꧀ꦲꦶꦁꦱꦥꦸꦤꦶꦏꦏꦶꦤ꧀ꦠꦸꦤ꧀ꦤꦤ꧀ꦱꦼꦫꦠ꧀ꦠꦸꦮꦶꦤ꧀ꦏꦺꦴꦛꦏ꧀ꦏꦤ꧀ꦲꦶꦁꦏꦁꦩꦮꦉꦒꦶꦠꦸꦩꦿꦥ꧀ꦝꦠꦼꦁꦩꦼꦏꦃꦠꦸꦮꦶꦤ꧀ꦗꦸꦢ꧀ꦢꦃꦢꦶꦥꦸꦤ꧀ꦠꦩ꧀ꦥꦺꦤ꧀ꦤꦶ꧈ꦉꦒꦶꦤꦶꦥꦸꦤ꧀ꦧꦺꦴꦠꦼꦤ꧀ꦏꦺꦔꦶꦁꦭꦁꦏꦸꦁ f 960.-꧉
꧋ꦥꦸꦭꦶꦱꦶꦱꦒꦼꦢ꧀ꦚꦼꦥꦼꦁꦕꦤ꧀ꦢꦸꦥꦼꦠꦼꦁꦮꦺꦴꦤ꧀ꦠꦼꦤ꧀ꦱꦊꦧꦼꦠ꧀ꦠꦶꦁꦏꦥꦭ꧀ van Heutsz꧈ꦮꦮꦿꦠ꧀ 6000 ꦠꦲꦶꦭ꧀꧈ꦉꦒꦶ f 175.000.-꧈ꦕꦤ꧀ꦢꦸꦮꦲꦸꦢꦶꦥꦸꦤ꧀ꦲꦸꦩ꧀ꦥꦼꦠ꧀ꦠꦏꦼꦤ꧀ꦮꦺꦴꦤ꧀ꦠꦼꦤ꧀ꦱꦔꦤ꧀ꦝꦥ꧀ꦥꦶꦁꦥꦭꦶꦁꦒꦶꦃꦲꦤ꧀ꦲꦶꦁꦱꦼꦏꦺꦴꦕꦶ꧉
꧋ꦮꦂꦠꦺꦴꦱ꧀ꦱꦏꦶꦁꦔꦪꦺꦴꦓꦾꦲꦶꦁꦏꦁꦏꦠꦩ꧀ꦥꦶꦲꦶꦁꦪꦥ꦳ꦧꦺꦴꦞꦼ꧈ꦩꦂꦠꦺꦴꦱ꧀ꦱꦏꦼꦤ꧀꧈ꦧꦶꦭꦶꦃꦲꦶꦁꦔꦪꦺꦴꦓꦾꦮꦼꦏ꧀ꦢꦭ꧀ꦥꦸꦤꦶꦏꦱꦮꦼꦒ꧀ꦤꦶꦤꦶꦩ꧀ꦧꦁꦲꦶꦁꦧꦧ꧀ꦧꦝꦺꦲꦢꦼꦒ꧀ꦒꦶꦥꦸꦤ꧀ꦯꦸꦭ꧀ꦠꦤꦲꦠ꧀ꦱ꧀ꦠꦸꦢꦶꦪꦺꦥ꦳ꦺꦴꦤ꧀ꦢ꧀ꦱ꧀꧉ꦩꦼꦁꦒꦃꦲꦶꦁꦏꦗꦼꦁꦔꦶꦥꦸꦤ꧀꧈ꦤꦼꦢꦾꦩꦿꦒꦢ꧀ꦢꦶꦥꦫꦤꦺꦤꦺꦩ꧀ꦩꦤ꧀ꦧꦺꦴꦁꦱꦗꦮꦶꦲꦶꦁꦏꦁꦲꦱ꧀ꦭꦶꦱꦏꦶꦁꦔꦪꦺꦴꦓꦾ꧈ꦲꦶꦁꦏꦁꦧꦝꦺꦱꦶꦤꦲꦸꦝꦠꦼꦁꦥꦩꦸꦭꦁꦔꦤ꧀ꦠꦼꦔꦃꦲꦤ꧀ꦲꦶꦁꦲꦶꦤ꧀ꦝꦶꦪꦲꦸꦠꦮꦶꦝꦠꦼꦁꦤꦒꦫꦶꦮꦭꦤ꧀ꦢꦶ꧉
꧋ꦲꦶꦁꦏꦁꦱꦒꦼꦢ꧀ꦲꦁꦱꦭ꧀ꦥꦶꦠꦸꦭꦸꦁꦔꦤ꧀ꦥꦸꦤꦶꦏꦤꦩꦸꦁꦥꦫꦤꦺꦤꦺꦩ꧀ꦩꦤ꧀꧈ꦲꦶꦁꦏꦁꦠꦶꦪꦁꦱꦼꦥꦸꦃꦲꦶꦥꦸꦤ꧀ꦠꦸꦮꦶꦤ꧀ꦲꦶꦁꦏꦁꦤꦁꦒꦼꦭ꧀ꦒꦼꦱꦁꦔꦶꦥꦸꦤ꧀꧈ꦧꦺꦴꦠꦼꦤ꧀ꦏꦶꦪꦠ꧀ꦧꦧꦂꦥꦶꦱꦤ꧀꧈ꦲꦸꦠꦮꦶꦫꦒꦶꦏꦶꦫꦁꦏꦶꦪꦠ꧀ꦩꦫꦒꦢꦶꦭꦫꦺꦮꦲꦸ꧈ꦭꦤ꧀ꦧꦶꦭꦶꦃꦲꦶꦁꦠꦼꦩ꧀ꦧꦺꦧꦝꦺꦕꦼꦥꦼꦁꦢꦩꦼꦭ꧀ꦲꦶꦁꦏꦱꦸꦭ꧀ꦠꦤ꧀ꦤꦤ꧀꧉
꧋ꦲꦶꦁꦏꦁꦲꦁꦱꦭ꧀ꦥꦶꦠꦸꦭꦸꦁꦔꦤ꧀ꦮꦲꦸ꧈ꦲꦶꦁꦠꦼꦩ꧀ꦧꦺꦢꦶꦥꦸꦤ꧀ꦮꦗꦶꦧ꧀ꦧꦏꦼꦤ꧀ꦕꦼꦥꦼꦁꦢꦩꦼꦭ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦱꦸꦭ꧀ꦠꦤ꧀ꦤꦤ꧀ꦱꦏꦼꦝꦶꦏ꧀ꦱꦏꦼꦝꦶꦏ꧀ꦏꦶꦥꦸꦤ꧀ꦒꦁꦱꦭ꧀ꦠꦲꦸꦤ꧀꧈ꦠꦸꦮꦶꦤ꧀ꦏꦼꦢꦃꦩꦁꦱꦸꦭ꧀ꦭꦏꦼꦤ꧀ꦮꦫꦒꦢ꧀ꦢꦶꦁꦥꦱꦶꦤꦲꦺꦴꦤ꧀ꦤꦶꦥꦸꦤ꧀꧈ꦏꦕꦼꦁꦏ꧀ꦭꦺꦴꦁꦱꦏꦶꦁꦧꦭꦚ꧀ꦗꦤꦶꦥꦸꦤ꧀꧈ꦱꦧꦼꦤ꧀ꦮꦸꦭꦤ꧀ 10%.
꧋ꦏꦮꦂꦠꦺꦴꦱ꧀ꦱꦏꦼꦤ꧀꧈ꦢꦺꦫꦺꦁꦢꦔꦸꦏꦁꦗꦼꦁꦦꦔꦺꦫꦤ꧀ꦲꦂꦪꦯꦸꦫꦧꦿꦠꦧꦶꦝꦭ꧀ꦱꦏꦶꦁꦯꦸꦫꦏꦂꦠꦝꦠꦼꦁꦔꦩ꧀ꦧꦺꦴꦤ꧀꧈ꦲꦶꦁꦏꦁꦔꦸꦤ꧀ꦠꦥ꧀ꦥꦏꦼꦤ꧀ꦝꦠꦼꦁꦯꦼꦩꦫꦁ꧈ꦲꦶꦁꦏꦁꦥꦩꦤ꧀꧈ꦏꦁꦗꦼꦁꦦꦔꦺꦫꦤ꧀ꦲꦂꦪꦕꦏꦿꦟꦶꦔꦿꦠ꧀꧈ꦠꦸꦮꦶꦤ꧀ꦲꦶꦁꦏꦁꦫꦪꦶ꧈ꦏꦁꦗꦼꦁꦦꦔꦺꦫꦤ꧀ꦲꦂꦪꦏꦸꦯꦸꦩꦧꦿꦠ꧉
꧋ꦏꦮꦂꦠꦺꦴꦱ꧀ꦱꦏꦼꦤ꧀꧈ꦲꦶꦁꦝꦸꦱꦸꦤ꧀ꦧꦸꦒꦼꦭ꧀꧈ꦎꦤ꧀ꦢꦼꦂꦝꦶꦱ꧀ꦠꦿꦶꦏ꧀ꦥꦚ꧀ꦗꦠꦤ꧀꧈ꦏꦸꦭꦺꦴꦤ꧀ꦥꦿꦒ꧈ꦏꦠꦿꦗꦁꦲꦶꦁꦮꦔ꧀ꦮꦸꦁꦲꦩꦏ꧀ꦭꦥ꧈ꦱꦩꦶꦤꦼꦝꦤ꧀ꦤꦶꦧ꧀ꦭꦫꦏ꧀꧉ꦧꦼꦒ꧀ꦗꦢꦺꦤꦺꦧꦺꦴꦠꦼꦤ꧀ꦭꦗꦼꦁꦔꦽꦧ꧀ꦢ꧉ꦱꦏꦶꦁꦥꦔꦶꦤ꧀ꦠꦼꦤ꧀ꦤꦶꦁꦔꦏꦛꦃ꧈ꦲꦩꦮꦲꦸꦲꦱ꧀ꦭꦶꦱꦏꦶꦁꦲꦸꦮꦸꦃꦲꦸꦮꦸꦃꦱꦲꦸꦫꦸꦠ꧀ꦠꦶꦁꦩꦂꦒꦶꦏꦮꦠ꧀꧈ꦥꦔꦶꦤ꧀ꦠꦸꦤ꧀ꦤꦶꦥꦸꦤ꧀ꦝꦠꦼꦁꦩꦢꦸꦫꦮꦲꦸ꧈ꦏꦠꦶꦤ꧀ꦢꦏ꧀ꦲꦏꦼꦤ꧀ꦏꦤ꧀ꦛꦶꦱꦶꦝꦼꦩ꧀ꦩꦤ꧀꧈ꦮꦶꦗꦸꦊꦁꦧꦺꦴꦠꦼꦤ꧀ꦏꦶꦫꦁꦱꦠꦸꦁꦒꦭ꧀ꦥꦸꦤꦥ꧉ꦧꦺꦴꦠꦼꦤ꧀ꦢꦔꦸꦩꦭꦶꦃꦥꦫꦱꦫꦝꦝꦸꦲꦶꦁꦏꦁꦲꦔꦼꦠꦼꦂꦫꦏꦼꦤ꧀ꦥꦱꦏꦶꦠ꧀ꦠꦤ꧀ꦥꦱꦏꦶꦠ꧀ꦠꦤ꧀ꦮꦲꦸ꧈ꦏꦺꦔꦶꦁꦏꦲꦗꦼꦁꦲꦗꦼꦁꦲꦺꦁꦒꦭ꧀ꦮꦁꦱꦸꦭ꧀ꦝꦠꦼꦁꦠꦁꦱꦶꦤꦶꦥꦸꦤ꧀ꦩꦭꦶꦃꦱꦫꦤꦤꦸꦩ꧀ꦥꦏ꧀ꦱꦼꦥꦸꦂ꧉
꧋ꦣꦺꦫꦺꦁꦢꦔꦸꦒꦿꦶꦥꦶꦂꦭꦤ꧀ꦢꦿꦢ꧀ꦲꦶꦁꦨꦚꦸꦮꦔꦶꦢꦶꦥꦸꦤ꧀ꦥꦼꦗꦃꦲꦶꦲꦶꦁꦠꦶꦪꦁꦄꦫꦧ꧀ꦲꦺꦮꦃꦮꦺꦴꦤ꧀ꦠꦼꦤ꧀ꦲꦶꦁꦏꦤ꧀ꦠꦺꦴꦂꦫꦶꦥꦸꦤ꧀꧉
