Page:Kajawen 50 1927-12-15.pdf/14

꧋ꦗꦒꦢ꧀ꦢꦶꦁ​ꦱꦠꦺꦴ​ꦏꦺꦮꦤ꧀꧉​

꧅ꦱꦪꦼꦏ꧀ꦠꦶ​ꦢꦠꦤ꧀ꦔ꧀ꦭꦼꦁ​ꦏꦫ​꧈​ꦪꦺꦤ꧀ꦒꦶꦤꦒꦱ꧀ꦏꦲꦤꦤ꧀ꦤꦶꦫꦺꦁ​ꦥꦼꦏ꧀ꦱꦶ​꧈​ꦏꦢꦶ​ꦮꦂꦠ​ꦏꦁ​ꦏꦥꦸꦁ​ꦏꦸꦂ​꧈​ꦲꦤꦤꦶꦁ​ꦏꦒꦫꦗ​꧈​ꦏꦁ​ꦔꦿꦠꦺꦴꦤ꧀ꦤꦶ​ꦱꦔ꧀ꦒꦾꦤꦶꦫꦺꦁ​ꦥꦫ​ꦩꦤꦸꦏ꧀꧈​ꦠꦤ꧀ꦭꦾꦤ꧀ꦱꦶꦁ​ꦒꦒꦃ​ꦥꦿꦏꦺꦴꦱ​꧈​ꦏꦫꦺꦴꦱ꧀ꦱꦤꦺ​ꦩꦶꦪꦠꦤ꧀ꦤꦶ​꧉​​

꧅ꦭꦤ꧀ꦲꦩ꧀ꦧꦼꦒꦶꦫꦺꦁ​ꦏꦩꦸꦂꦏꦤ꧀꧈​ꦢꦠꦤ꧀ꦥꦲꦺ​ꦭꦶꦂ​ꦏꦩꦸꦂꦏꦤ꧀ꦤꦶꦁ​ꦗꦤ꧀ꦩꦶ​꧈​ꦤꦼꦢꦾ​ꦏꦮꦱ​ꦲꦁ​ꦒꦸꦭꦸꦁ​꧈​ꦔꦿꦠꦺꦴꦤ꧀ꦤꦶ​ꦮꦤꦮꦱ​꧈​ꦠꦤ꧀ꦥ​ꦩꦮꦁ​ꦱꦶꦔ​ꦏꦠꦺꦴꦤ꧀ꦢꦢꦾ​ꦩꦸꦁ​ꦱꦸꦃ​꧈​ꦭꦶꦤꦮꦤ꧀ꦏꦤ꧀ꦛꦶ​ꦏꦢꦶꦧꦾꦤ꧀꧈​ꦲꦩꦿꦶꦃ​ꦲꦸꦁ​ꦒꦸꦭ꧀ꦲꦤ꧀ꦝꦺꦮꦺꦏ꧀ꦏꦶ​꧉​​

꧃ꦲꦩꦸꦁ​ꦧꦺꦢꦤꦶꦁ​ꦏꦸꦏꦶꦭ​꧈​ꦢꦼꦉꦁ​ꦔꦶꦫ​ꦠꦤ꧀ꦥ​ꦏꦶꦤꦤ꧀ꦛꦺꦤ꧀ꦧꦸꦢꦶ​꧈​ꦩꦸꦁ​ꦧꦺꦴꦤ꧀ꦝ​ꦏꦼꦢꦸꦒ​ꦥꦸꦫꦸꦤ꧀꧈​ꦭꦤ꧀ꦩꦸꦁ​ꦲꦤꦸꦠ꧀ꦠꦸꦫꦸꦤ꧀ꦤꦤ꧀꧈​ꦢꦠꦤ꧀ꦢꦂꦧꦺ​ꦮꦠꦏ꧀ꦏꦁ​ꦚꦼꦧꦭ꧀ꦱꦶꦁ​ꦠꦸꦫꦸꦤ꧀꧈​ꦩꦼꦁ​ꦒꦃ​ꦏꦭꦸꦮꦶꦃꦲꦤ꧀ꦤꦶꦫ​꧈​ꦠꦼꦠꦼꦥ꧀ꦏꦢꦶ​ꦏꦁ​ꦤꦸꦫꦸꦤ꧀ꦤꦶ​꧉​

꧃ꦢꦢꦾ​ꦪꦺꦤ꧀ꦥꦶꦤꦶꦏꦶꦂ​ꦚꦠ​꧈​ꦚꦠꦤꦶꦫ​ꦏꦭꦸꦮꦶꦃꦲꦤ꧀ꦤꦶꦁ​ꦥꦼꦏ꧀ꦱꦶ​꧈​ꦪꦼꦏ꧀ꦠꦶ​ꦢꦠꦤ꧀ꦲꦫꦤ꧀ꦥꦸꦚ꧀ꦗꦸꦭ꧀꧈​ꦩꦸꦁ​ꦲꦫꦤ꧀ꦏꦭꦸꦮꦶꦃꦲꦤ꧀꧈​ꦏꦁ​ꦏꦶꦤꦺꦴꦢꦿꦠ꧀ꦢꦠꦤ꧀ꦭꦸꦮꦶꦃ​ꦱꦏꦶꦁ​ꦲꦸꦏꦸꦂ​꧈​ꦲꦩꦸꦁ​ꦏ꧀ꦭꦶꦫꦸꦤꦶꦁ​ꦥꦔꦶꦫ​꧈​ꦔꦼꦔꦶꦫ​ꦪꦺꦤ꧀ꦲꦶꦏꦸ​ꦭꦸꦮꦶꦃ​꧉​

꧅ꦭꦤ꧀ꦏꦲꦤꦤ꧀ꦤꦺ​ꦠꦼꦠꦺꦭ​꧈​ꦱꦶꦔ​ꦲꦸꦁ​ꦒꦸꦭ꧀ꦥꦱ꧀ꦛꦶ​ꦲꦢꦂꦧꦺ​ꦠꦶꦠꦶꦏ꧀꧈​ꦏꦱꦤ꧀ꦠꦺꦴꦱ꧀ꦱꦤ꧀ꦏꦁ​ꦒꦸꦩꦝꦸꦃ​꧈​ꦲꦤꦺꦁ​ꦗꦶꦮꦁ​ꦒꦤꦶꦫ​꧈​ꦲꦤꦼꦁ​ꦱꦸꦏꦸ​ꦲꦠꦤ꧀ꦤꦥꦶ​ꦲꦤꦺꦁ​ꦕꦸꦕꦸꦏ꧀꧈​ꦪꦺꦏꦸ​ꦏꦁ​ꦩꦺꦴꦁ​ꦏ​ꦱꦫꦤ​꧈​ꦩꦔ꧀ꦭꦮꦤ꧀ꦫꦶꦁ​ꦫꦶꦥꦸ​ꦱꦏ꧀ꦠꦶ​꧉​

꧅ꦏꦢꦶ​ꦲꦶꦁ​ꦒꦩ꧀ꦧꦂ​ꦥꦸꦤꦶꦏ​꧈​ꦥꦼꦏ꧀ꦱꦶ​ꦫꦁ​ꦏꦺꦴꦏ꧀ꦕꦸꦕꦸꦏ꧀ꦏꦶꦫ​ꦏꦼꦠꦶꦠꦶꦏ꧀꧈​ꦲꦒꦼꦁ​ꦩꦾꦁ​ꦏꦠꦶꦔꦭ꧀ꦧꦏꦸꦃ​꧈​ꦢꦸꦏ꧀ꦲꦤꦺꦁ​ꦮꦤꦮꦱ​꧈​ꦩꦮꦺꦃ​ꦲꦺꦧꦠ꧀ꦏꦢꦶ​ꦫꦠꦸꦤꦶꦁ​ꦮꦤ​ꦒꦸꦁ​꧈​ꦲꦶꦁ​ꦱꦱꦺꦴꦭꦃꦧꦮꦤꦶꦫ​꧈​ꦢꦠꦤ꧀ꦥꦲꦺ​ꦩꦤꦸꦏ꧀ꦧꦼꦫꦶ​꧉​

꧃ꦲꦶꦁ​ꦏꦭꦤꦶꦫ​ꦏꦭꦁ​ꦔꦤ꧀꧈​ꦲꦧꦸꦫꦶꦫ​ꦏꦸꦩ꧀ꦭꦺꦪꦁ​ꦔꦸꦏꦸꦂ​ꦭꦔꦶꦠ꧀꧈​ꦤꦔꦶꦁ​ꦏꦠꦺꦴꦤ꧀ꦱꦂꦮ​ꦮꦒꦸ​꧈​ꦕ꧀ꦭꦺꦴꦫꦺꦴꦠ꧀ꦠꦺ​ꦏꦢꦶ​ꦤꦶꦧ​꧈​ꦱꦠꦶꦧꦤꦺ​ꦤꦺꦁ​ꦥꦺꦚ꧀ꦕꦺꦴꦏ꧀ꦏꦤ꧀ꦩꦮꦺꦃ​ꦒꦶꦪꦸꦃ​꧈​ꦥꦶꦤ꧀ꦝ​ꦤꦫꦺꦤ꧀ꦢꦿ​ꦱꦺꦮꦏ​꧈​ꦱꦶꦤꦶꦮꦶ​ꦲꦶꦁ​ꦥꦫ​ꦢꦱꦶꦃ​꧉​

꧃ꦤꦔꦶꦁ​ꦲꦶꦁ​ꦥꦸꦮꦫꦤꦶꦫ​꧈​ꦪꦼꦏ꧀ꦠꦶ​ꦏꦱꦺꦴꦂ​ꦢꦺꦤꦶꦁ​ꦏꦁ​ꦲꦏꦭ꧀ꦧꦸꦢꦶ​꧈​ꦤꦢꦾꦤ꧀ꦲꦔꦸꦩ꧀ꦧꦫ​ꦩꦸꦭꦸꦏ꧀꧈​ꦒꦩ꧀ꦥꦁ​ꦏ꧀ꦭꦼꦧꦸ​ꦲꦶꦁ​ꦏꦭ​꧈​ꦠꦼꦩꦃ​ꦏꦺꦊꦱ꧀ꦏꦊꦧꦸ​ꦩꦫꦶꦁ​ꦠꦫꦸꦁ​ꦏꦸ​꧈​ꦲꦸꦩꦚ꧀ꦗꦶꦁ​ꦢꦢꦾ​ꦏ꧀ꦭꦔꦼꦤ꧀ꦤꦤ꧀꧈​ꦩꦸꦁ​ꦥꦶꦏꦺꦴꦭꦺꦃ​ꦩꦶꦭꦔꦼꦤ꧀ꦤꦶ​꧉​

꧅ꦩꦶꦮꦃ​ꦲꦩ꧀ꦧꦼꦒ꧀ꦒꦶꦁ​ꦏꦸꦏꦶꦭ​꧈​ꦠꦤ꧀ꦥ​ꦱꦸꦫꦸꦠ꧀ꦢꦼꦉꦁ​ꦔꦶꦁ​ꦱꦼꦢꦾ​ꦩꦏ꧀ꦱꦶꦃ​꧈​ꦔꦠꦺꦴꦤ꧀ꦏꦼꦤ꧀ꦱꦤ꧀ꦠꦺꦴꦱꦤ꧀ꦤꦶꦥꦸꦤ꧀꧈​ꦠꦤ꧀ꦥ​ꦮꦔ꧀ꦮꦁ​ꦲꦸꦩꦸꦭꦠ꧀꧈​ꦠꦸꦠꦸꦥ꧀ꦮꦼꦱꦶ​ꦩꦶꦤꦺꦴꦁ​ꦏ​ꦱꦸꦩ꧀ꦥꦼꦭ꧀ꦭꦶꦁ​ꦫꦤꦸ​꧈​ꦧꦶꦤꦸꦏ​ꦏꦭꦮꦤ꧀ꦒꦩ꧀ꦥꦁ​꧈​ꦩꦸꦁ​ꦏꦢꦶ​ꦲꦩ꧀ꦧꦸꦧꦸꦠ꧀ꦠꦼꦏꦶ​꧉​

꧄ꦏꦢꦶ​ꦫꦫꦱ꧀ꦱꦶꦁ​ꦢꦺꦴꦭꦤ꧀ꦤꦤ꧀꧈​ꦠꦼꦩꦃ​ꦩꦮꦺꦃ​ꦤꦼꦥ꧀ꦱꦸꦤꦺ​ꦲꦶꦁ​ꦏꦁ​ꦗꦒꦶ​꧈​ꦠꦤ꧀ꦥ​ꦏꦼꦤ꧀ꦝꦠ꧀ꦲꦁ​ꦒꦸꦁ​ꦤꦸꦠꦸꦥ꧀꧈​ꦲꦥꦤ꧀ꦩꦁ​ꦏꦺ​ꦠꦼꦠꦺꦭ​꧈​ꦏꦲꦤꦤ꧀ꦤꦶꦁ​ꦱꦩꦸꦧꦫꦁ​ꦏꦁ​ꦠꦶꦤꦼꦩꦸ​꧈​ꦏꦁ​ꦒꦸꦩꦼꦭꦂ​ꦲꦤꦺꦁ​ꦢꦺꦴꦚ​꧈​ꦪꦼꦏ꧀ꦠꦶ​ꦩꦸꦁ​ꦢꦢꦾ​ꦥꦭꦸꦥꦶ​꧉ ​ ꧄ꦩꦾꦁ​ꦲꦶꦱꦶ​ꦭꦲꦶꦂꦫꦶꦁ​ꦏꦂꦪ​꧈​ꦏꦁ​ꦥꦶꦤꦸꦫꦶꦃ​ꦫꦫꦱ꧀ꦱꦺ​ꦩꦶꦒꦸꦤꦤꦶ​꧈​ꦱꦸꦩꦿꦩ꧀ꦧꦃ​ꦱꦢꦪꦤꦶꦥꦸꦤ꧀꧈​ꦢꦢꦾ​ꦏꦲꦤꦤ꧀ꦤꦶꦫ​꧈​ꦲꦩꦸꦁ​ꦱꦂꦮ​ꦮꦺꦃ​ꦥꦶꦉꦤ​ꦭꦤ꧀ꦥꦏꦤ꧀ꦠꦸꦏ꧀꧈​ꦩꦏꦠꦼꦤ꧀ꦱꦭꦩꦶꦤꦶꦫ​꧈​ꦩꦂꦩ​ꦪꦺꦴꦒꦾ​ꦢꦺꦤ꧀ꦥꦺꦔꦼꦠ꧀ꦠꦶ​꧉​