Page:Kajawen 50 1927-12-15.pdf/5

From Wikisource
Jump to navigation Jump to search
This page has not been proofread.

꧋ꦲꦶꦁ​ꦏꦁ​ꦏꦕꦼꦛ​ꦏꦭꦸꦲꦸꦂꦫꦤ꧀ꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦕꦤ꧀ꦝꦶ​ꦨꦫꦧꦸꦝꦸꦂ꧈​ꦩꦶꦠꦸꦫꦸꦠ꧀ꦥꦔꦤ꧀ꦢꦶꦏꦤꦶꦥꦸꦤ꧀ꦱꦁ​ꦩꦶꦤꦸꦭꦾ꧈​ꦧꦶꦭꦶꦃ​ꦏꦮꦿꦸꦃ​ꦨꦸꦢ​ꦲꦶꦁ​ꦠꦤꦃ​ꦗꦮꦶ꧈​ꦥꦸꦤꦶꦏ​ꦲꦺꦁ​ꦒꦭ꧀ꦱꦔꦼꦠ꧀ꦏꦝꦼꦱꦸꦏ꧀ꦢꦺꦤꦶꦁ​ꦏꦮꦿꦸꦃ​ꦲꦶꦤ꧀ꦝꦸ​ꦲꦶꦁ​ꦏꦁ​ꦏꦭ​ꦱꦩꦤ꧀ꦠꦼꦤ꧀ꦒꦼꦱꦁ​ꦩꦭꦶꦃ​ꦮꦲꦸ꧉​ꦏꦮꦿꦸꦃ​ꦨꦸꦢ​ꦥꦸꦤꦶꦏ​ꦭꦸꦩꦼꦧꦼꦠ꧀ꦠꦶꦥꦸꦤ꧀ꦝꦠꦼꦁ​ꦠꦤꦃ​ꦏꦏꦭꦶꦃ​ꦏꦱꦼꦧꦸꦠ꧀ꦔꦶꦁ​ꦒꦶꦭ꧀ꦲꦺꦁ​ꦒꦭ꧀ꦱꦔꦼꦠ꧀꧈​ꦱꦲ​ꦮꦶꦮꦶꦠ꧀ꦠꦤ꧀ꦤꦶꦥꦸꦤ꧀ꦲꦶꦁ​ꦒꦶꦃ​ꦭꦗꦼꦁ​ꦏꦠꦶꦔꦭ꧀ꦲꦒꦼꦁ​꧈​ꦤꦔꦶꦁ​ꦕꦕꦢ꧀ꦢꦶꦥꦸꦤ꧀ꦠꦼꦏ​ꦧꦺꦴꦠꦼꦤ꧀ꦢꦶꦥꦸꦤ꧀ꦫꦩ꧀ꦥꦸꦁ​ꦔꦏꦼꦤ꧀꧈​ꦩꦶꦭ​ꦕꦤ꧀ꦢꦿꦤꦶꦥꦸꦤ꧀ꦏꦢꦺꦴꦱ꧀ꦢꦺꦤꦺ​ꦏꦮꦿꦸꦃ​ꦲꦶꦁ​ꦏꦁ​ꦲꦩꦼꦩ꧀꧉​ꦲꦶꦁ​ꦩꦺꦴꦁ​ꦏ​ꦱꦗꦠꦺꦴꦱ꧀ꦱꦶꦥꦸꦤ꧀ꦥꦫ​ꦠꦶꦠꦶꦪꦁ​ꦔꦶꦥꦸꦤ꧀ꦲꦶꦁ​ꦠꦤꦃ​ꦏꦏꦭꦶꦃ​ꦥꦸꦤꦶꦏ​ꦥꦚ꧀ꦕꦺꦤ꧀ꦏꦊꦧꦼꦠ꧀ꦧꦁ​ꦱꦤꦶꦁ​ꦠꦶꦪꦁ​ꦲꦶꦁ​ꦏꦁ​ꦱꦩꦶ​ꦲꦁ​ꦒꦝꦃꦲꦶ​ꦝꦱꦂ​ꦏꦒꦸꦤꦤ꧀꧉​ꦏꦒꦸꦤꦤ꧀ꦤꦶꦥꦸꦤ꧀ꦠꦶꦪꦁ​ꦗꦮꦶ​ꦥꦸꦤꦶꦏ​ꦥꦚ꧀ꦕꦺꦤ꧀ꦱꦠꦸꦁ​ꦒꦭ꧀ꦭꦶꦁ​ꦏꦱꦸꦒꦶꦃꦲꦤ꧀ꦲꦶꦁ​ꦏꦁ​ꦏꦥꦫꦶꦁ​ꦔꦏꦼꦤ꧀ꦲꦶꦁ​ꦩꦤꦸꦱ꧉​

꧋ꦕꦤ꧀ꦝꦶ​ꦦꦿꦩ꧀ꦧꦤꦤ꧀꧉

꧋​ꦠꦶꦠꦶꦪꦁ​ꦮꦲꦸ​ꦥꦤꦩ꧀ꦥꦶꦤꦶꦥꦸꦤ꧀ꦏꦮꦿꦸꦃ​ꦲꦶꦤ꧀ꦝꦸ​ꦏꦭꦪꦤ꧀ꦉꦱꦼꦥ꧀ꦥꦶꦁ​ꦩꦤꦃ꧈​ꦧꦺꦢ​ꦏꦭꦪꦤ꧀ꦥꦤꦩ꧀ꦥꦶꦤꦶꦥꦸꦤ꧀ꦏꦮꦿꦸꦃ​ꦨꦸꦢ꧈​ꦗꦭꦂꦫꦤ꧀ꦠꦸꦩꦤ꧀ꦢꦸꦏ꧀ꦏꦶꦥꦸꦤ꧀ꦧꦺꦴꦠꦼꦤ꧀ꦱꦒꦼꦢ꧀ꦲꦩꦿꦤꦤ꧀ꦤꦶ​ꦝꦠꦼꦁ​ꦩꦤꦃ꧉​ꦨꦫꦧꦸꦝꦸꦂ​ꦥꦸꦤꦶꦏ​ꦲꦶꦪꦱꦤ꧀ꦤꦶꦥꦸꦤ꧀ꦱꦠꦸꦁ​ꦒꦶꦭ꧀ꦏꦶꦁ​ꦠꦶꦪꦁ​ꦲꦶꦁ​ꦏꦁ​ꦲꦒꦼꦁ​ꦥꦔꦸꦮꦲꦺꦴꦱ꧀ꦱꦶꦥꦸꦤ꧀꧈​ꦲꦤꦔꦶꦁ​ꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦲ꦳ꦶꦤ꧀ꦝꦸ​ꦲꦶꦁ​ꦦꦿꦩ꧀ꦧꦤꦤ꧀ꦥꦸꦤꦶꦏ​ꦲꦤꦺꦭꦏ꧀ꦲꦏꦼꦤ꧀ꦠꦶꦠꦶꦭꦫꦤꦶꦁ​ꦠꦠꦕꦫ​ꦲꦸꦠꦮꦶ​ꦮꦮꦠꦼꦏ꧀ꦏꦤ꧀ꦤꦶꦥꦸꦤ꧀ꦥꦫ​ꦏꦮꦸꦭ​ꦲꦶꦁ​ꦗꦩꦤ꧀ꦏꦶꦤ꧈​ꦥꦿꦩꦶꦭ​ꦠꦚ꧀ꦕꦼꦧ꧀ꦧꦶꦁ​ꦏꦒꦸꦤꦤ꧀ꦲꦶꦤ꧀ꦝꦸ​ꦲꦶꦁ​ꦒꦶꦃ​ꦭꦗꦼꦁ​ꦊꦧꦼꦠ꧀ꦱꦔꦼꦠ꧀ꦫꦸꦩꦱꦸꦏ꧀ꦏꦶꦥꦸꦤ꧀ꦝꦠꦼꦁ​ꦱꦤꦸꦧꦫꦶ꧉​

꧋ꦥꦔꦤ꧀ꦢꦶꦏꦤꦶꦥꦸꦤ꧀ꦱꦁ​ꦩꦶꦤꦸꦭꦾ꧇​ꦲꦢꦼꦒ꧀ꦒꦶꦥꦸꦤ꧀ꦨꦫꦧꦸꦝꦸꦂ​ꦥꦸꦤꦶꦏ​ꦲꦩꦶꦪꦩ꧀ꦧꦏ꧀ꦏꦶ꧈​ꦱꦼꦥꦶ꧈​ꦤꦔꦶꦁ​ꦱꦤ꧀ꦠꦺꦴꦱ꧈​ꦱꦗꦏ꧀ꦏꦶꦥꦸꦤ꧀ꦏꦢꦺꦴꦱ꧀ꦢꦺꦤꦺ​ꦱꦠꦸꦁ​ꦒꦭ꧀ꦏꦶꦁ​ꦏꦶꦏꦶꦪꦠ꧀ꦠꦤ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦲꦁ​ꦒꦩ꧀ꦧꦂ​ꦕꦶꦥ꧀ꦠꦤꦶꦥꦸꦤ꧀ꦲꦶꦁ​ꦏꦁ​ꦭꦸꦲꦸꦂ꧈​ꦩꦤꦮꦶ​ꦩꦶꦠꦸ