Page:Kajawen 43 1927-10-27.pdf/8

꧋ꦥꦼꦛꦶꦏ꧀ꦏꦤ꧀ꦱꦼꦫꦠ꧀ꦤꦶꦠꦶꦱꦱ꧀ꦠꦿ​ꦏꦮꦶ​꧉​

꧋ꦕꦤ꧀ꦝꦏ꧀ꦏꦶꦥꦸꦤ꧀ꦏꦗꦮꦺꦤ꧀ꦎꦁ​ꦏ 42꧉​

5.꧋ꦮ꧀ꦮꦁ​ꦩꦲꦪꦸꦤ꧀ꦠꦿꦶ​ꦏꦮꦺꦃꦲꦤ꧀ꦲꦶꦁ​ꦢꦤ​ꦢꦫꦶꦢꦿ​ꦏꦼꦂꦥꦤ​ꦢꦸꦩꦢꦏ꧀ꦢꦤꦺꦱ꧀ꦮꦫ꧈​ꦮ꧀ꦮꦁ​ꦤꦸꦱ꧀ꦠꦠ꧀ꦩꦏꦢꦶꦂꦒ​ꦗꦶꦮꦶꦠ​ꦱꦶꦫ​ꦱꦸꦗꦤ​ꦢꦸꦩꦢꦏ꧀ꦲꦭ꧀ꦥꦏꦩꦼꦂꦠ꧈​ꦮ꧀ꦮꦁ​ꦢꦸꦂꦱꦶꦭ​ꦱꦸꦱꦶꦭ​ꦢꦸꦂꦤꦪ​ꦮꦶꦮꦺꦏ​ꦏꦸꦗꦤ​ꦱꦸꦗꦤ​ꦮꦶꦧꦒꦮꦤ꧀꧉​ꦱꦁ​ꦫꦗ​ꦱꦺꦮꦶꦠꦺꦁ​ꦱꦸꦱꦺꦤꦠꦪ​ꦱꦁ​ꦩꦢꦸ​ꦩꦩꦶꦭꦶꦃ​ꦲꦸꦭꦃ​ꦮꦶꦥꦂꦪꦾꦪ꧉​

5.꧋ꦠꦶꦠꦶꦪꦁ​ꦱꦩꦶ​ꦏꦼꦥꦺꦔꦶꦤ꧀ꦢꦶꦥꦸꦤ꧀ꦱꦸꦏꦤ꧀ꦤꦶ​ꦢꦤ꧈​ꦲꦤꦔꦶꦁ​ꦠꦶꦪꦁ​ꦱꦸꦒꦶꦃ​ꦱꦩꦶ​ꦢꦢꦺꦴꦱ꧀ꦠꦶꦠꦶꦪꦁ​ꦲꦶꦁ​ꦏꦁ​ꦕꦼꦛꦶꦭ꧀ꦱꦔꦼꦠ꧀꧈​ꦠꦶꦪꦁ​ꦲꦮꦺꦴꦤ꧀ꦲꦸꦩꦸꦂꦫꦶꦥꦸꦤ꧀ꦥꦚ꧀ꦗꦁ​꧈​ꦲꦤꦔꦶꦁ​ꦥꦫ​ꦠꦶꦠꦶꦪꦁ​ꦲꦸꦠꦩꦶ​ꦱꦩꦶ​ꦏꦛꦃ​ꦱꦩ꧀ꦧꦺꦏꦭꦤꦶꦁ​ꦒꦼꦱꦁ​ꦔꦶꦥꦸꦤ꧀꧉​ꦮꦮꦠꦼꦏ꧀ꦏꦤ꧀ꦲꦮꦺꦴꦤ꧀ꦏꦲꦁ​ꦒꦼꦥ꧀ꦱꦲꦺ꧈​ꦠꦶꦪꦁ​ꦧꦺꦴꦝꦺꦴ​ꦢꦶꦥꦸꦤ꧀ꦲꦁ​ꦒꦼꦥ꧀ꦲꦶꦁ​ꦏꦁ​ꦩꦠꦺꦴꦤ꧀ꦮꦮꦱ꧀ꦱꦤ꧀ꦤꦶꦥꦸꦤ꧀꧉​ꦠꦶꦪꦁ​ꦲꦮꦺꦴꦤ꧀ꦏꦱꦩꦢꦤ꧀ꦲꦶꦁ​ꦏꦁ​ꦱꦲꦺ꧈​ꦫꦠꦸ​ꦏꦮꦱꦺꦱ​ꦲꦶꦁ​ꦥꦿꦗꦸꦫꦶꦠ꧀ꦠꦶꦥꦸꦤ꧀꧈​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦲꦩꦿꦤꦠ​ꦧꦧ꧀ꦥꦶꦭꦃ​ꦥꦶꦭꦃꦲꦶꦁ​ꦥꦁ​ꦏꦠ꧀꧈​ꦏꦱꦼꦤꦼꦁ​ꦔꦤ꧀ꦤꦶꦥꦸꦤ꧀ꦠꦶꦪꦁ​ꦱꦩꦶ​ꦲꦤꦶꦤ꧀ꦢꦏ꧀ꦏꦏꦼꦤ꧀ꦥꦤ꧀ꦢꦩꦼꦭ꧀ꦲꦶꦁ​ꦏꦁ​ꦊꦥꦠ꧀꧉​

6.꧋ꦫꦸꦒ꧀ꦠꦁ​ꦕꦩ꧀ꦥꦏ​ꦕꦸꦠ​ꦕꦤ꧀ꦝꦤ​ꦮꦸꦔꦸ​ꦧꦏꦸꦭ​ꦱꦸꦫꦧꦶ​ꦤꦒꦥꦸꦱ꧀ꦥꦏ꧈​ꦱꦏ꧀ꦮꦺꦃ​ꦚꦤ꧀ꦮꦶꦤꦢꦸꦁ​ꦠꦶꦤꦺꦴꦂ​ꦠꦶꦤꦸꦠꦸꦃꦲꦤ꧀ꦥꦶꦤꦒꦼꦂꦫꦏꦼꦤ꧀ꦲꦶꦥꦸꦁ​ꦭꦮꦤ꧀ꦥꦶꦭꦁ​꧈​ꦧꦿꦱ꧀ꦛꦁ​ꦲꦁ​ꦱ​ꦩꦪꦸꦫ​ꦏꦺꦴꦏꦶꦭ​ꦲꦶꦤꦶꦁ​ꦱꦤ꧀ꦩꦔꦫꦶꦮꦸꦮꦸ​ꦏꦏ​ꦭꦺꦤ꧀ꦧꦔꦺꦴ꧈​ꦠꦸꦱ꧀ꦛꦺ​ꦏꦁ​ꦱꦼꦂꦒꦭꦺ​ꦤꦶꦮꦺꦴ​ꦮꦶꦤꦉꦒꦤ꧀ꦫꦸꦢꦶꦫ​ꦢꦒꦶꦁ​ꦲꦶꦁ​ꦏꦁ​ꦮꦫꦁ​ꦒꦤ꧉​

6.꧋ꦱꦏꦛꦃꦲꦶꦁ​ꦕꦩ꧀ꦥꦏ꧈​ꦩꦔꦺꦴ꧈​ꦕꦤ꧀ꦝꦤ꧈​ꦮꦸꦔꦸ꧈​ꦠꦸꦮꦶꦤ꧀ꦧꦏꦸꦭ​ꦲꦶꦁ​ꦏꦁ​ꦲꦫꦸꦩ꧀ꦒꦤ꧀ꦢꦤꦶꦥꦸꦤ꧀꧈​ꦥꦸꦤꦥ​ꦩꦭꦶꦃ​ꦤꦒꦥꦸꦱ꧀ꦥ​ꦱꦩꦶ​ꦢꦶꦥꦸꦤ꧀ꦫꦶꦱꦏ꧀꧈​ꦢꦶꦥꦸꦤ꧀ꦠꦼꦒꦺꦴꦂꦫꦶ꧈​ꦱꦲ​ꦭꦗꦼꦁ​ꦏꦁ​ꦒꦺ​ꦲꦩꦒꦼꦂꦫꦶ​ꦥꦸꦁ​ꦭꦤ꧀ꦥꦶꦭꦁ​꧈​(ꦏꦗꦼꦁ​ꦏꦭꦶꦃ​ꦮꦂꦤꦶ​ꦥꦸꦤꦶꦏ​ꦭꦁ​ꦏꦸꦁ​ꦲꦱꦺꦴꦂ)ꦧꦚꦏ꧀꧈​ꦩꦼꦫꦏ꧀꧈​ꦭꦤ꧀ꦥꦼꦏ꧀ꦱꦶ​ꦲꦶꦁ​ꦏꦁ​ꦱꦲꦺ​ꦱꦔꦼꦠ꧀ꦲꦺꦴꦕꦺꦃꦲꦶꦥꦸꦤ꧀꧈​ꦱꦩꦶ​ꦢꦶꦥꦸꦤ꧀ꦥꦼꦗꦃꦲꦶ꧈​ꦏꦱꦶꦂꦤꦏ꧀ꦲꦏꦼꦤ꧀꧈​ꦢꦺꦤꦺ​ꦲꦶꦁ​ꦏꦁ​ꦢꦶꦥꦸꦤ꧀ꦒꦼꦒꦼꦱꦁ​ꦒꦒꦏ꧀ꦭꦤ꧀ꦥꦼꦏ꧀ꦱꦶ​ꦧꦔꦺꦴ꧈​ꦒꦼꦱꦁ​ꦔꦶꦥꦸꦤ꧀ꦱꦒꦮꦺꦴꦤ꧀ꦲꦶꦁ​ꦏꦁ​ꦢꦶꦥꦸꦤ꧀ꦲꦶꦔꦃ​ꦲꦶꦁ​ꦠꦶꦪꦁ​꧈​ꦱꦏꦺꦕ​ꦱꦔꦼꦠ꧀꧈​ꦗꦭꦂꦫꦤ꧀ꦠꦤ꧀ꦱꦃ​ꦮꦶꦤꦼꦊꦒ꧀ꦲꦶꦁ​ꦲꦼꦫꦃ​ꦠꦸꦮꦶꦤ꧀ꦢꦒꦶꦁ​ꦔꦶꦥꦸꦤ꧀ꦭꦫꦺ​ꦲꦺꦱ꧀ꦠꦿꦶ​ꦲꦶꦁ​ꦏꦁ​ꦲꦪꦸ​ꦲꦪꦸ꧉​

7.꧋ꦱꦁ​ꦲꦾꦁ​ꦥꦿꦤꦭ​ꦮꦱ꧀ꦤꦶꦫꦤꦶꦪꦠ​ꦱꦠꦸꦱ꧀ꦲꦶꦮꦸ​ꦠꦲꦸꦤ꧀ꦲꦶꦏꦭꦤꦶꦁ​ꦏꦼꦂꦠ꧈​ꦫꦶꦁ​ꦠꦿꦺꦠ​ꦠꦼꦏ​ꦱꦁ​ꦱꦪꦏ꧀ꦱꦪ​ꦝꦠꦼꦁ​ꦱꦥꦸꦭꦸꦃ​ꦲꦶꦮꦸ​ꦠꦲꦸꦤ꧀ꦱꦶꦫꦺꦫꦶꦏ꧈​ꦱꦺꦮ꧀ꦮꦶꦁ​ꦢ꧀ꦮꦥꦫ​ꦫꦶꦁ​ꦪꦸꦒꦤ꧀ꦠ​ꦱꦠ​ꦮꦂꦱ​ꦠꦼꦩꦃ​ꦲꦶꦏ​ꦱꦲꦱꦿ​ꦕꦤ꧀ꦢꦿꦩ꧈​ꦪꦤ꧀ꦫꦶꦁ​ꦱꦤ꧀ꦢꦾꦤꦶꦏꦁ​ꦪꦸꦒꦤ꧀ꦠ​ꦠꦲꦸꦤ꧀ꦲꦶꦁ​ꦪꦸꦱ​ꦱꦠꦭꦶꦱ​ꦲꦶꦔꦤ꧀ꦲꦶꦁ​ꦲꦸꦫꦶꦥ꧀꧉​

7.꧋ꦲꦶꦁ​ꦗꦩꦤ꧀ꦤꦶꦥꦸꦤ꧀ꦏꦼꦂꦠ​ꦭꦩꦶꦤꦶꦥꦸꦤ꧀ 100.000 ꦠꦲꦸꦤ꧀꧈​ꦲꦶꦁ​ꦗꦩꦤ꧀ꦠꦿꦺꦠ​ꦱꦪ​ꦱꦸꦢ​ꦔꦤ꧀ꦠꦺꦴꦱ꧀ꦏꦤ꧀ꦠꦸꦤ꧀ 10.000 ꦠꦲꦸꦤ꧀꧈​ꦲꦶꦁ​ꦗꦩꦤ꧀ꦢ꧀ꦮꦥꦫ​ 1000 ꦠꦲꦸꦤ꧀꧈​ꦠꦸꦮꦶꦤ꧀ꦮꦼꦏꦱ꧀ꦱꦤ꧀ꦤꦶꦁ​ꦗꦩꦤ꧀ 100 ꦠꦲꦸꦤ꧀꧈​ꦩꦭꦃ​ꦤꦩꦸꦁ​ 10000 ꦮꦸꦭꦤ꧀꧉​ꦭꦤ꧀ꦧꦝꦺ​ꦮꦼꦏꦱ꧀ꦱꦤ꧀ꦤꦶꦁ​ꦗꦩꦤ꧀꧈​ꦮꦠꦼꦱ꧀ꦱꦶꦥꦸꦤ꧀ꦒꦼꦱꦁ​ꦤꦩꦸꦁ​ 36 ꦠꦲꦸꦤ꧀꧉​

8.꧋ꦱꦁ​ꦲꦾꦁ​ꦥꦿꦤꦪꦤ꧀ꦲꦶꦁ​ꦏꦼꦂꦠ꧀ꦠꦺꦏ​ꦠꦲꦸꦭꦤ꧀ꦏꦲꦤꦤꦶꦫ​ꦫꦶ​ꦩꦢꦾ​ꦤꦶꦠꦾꦱ꧈​ꦫꦶꦁ​ꦠꦿꦺꦠꦱ꧀ꦠꦶꦱꦶꦫꦤ꧀ꦥꦿꦠꦶꦱ꧀ꦛ​ꦫꦸꦩꦏꦼꦠ꧀ꦏꦲꦤꦤ꧀ꦲꦶꦁ​ꦲꦸꦫꦶꦥ꧀ꦲꦶꦁ​ꦗꦒꦢ꧀ꦏꦧꦺꦃ꧈​ꦪꦤ꧀ꦫꦶꦁ​ꦢ꧀ꦮꦥꦫ​ꦩꦺꦴꦁ​ꦱ​ꦭꦺꦤ꧀ꦱ꧀ꦮꦪꦸ​ꦭꦮꦤ꧀ꦫꦸꦢꦶꦫ​ꦏꦲꦤꦤ꧀ꦲꦶꦁ​ꦲꦸꦫꦶꦥ꧀ꦱ꧀ꦠꦶꦠꦶ꧈​ꦪꦤ꧀ꦫꦶꦁ​ꦏꦭꦶ​ꦲꦤꦺꦁ​ꦏꦸꦭꦶꦠ꧀ꦮꦸꦭꦸ​ꦮꦸꦭꦸꦤ꧀ꦏꦲꦤꦤꦶꦫ​ꦫꦶꦁ​ꦲꦤ꧀ꦤ​ꦧꦺꦴꦗꦤ꧉​

8.꧋ꦲꦶꦁ​ꦗꦩꦤ꧀ꦏꦼꦂꦠ​ꦒꦼꦱꦁ​ꦔꦶꦥꦸꦤ꧀ꦊꦱ꧀ꦠꦤ꧀ꦠꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦧꦭꦸꦁ​꧈​ꦲꦶꦁ​ꦗꦩꦤ꧀ꦠꦿꦺꦠ​ꦢꦸꦤꦸꦁ​ꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦧꦭꦸꦁ​꧈​ꦏꦭ​ꦱꦩꦤ꧀ꦠꦼꦤ꧀ꦒꦼꦱꦁ​ꦲꦶꦁ​ꦱꦢꦸꦚ​ꦏꦶꦪꦠ꧀ꦱꦔꦼꦠ꧀꧈​ꦲꦶꦁ​ꦗꦩꦤ꧀ꦢ꧀ꦮꦥꦫ​ꦒꦼꦱꦁ​ꦔꦶꦥꦸꦤ꧀ꦢꦸꦩꦸꦤꦸꦁ​ꦮꦺꦴꦤ꧀ꦠꦼꦤ꧀ꦲꦶꦁ​ꦢꦒꦶꦁ​꧈​ꦲꦶꦁ​ꦲꦺꦴꦠꦺꦴꦠ꧀ꦭꦤ꧀ꦲꦶꦁ​ꦲꦼꦫꦃ꧈​ꦲꦶꦁ​ꦗꦩꦤ꧀ꦏꦭꦶ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦸꦭꦶꦠ꧀꧈​ꦫꦩ꧀ꦧꦸꦠ꧀ꦭꦤ꧀ꦲꦶꦁ​ꦠꦼꦠꦼꦝꦤ꧀꧉​