Page:Kajawen 52 1927-12-29.pdf/18

ꦏ꧇​ꦧꦶꦪꦸꦁ​ꦔꦶꦥꦸꦤ꧀꧈​ꦢꦺꦤꦺ​ꦧꦥ​ꦤꦩꦸꦁ​ꦚꦤ꧀ꦠꦺꦴꦱꦤ꧀ꦤꦶ​ꦭꦤ꧀ꦩꦼꦮꦃꦲꦶ​ꦏꦶꦏꦶꦫꦁ​ꦔꦤ꧀ꦤꦶꦁ​ꦥꦶꦮꦸꦭꦁ​ꦔꦶꦥꦸꦤ꧀ꦧꦶꦪꦸꦁ​꧉​ꦢꦢꦺꦴꦱ꧀ꦲꦶꦁ​ꦏꦁ​ꦲꦤ꧀ꦝꦱꦂꦫꦶ​ꦏꦥꦶꦤ꧀ꦠꦼꦂꦫꦤ꧀ꦲꦸꦠꦮꦶ​ꦮꦮꦠꦼꦏ꧀ꦏꦤ꧀ꦝꦠꦼꦁ​ꦲꦤꦏ꧀ꦥꦸꦤꦶꦏ꧇​ꦧꦶꦪꦸꦁ​꧉​ꦥꦿꦩꦶꦭ​ꦮꦠꦼꦏ꧀ꦏꦶꦁ​ꦩꦤꦸꦱ​ꦥꦸꦤꦶꦏ​ꦧꦺꦴꦠꦼꦤ꧀ꦠꦼꦧꦶꦃ​ꦱꦏꦶꦁ​ꦮꦮꦠꦼꦏ꧀ꦏꦤ꧀ꦤꦶꦁ​ꦧꦶꦪꦸꦁ​ꦔꦶꦥꦸꦤ꧀꧉​ꦝꦼꦝꦱꦂꦫꦶꦁ​ꦮꦮꦠꦼꦏ꧀ꦏꦤ꧀ꦲꦶꦁ​ꦏꦁ​ꦱꦲꦺ​ꦱꦤꦗꦤ꧀ꦏꦠꦸꦩ꧀ꦥꦁ​ꦔꦤ꧀ꦲꦸꦠꦮꦶ​ꦏꦮꦼꦮꦃꦲꦤ꧀ꦮꦮꦠꦼꦏ꧀ꦏꦤ꧀ꦲꦺꦁ​ꦒꦭ꧀ꦲꦶꦁ​ꦏꦁ​ꦲꦮꦺꦴꦤ꧀꧈​ꦥꦸꦤꦶꦏ​ꦠꦏ꧀ꦱꦶꦃ​ꦒꦩ꧀ꦥꦶꦭ꧀ꦲꦺꦮꦃ​ꦲꦺꦮꦃꦲꦤ꧀ꦤꦶꦥꦸꦤ꧀꧉​ꦏꦺꦴꦱꦺꦴꦏ꧀ꦮꦁ​ꦱꦸꦭ꧀ꦭꦶꦥꦸꦤ꧀ꦲꦶꦁ​ꦏꦁ​ꦱꦩ꧀ꦥꦸꦤ꧀ꦲꦝꦼꦝꦱꦂ​ꦮꦠꦏ꧀ꦲꦮꦺꦴꦤ꧀꧈​ꦱꦤꦗꦤ꧀ꦏꦠꦸꦩ꧀ꦥꦁ​ꦔꦤ꧀ꦮꦮꦠꦼꦏ꧀ꦏꦤ꧀ꦲꦶꦁ​ꦏꦁ​ꦱꦲꦺ꧈​ꦩꦼꦏ꧀ꦱ​ꦮꦺꦴꦤ꧀ꦠꦼꦤ꧀ꦏꦭꦩꦁ​ꦱꦤꦶꦥꦸꦤ꧀ꦮꦮꦠꦼꦏ꧀ꦏꦤ꧀ꦲꦶꦁ​ꦏꦁ​ꦲꦮꦺꦴꦤ꧀ꦥꦸꦤꦶꦏ꧈​ꦱꦒꦼꦢ꧀ꦔꦮꦺꦴꦤ꧀ꦤꦏꦼꦤ꧀ꦲꦶꦁ​ꦏꦁ​ꦱꦲꦺ꧉​ꦩꦶꦭ​ꦠꦼꦠꦁ​ꦒꦼꦭ꧀ꦭꦤ꧀ꦤꦶꦥꦸꦤ꧀ꦧꦶꦪꦸꦁ​ꦥꦸꦤꦶꦏ​ꦲꦮꦿꦠ꧀ꦱꦔꦼꦠ꧀꧉​ꦔꦸꦭꦶꦤꦏ꧀ꦲꦏꦼꦤ꧀ꦮꦠꦼꦏ꧀ꦲꦶꦁ​ꦏꦁ​ꦱꦲꦺ​ꦝꦠꦼꦁ​ꦲꦤꦏ꧀ꦥꦸꦤꦶꦏ​ꦧꦺꦴꦠꦼꦤ꧀ꦠꦿꦶꦩꦃ​ꦤꦩꦸꦁ​ꦏꦤ꧀ꦛꦶ​ꦏꦮꦸꦭꦁ​ꦏꦺꦩꦮꦺꦴꦤ꧀꧈​ꦲꦤꦔꦶꦁ​ꦲꦶꦁ​ꦏꦁ​ꦥꦽꦭꦸ​ꦱꦫꦤ​ꦏꦠꦸꦭꦝꦤ꧀ꦤꦤ꧀꧉​ꦠꦸꦭꦝ​ꦭꦁ​ꦏꦸꦁ​ꦲꦤ꧀ꦢꦪꦤ꧀ꦤꦶ​ꦠꦶꦤꦶꦩ꧀ꦧꦁ​ꦥꦶꦮꦸꦭꦁ​꧈​ꦩꦶꦭ​ꦱꦼꦱꦼꦧꦸꦠ꧀ꦠꦤ꧀ꦤꦶꦥꦸꦤ꧀ꦒꦸꦫꦸ꧈​ꦢꦶꦥꦸꦤ꧀ꦒꦸꦒꦸ​ꦥꦶꦮꦸꦭꦁ​ꦔꦶꦥꦸꦤ꧀ꦭꦤ꧀ꦢꦶꦥꦸꦤ꧀ꦠꦶꦫꦸ​ꦠꦸꦭꦝꦤꦶꦁ​ꦭꦩ꧀ꦥꦲꦶꦥꦸꦤ꧀꧉​

꧋ꦩꦼꦁ​ꦒꦃ​ꦱꦼꦢꦾꦤꦶꦥꦸꦤ꧀ꦠꦶꦪꦁ​ꦱꦼꦥꦸꦃ​ꦲꦁ​ꦒꦺꦤ꧀ꦤꦶꦥꦸꦤ꧀ꦩꦸꦭꦁ​ꦭꦤ꧀ꦲꦁ​ꦒꦸꦭꦮꦼꦤ꧀ꦛꦃ​ꦝꦠꦼꦁ​ꦲꦤꦏ꧀ꦥꦸꦤꦶꦏ꧈​ꦱꦥꦶꦱꦤ꧀꧇​ꦲꦤꦏ꧀ꦏꦶꦥꦸꦤ꧀ꦱꦸꦥꦢꦺꦴꦱ꧀ꦱꦫꦱ꧀ꦧꦢꦤ꧀ꦤꦶꦥꦸꦤ꧀꧈​ꦏꦥꦶꦁ​ꦏꦭꦶꦃ꧇​ꦱꦸꦥꦢꦺꦴꦱ꧀ꦥꦶꦤ꧀ꦠꦼꦂ꧈​ꦏꦥꦶꦁ​ꦠꦶꦒ꧇​ꦱꦸꦥꦢꦺꦴꦱ꧀ꦱꦲꦺ​ꦮꦠꦼꦏ꧀ꦏꦶꦥꦸꦤ꧀꧉​ꦔꦒꦼꦱꦁ​ꦥꦸꦤꦶꦏ​ꦩꦤꦮꦶ​ꦧꦺꦴꦠꦼꦤ꧀ꦒꦝꦃ​ꦱꦔꦸ​ꦠꦶꦒꦁ​ꦥꦿꦏꦮꦶꦱ꧀꧇​ꦱꦫꦱ꧀꧈​ꦥꦶꦤ꧀ꦠꦼꦂ꧈​ꦭꦤ꧀ꦮꦮꦠꦼꦏ꧀ꦏꦤ꧀ꦱꦲꦺ꧈​ꦲꦩꦱ꧀ꦛꦶ​ꦧꦺꦴꦠꦼꦤ꧀ꦮꦶꦭꦸꦗꦼꦁ​ꦱꦭꦩꦶꦤꦶꦥꦸꦤ꧀꧉​

꧋ꦮꦺꦴꦤ꧀ꦢꦺꦤꦺ​ꦲꦶꦁ​ꦏꦁ​ꦏꦱꦼꦧꦸꦠ꧀ꦥꦶꦮꦸꦭꦁ​ꦱꦏꦶꦁ​ꦗꦮꦶ​ꦥꦸꦤꦶꦏ​ꦩꦸꦠꦮꦠꦺꦴꦱ꧀ꦱꦏꦼꦤ꧀꧈​ꦗꦭꦂꦫꦤ꧀ꦠꦸꦏꦶꦁ​ꦥꦶꦮꦸꦭꦁ​ꦮꦂꦤꦶ​ꦮꦂꦤꦶ꧈​꧇꧑꧇​꧉​ꦱꦏꦶꦁ​ꦱꦱꦩꦶ​ꦲꦶꦁ​ꦏꦁ​ꦢꦶꦥꦸꦤ꧀ꦥꦱꦿꦃꦲꦶ​ꦩꦸꦭꦁ​꧈​ꦲꦶꦁ​ꦒꦶꦃ​ꦥꦸꦤꦶꦏ​ꦗꦸꦫꦸ​ꦥꦩꦺꦴꦩꦺꦴꦁ​ꦲꦸꦠꦮꦶ​ꦒꦸꦫꦸ​ꦱꦼꦏꦺꦴꦭꦃ꧈​꧇꧒꧇​꧉​ꦱꦏꦶꦁ​ꦩꦶꦠꦿ​ꦱꦱꦿꦮꦸꦁ​ꦔꦤ꧀ꦤꦶꦥꦸꦤ꧀ꦲꦸꦠꦮꦶ​ꦠꦶꦤ꧀ꦢꦏ꧀ꦏꦶꦁ​ꦱꦤꦺꦱ꧀ꦲꦶꦁ​ꦏꦁ​ꦢꦶꦥꦸꦤ꧀ꦫꦲꦺꦴꦱ꧀ꦢꦢꦺꦴꦱ꧀ꦥꦤꦸꦗꦸꦤꦶꦁ​ꦩꦤꦃꦲꦶꦥꦸꦤ꧀꧉​ꦩꦶꦭ​ꦧꦥ​ꦧꦶꦪꦸꦁ​ꦏꦼꦢꦃ​ꦩꦶꦭꦶꦃ​ꦱꦪꦼꦏ꧀ꦠꦺꦴꦱ꧀ꦠꦸꦩꦿꦥ꧀ꦠꦶꦪꦁ​ꦲꦶꦁ​ꦏꦁ​ꦧꦝꦺ​ꦢꦶꦥꦸꦤ꧀ꦥꦱꦿꦃꦲꦶ​ꦢꦢꦺꦴꦱ꧀ꦒꦸꦫꦸꦤꦶꦁ​ꦲꦤꦏ꧀ꦏꦶꦥꦸꦤ꧀꧉​ꦢꦺꦤꦺ​ꦧꦧ꧀ꦱꦱꦿꦮꦸꦁ​ꦔꦤ꧀꧈​ꦱꦩ꧀ꦥꦸꦤ꧀ꦢꦢꦺꦴꦱ꧀ꦥꦫꦶꦧꦱꦤ꧀꧇​ꦱꦶꦁ​ꦱꦥ​ꦱꦱꦿꦮꦸꦁ​ꦔꦤ꧀ꦩꦫꦁ​ꦮꦺꦴꦁ​ꦲꦭ꧈​ꦩꦱ꧀ꦛꦶ​ꦏꦭꦺꦥꦺꦠ꧀ꦠꦤ꧀ꦲꦶꦁ​ꦲꦭꦤꦺ꧉​ꦩꦶꦭ​ꦱꦢꦪ​ꦔꦒꦼꦱꦁ​ꦏꦼꦢꦃ​ꦱꦩꦶ​ꦔꦺꦔꦼꦠ꧀ꦠꦤ​ꦧꦶꦭꦶꦃ​ꦲꦶꦁ​ꦒꦶꦃ​ꦢꦢꦺꦴꦱ꧀ꦒꦸꦫꦸ꧈​ꦲꦸꦒꦶ​ꦢꦢꦺꦴꦱ꧀ꦩꦸꦫꦶꦢ꧀꧈​ꦱꦂꦠ​ꦩꦸꦭꦁ​ꦭꦤ꧀ꦤꦼꦝ​ꦮꦸꦭꦁ​꧉​ꦠꦶꦪꦁ​ꦲꦸꦠꦮꦶ​ꦭꦫꦺ​ꦲꦶꦁ​ꦏꦁ​ꦥꦤꦸꦗꦸ​ꦤꦶꦤ꧀ꦢꦏ꧀ꦲꦏꦼꦤ꧀ꦥꦠꦿꦥ꧀ꦲꦶꦁ​ꦏꦁ​ꦧꦺꦴꦠꦼꦤ꧀ꦱꦲꦺ꧈​ꦥꦸꦤꦶꦏ​ꦏꦗꦮꦶ​ꦧꦢꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦤꦼꦩꦃꦲꦶ​ꦕꦶꦭꦏ꧈​ꦠꦶꦪꦁ​ꦱꦤꦺꦱ꧀ꦲꦶꦁ​ꦒꦶꦃ​ꦱꦒꦼꦢ꧀ꦲꦸꦒꦶ​ꦤꦤ꧀ꦝꦁ​ꦏꦱꦁ​ꦱꦫꦤ꧀꧈​ꦧꦶꦭꦶꦃ​ꦲꦶꦁ​ꦏꦁ​ꦤꦶꦫꦸ​ꦥꦸꦤꦶꦏ​ꦠꦶꦪꦁ​ꦲꦶꦁ​ꦏꦁ​ꦏꦶꦫꦁ​ꦱꦼꦱꦼꦉꦥ꧀ꦥꦤ꧀ꦤꦶꦥꦸꦤ꧀꧉​ꦱꦫꦺꦃꦤꦶꦁ​ꦔꦒꦼꦱꦁ​ꦥꦸꦤꦶꦏ​ꦲꦶꦁ​ꦒꦶꦃ​ꦢꦢꦺꦴꦱ꧀ꦒꦸꦫꦸ​ꦠꦸꦮꦶꦤ꧀ꦲꦸꦒꦶ​ꦢꦢꦺꦴꦱ꧀ꦩꦸꦫꦶꦢ꧀꧈​ꦩꦶꦭ​ꦩꦤꦮꦶ​ꦮꦮꦠꦼꦏ꧀ꦏꦤ꧀ꦲꦸꦠꦮꦶ​ꦱꦼꦱꦼꦉꦥ꧀ꦥꦤ꧀ꦤꦶꦥꦸꦤ꧀ꦥꦸꦤꦶꦏ​ꦲꦮꦺꦴꦤ꧀꧈​ꦢꦢꦺꦴꦱ꧀ꦠꦸꦭꦂꦠꦸꦩꦸꦭꦂꦫꦶꦥꦸꦤ꧀ꦲꦶꦁ​ꦒꦶꦃ​ꦧꦺꦴꦠꦼꦤ꧀ꦱꦲꦺ꧉​

꧋ꦥꦸꦤ꧀꧈​꧇​ꦯ꧀꧈​ꦯꦶꦱ꧀ꦮꦩꦶꦲꦂ

ꦗ꧈​ꦦꦱꦸꦫꦸꦮꦤ꧀꧉​

꧋ꦠꦧꦼꦫꦶ​ꦲꦶꦏꦸ​ꦮꦼꦏꦼꦭ꧀ꦭꦶꦁ​ꦥꦚꦩ꧀ꦧꦸꦠ꧀ꦒꦮꦺ​ꦏꦁ​ꦲꦗꦼꦒ꧀꧈​ꦱꦤꦢꦾꦤ꧀ꦩꦸꦁ​ꦱꦛꦶꦛꦶꦏ꧀ꦤꦔꦶꦁ​ꦠꦸꦩꦶꦤ꧀ꦢꦏ꧀꧉​ꦤꦱ꧀ꦠꦶꦠꦶ​ꦲꦶꦏꦸ​ꦠꦸꦩꦶꦤ꧀ꦢꦏ꧀ꦏꦶꦁ​ꦥꦚꦩ꧀ꦧꦸꦠ꧀ꦒꦮꦺꦤꦺ꧈​ꦲꦗ​ꦔꦤ꧀ꦠꦶ​ꦏꦼꦭꦶꦮꦠ꧀ꦠꦤ꧀꧉​ꦢꦺꦤꦶꦁ​ꦔꦠꦶ​ꦲꦠꦶ​ꦲꦶꦏꦸ​ꦔꦫꦃ​ꦥꦚꦩ꧀ꦧꦸꦠ꧀ꦒꦮꦺꦤꦺ​ꦲꦗ​ꦔꦤ꧀ꦠꦶ​ꦭꦸꦥꦸꦠ꧀꧉​ꦩꦸꦁ​ꦚꦠꦤꦺ꧇​ꦒꦩ꧀ꦥꦁ​ꦩꦸꦁ​ꦒꦸꦃꦲꦶꦁ​ꦲꦸꦤꦶ꧈​ꦲꦔꦺꦭ꧀ꦢꦶꦭꦏꦺꦴꦤ꧀ꦤꦶ꧉​