Page:Kajawen 52 1927-12-29.pdf/17

From Wikisource
Jump to navigation Jump to search
This page has not been proofread.

꧋ꦗꦒꦢ꧀ꦢꦶꦁ​ꦱꦠꦺꦴ​ꦏꦺꦮꦤ꧀꧉​

꧋ꦒꦸꦫꦸ

꧋ꦠꦸꦩꦿꦥ꧀ꦠꦶꦪꦁ​ꦲꦶꦁ​ꦏꦁ​ꦠꦏ꧀ꦱꦶꦃ​ꦏ꧀ꦭꦺꦤ꧀ꦠꦸ​ꦱꦼꦉꦥ꧀꧈​ꦩꦼꦁ​ꦒꦃ​ꦲꦶꦁ​ꦏꦁ​ꦏꦮꦱ꧀ꦠꦤꦤ꧀꧇​ꦒꦸꦫꦸ꧈​ꦥꦸꦤꦶꦏ​ꦤꦩꦸꦁ​ꦠꦶꦪꦁ​ꦲꦶꦁ​ꦏꦁ​ꦥꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦩꦸꦭꦁ​ꦮꦺꦴꦤ꧀ꦠꦼꦤ꧀ꦲꦶꦁ​ꦥꦩꦸꦭꦁ​ꦔꦤ꧀ꦏꦢꦺꦴꦱ꧀ꦭꦶꦩꦿꦃ​ꦥꦸꦤꦶꦏ​ꦏꦺꦩꦮꦺꦴꦤ꧀꧉​ꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀꧈​ꦱꦢꦪ​ꦠꦶꦪꦁ​ꦥꦸꦤꦶꦏ​ꦲꦶꦁ​ꦒꦶꦃ​ꦒꦸꦫꦸ꧈​ꦩꦭꦃ​ꦱꦝꦺꦔꦃꦲꦶꦁ​ꦮꦸꦗꦸꦢ꧀ꦲꦶꦁ​ꦔꦭꦩ꧀ꦢꦺꦴꦚ​ꦥꦸꦤꦶꦏ꧈​ꦏꦺꦔꦶꦁ​ꦏꦲꦁ​ꦒꦼꦥ꧀ꦢꦢꦺꦴꦱ꧀ꦒꦸꦫꦸ꧉​ꦥꦫꦶꦧꦱꦤ꧀ꦧꦱ​ꦭꦠꦶꦤ꧀꧇​ꦤꦠꦶꦂ​ꦲꦶꦏꦸ​ꦒꦸꦫꦸ꧉​ꦒꦸꦫꦸ​ꦥꦸꦤꦶꦏ​ꦲꦶꦁ​ꦏꦁ​ꦢꦢꦺꦴꦱ꧀ꦭꦤ꧀ꦠꦫꦤ꧀ꦤꦶꦁ​ꦱꦸꦩꦼꦉꦥ꧀ꦝꦠꦼꦁ​ꦱꦼꦱꦼꦉꦥ꧀ꦥꦤ꧀꧈​ꦢꦺꦤꦺ​ꦱꦼꦱꦼꦉꦥ꧀ꦥꦤ꧀ꦲꦸꦠꦮꦶ​ꦏꦮꦿꦸꦃ​ꦥꦸꦤꦶꦏ꧈​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦱꦲꦺ​ꦱꦲꦺ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦲꦮꦺꦴꦤ꧀꧈​ꦲꦶꦁ​ꦏꦁ​ꦱꦲꦺ​ꦥꦿꦪꦺꦴꦒꦶ​ꦢꦶꦥꦸꦤ꧀ꦲꦁ​ꦒꦺ꧈​ꦲꦶꦁ​ꦏꦁ​ꦲꦮꦺꦴꦤ꧀ꦏꦼꦢꦃ​ꦏꦠꦶꦭꦂ꧉​ꦮꦺꦴꦤ꧀ꦢꦺꦤꦺ​ꦤꦭꦂꦫꦶꦥꦸꦤ꧀꧈​ꦢꦺꦤꦺ​ꦱꦝꦺꦔꦃꦲꦶꦁ​ꦮꦸꦗꦸꦢ꧀ꦥꦸꦤꦶꦏ​ꦏꦺꦔꦶꦁ​ꦏꦲꦁ​ꦒꦼꦥ꧀ꦢꦢꦺꦴꦱ꧀ꦒꦸꦫꦸ꧈​ꦗꦭꦂꦫꦤ꧀ꦩꦏꦠꦼꦤ꧀ꦲꦸꦥꦩꦶꦤꦶꦥꦸꦤ꧀꧇​ꦱꦒꦼꦢ꧀ꦢꦶꦥꦸꦤ꧀ꦩꦤꦸꦱ​ꦭꦗꦼꦁ​ꦩꦔꦽꦠꦺꦴꦱ꧀ꦝꦠꦼꦁ​ꦱꦱꦏꦶꦠ꧀ꦲꦶꦁ​ꦏꦁ​ꦤꦩ​ꦩꦭꦫꦶꦪꦃ꧈​ꦥꦸꦤꦶꦏ​ꦤꦩꦸꦁ​ꦱꦏꦶꦁ​ꦩꦒꦸꦫꦸ​ꦝꦠꦼꦁ​ꦊꦩꦸꦠ꧀꧉​ꦱꦒꦼꦢ꧀ꦢꦶꦥꦸꦤ꧀ꦭꦗꦼꦁ​ꦒꦝꦃ​ꦥꦶꦫꦤ꧀ꦠꦺꦴꦱ꧀ꦩꦧꦸꦂ꧈​ꦩꦒꦸꦫꦸ​ꦝꦠꦼꦁ​ꦱꦺꦴꦭꦃꦧꦮꦤꦶꦁ​ꦥꦼꦏ꧀ꦱꦶ꧉​ꦱꦸꦩꦼꦉꦥ꧀ꦥꦶꦥꦸꦤ꧀ꦝꦠꦼꦁ​ꦩꦶꦫꦶꦁ​ꦲꦸꦠꦮꦶ​ꦮꦫꦢꦶꦤꦶꦥꦸꦤ꧀ꦭꦸꦩꦃ꧈​ꦩꦒꦸꦫꦸ​ꦝꦠꦼꦁ​ꦲꦶꦭꦶꦤꦶꦥꦸꦤ꧀ꦠꦺꦴꦪ꧈​ꦩꦏꦠꦼꦤ꧀ꦱꦥꦶꦠꦸꦫꦸꦠ꧀ꦠꦶꦥꦸꦤ꧀꧉​

꧋ꦒꦸꦫꦸ​ꦱꦱꦩꦶ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦩꦤꦸꦱ​ꦱꦩꦶ​ꦩꦤꦸꦱ꧈​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦲꦁ​ꦱꦭ꧀ꦱꦼꦱꦼꦫꦥ꧀ꦥꦤ꧀ꦱꦏꦶꦁ​ꦲꦁ​ꦒꦺꦤ꧀ꦤꦶꦥꦸꦤ꧀ꦩꦒꦸꦫꦸ​ꦝꦠꦼꦁ​ꦱꦝꦺꦔꦃꦲꦶꦁ​ꦮꦸꦗꦸꦢ꧀ꦥꦸꦤꦶꦏ꧈​ꦭꦗꦼꦁ​ꦏꦠꦸꦭꦂꦠꦸꦭꦂꦫꦏꦼꦤ꧀ꦝꦠꦼꦁ​ꦠꦶꦪꦁ​ꦱꦤꦺꦱ꧀꧉​ꦠꦸꦭꦂꦠꦸꦩꦸꦭꦂꦫꦶꦥꦸꦤ꧀ꦱꦏꦶꦁ​ꦱꦏꦼꦝꦶꦏ꧀꧈​ꦔꦤ꧀ꦠꦺꦴꦱ꧀ꦱꦧꦼꦤ꧀ꦠꦶꦪꦁ​ꦒꦝꦃ​ꦱꦼꦱꦼꦫꦥ꧀ꦥꦤ꧀ꦮꦂꦤꦶ​ꦮꦂꦤꦶ꧉​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦲꦮꦺꦴꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦱꦲꦺ꧈​ꦒꦸꦫꦸ​ꦱꦱꦩꦶ​ꦮꦲꦸ​ꦏꦺꦔꦶꦁ​ꦏꦥꦺꦫꦁ​ꦢꦢꦺꦴꦱ꧀ꦏꦭꦶꦃ​ꦥꦺꦫꦁ​ꦔꦤ꧀꧈​ꦲꦶꦁ​ꦒꦶꦃ​ꦥꦸꦤꦶꦏ꧇​ꦒꦸꦫꦸ​ꦱꦏꦶꦁ​ꦊꦧꦼꦠ꧀꧈​ꦏꦢꦺꦴꦱ꧀ꦠ꧇​ꦥꦶꦮꦸꦭꦁ​ꦱꦏꦶꦁ​ꦧꦥ​ꦧꦶꦪꦸꦁ​꧈​ꦭꦤ꧀ꦒꦸꦫꦸ​ꦱꦏꦶꦁ​ꦗꦮꦶ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦥꦶꦮꦸꦭꦁ​ꦲꦶꦁ​ꦏꦁ​ꦠꦸꦏ꧀ꦏꦶꦥꦸꦤ꧀ꦱꦏꦶꦁ​ꦲꦁ​ꦒꦺꦤ꧀ꦤꦶꦥꦸꦤ꧀ꦤꦶꦔꦭ꧀ꦭꦶ꧈​ꦤꦶꦠꦶꦥꦿꦶꦏ꧀ꦱ​ꦲꦸꦠꦮꦶ​ꦤꦶꦫꦸ​ꦏꦮꦺꦴꦤ꧀ꦠꦼꦤ꧀ꦤꦤ꧀ꦲꦶꦁ​ꦏꦁ​ꦮꦺꦴꦤ꧀ꦠꦼꦤ꧀ꦱꦗꦮꦶꦤꦶꦁ​ꦮꦼꦮꦼꦁ​ꦏꦺꦴꦤ꧀ꦤꦶꦁ​ꦒꦿꦶꦪꦤꦶꦥꦸꦤ꧀꧉​ꦥꦶꦮꦸꦭꦁ​ꦲꦶꦁ​ꦏꦁ​ꦱꦏꦶꦁ​ꦗꦮꦶ​ꦥꦸꦤꦶꦏ​ꦩꦸꦠꦮꦠꦺꦴꦱ꧀ꦱꦶ​ꦱꦔꦼꦠ꧀꧉​ꦒꦸꦫꦸꦤꦶꦁ​ꦩꦤꦸꦱ​ꦱꦔꦭꦩ꧀ꦢꦺꦴꦚ​ꦥꦸꦤꦶꦏ​ꦱꦗꦠꦺꦴꦱ꧀ꦱꦶꦥꦸꦤ꧀ꦗꦼꦗꦼꦂ​ꦤꦩꦸꦁ​ꦧꦥ​ꦭꦤ꧀ꦧꦶꦪꦸꦁ​ꦔꦶꦥꦸꦤ꧀꧉​ꦲꦮꦺꦴꦤ꧀ꦲꦸꦠꦮꦶ​ꦱꦲꦺꦤꦶꦥꦸꦤ꧀ꦩꦤꦸꦱ​ꦭꦸꦲꦸꦂ​ꦲꦸꦠꦮꦶ​ꦲꦱꦺꦴꦂꦫꦶꦥꦸꦤ꧀꧈​ꦥꦸꦤꦶꦏ​ꦒꦸꦩꦤ꧀ꦠꦸꦁ​ꦥꦶꦮꦸꦭꦁ​ꦔꦶꦁ​ꦧꦥ​ꦧꦶꦪꦸꦁ​꧉​ꦩꦤꦮꦶ​ꦧꦥ​ꦧꦶꦪꦸꦁ​ꦥꦸꦤꦶꦏ​ꦏꦶꦫꦁ​ꦏꦮꦿꦸꦃꦲꦶꦥꦸꦤ꧀ꦠꦸꦩꦿꦥ꧀ꦩꦸꦭꦁ​ꦝꦠꦼꦁ​ꦲꦤꦏ꧀꧈​ꦥꦸꦤꦶꦏ​ꦲꦶꦁ​ꦏꦁ​ꦭꦶꦩꦿꦃ​ꦭꦗꦼꦁ​ꦤꦼꦝ​ꦠꦸꦭꦸꦁ​ꦝꦠꦼꦁ​ꦠꦶꦪꦁ​ꦱꦤꦺꦱ꧀꧈​ꦏꦥꦸꦫꦶꦃ​ꦩꦸꦭꦁ​꧉​ꦒꦸꦫꦸꦤꦶꦁ​ꦩꦤꦸꦱ​ꦲꦶꦁ​ꦏꦁ​ꦮꦶꦮꦶꦠ꧀ꦠꦤ꧀ꦥꦸꦤꦶ