Page:Kajawen 43 1927-10-27.pdf/17

From Wikisource
Jump to navigation Jump to search
This page has not been proofread.

꧋ꦚꦸꦮꦸꦤ꧀ꦱꦼꦱꦼꦉꦥ꧀ꦥꦤ꧀꧈​

꧋ꦲꦶꦁ​ꦔꦤ꧀ꦝꦥ꧀ꦥꦸꦤꦶꦏ​ꦥꦶꦠꦏꦺꦤ꧀ꦤꦤ꧀ꦤꦶꦥꦸꦤ꧀ꦱꦝꦺꦫꦺꦏ꧀ꦱꦸꦥꦿꦥ꧀ꦠ​ꦲꦶꦁ​ꦆꦩꦒꦶꦫꦶ​ꦱꦲ​ꦮꦁ​ꦱꦸꦭ꧀ꦭꦤ꧀ꦤꦶꦥꦸꦤ꧀ꦫꦺꦝꦏ꧀ꦱꦶ꧇​

1.꧋ꦱꦶꦤ꧀ꦠꦼꦤ꧀ꦲꦶꦁ​ꦏꦁ​ꦮꦼꦤꦁ​ꦩꦶꦭꦶꦃ​ꦮꦂꦒ​ꦫꦢ꧀ꦏꦮꦸꦭ꧈​ꦲꦸꦠꦮꦶ​ꦒꦼꦝꦼꦊꦒꦶꦂꦝꦼ꧉​ꦱꦂꦠ​ꦥꦩꦶꦭꦶꦃꦲꦶꦥꦸꦤ꧀ꦱꦂꦗꦤ​ꦲꦶꦁ​ꦏꦁ​ꦏꦢꦺꦴꦱ꧀ꦥꦸꦤꦥ꧉​

1.꧋ꦲꦶꦁ​ꦏꦁ​ꦏꦮꦼꦤꦁ​ꦔꦏꦼꦤ꧀ꦩꦶꦭꦶꦃ​ꦮꦂꦒ​ꦫꦢ꧀ꦏꦮꦸꦭ​ꦥꦸꦤꦶꦏ꧇​ꦭꦺꦴꦏꦊꦫꦝꦼꦤ꧀꧇​ꦒꦼꦩꦶꦤ꧀ꦠꦼꦫꦢ꧀ꦒꦼꦮꦺꦱ꧀ꦠꦼꦊꦏꦼꦫꦢ꧀꧈​ꦉꦒꦺꦤ꧀ꦱꦼꦏꦥꦿꦢ꧀꧉​ꦲꦤꦔꦶꦁ​ꦥꦿꦺꦴꦥꦶꦤ꧀ꦱꦶꦪꦊꦤꦿꦢ꧀ꦧꦺꦴꦠꦼꦤ꧀ꦏꦮꦼꦤꦁ​ꦔꦏꦼꦤ꧀ꦩꦶꦭꦶꦃ​ꦮꦂꦒ​ꦫꦢ꧀ꦏꦮꦸꦭ꧉​ꦢꦺꦤꦺ​ꦥꦶꦭꦶꦃꦲꦤ꧀ꦮꦲꦸ​ꦠꦸꦩꦿꦥ꧀ꦭꦺꦴꦏꦊꦫꦝꦼꦤ꧀꧈​ꦲꦶꦁ​ꦏꦁ​ꦩꦶꦭꦶꦃ​ꦮꦂꦒ​ꦫꦢ꧀ꦏꦮꦸꦭ​ꦧꦺꦴꦁ​ꦱ​ꦮꦭꦤ꧀ꦢꦶ​ꦲꦶꦁ​ꦒꦶꦃ​ꦭꦶꦢ꧀ꦢꦶꦥꦸꦤ꧀ꦮꦭꦤ꧀ꦢꦶ꧈​ꦧꦺꦴꦁ​ꦱ​ꦥꦿꦶꦧꦸꦩꦶ​ꦲꦶꦁ​ꦒꦶꦃ​ꦭꦶꦢ꧀ꦢꦶꦥꦸꦤ꧀ꦧꦺꦴꦁ​ꦱ​ꦥꦿꦶꦧꦸꦩꦶ꧉​

꧋ꦒꦼꦝꦼꦊꦒꦶꦂꦝꦼ꧈​ꦥꦸꦤꦶꦏ​ꦲꦶꦁ​ꦏꦁ​ꦩꦶꦭꦶꦃ​ꦱꦲ​ꦲꦶꦁ​ꦏꦁ​ꦲꦤꦼꦠꦼꦥ꧀ꦥꦏꦼꦤ꧀ꦥꦺꦴꦊꦏ꧀ꦱꦿꦢ꧀ꦥꦶꦪꦩ꧀ꦧꦏ꧀꧉​ꦢꦺꦤꦺ​ꦲꦶꦁ​ꦏꦁ​ꦏꦺꦔꦶꦁ​ꦏꦥꦶꦭꦶꦃ​ꦢꦢꦺꦴꦱ꧀ꦮꦂꦒ​ꦥꦺꦴꦊꦏ꧀ꦱꦿꦢ꧀꧈​ꦥꦸꦤꦶꦏ​ꦠꦶꦪꦁ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦲꦸꦩꦸꦂ​ 25 ꦠꦲꦸꦤ꧀ꦱꦲ​ꦲꦶꦁ​ꦏꦁ​ꦏꦼꦧꦮꦃ​ꦲꦶꦁ​ꦤꦒꦫꦶ​ꦮꦭꦤ꧀ꦢꦶ꧈​ꦩꦶꦂꦱꦤ꧀ꦤꦤ Art. 55.

2.꧋ꦥꦸꦤꦥ​ꦥꦶꦠꦸꦮꦱ꧀ꦱꦶꦥꦸꦤ꧀ꦥꦫ​ꦮꦂꦒ​ꦫꦢ꧀ꦏꦮꦸꦭ​ꦱꦂꦠ​ꦒꦼꦝꦼꦊꦒꦶꦂꦝꦼ꧉​

2.꧋ꦮꦂꦒ​ꦫꦢ꧀ꦏꦮꦸꦭ​ꦲꦁ​ꦱꦭ꧀ꦥꦶꦠꦸꦮꦱ꧀ꦲꦂꦠ​ꦱꦧꦼꦤ꧀ꦱꦊꦁ​ꦒꦃꦲꦤ꧀ f 30,- ​​ꦒꦼꦝꦼꦊꦒꦶꦂꦝꦼꦠꦩ꧀ꦥꦶ​ꦧꦭꦺꦴꦚ꧀ꦗ​ꦱꦧꦼꦤ꧀ꦮꦸꦭꦤ꧀ f 1000,- ​ꦢꦺꦤꦺ​ꦩꦤꦮꦶ​ꦊꦁ​ꦒꦃ​ꦲꦶꦁ​ꦥꦉꦥꦠ꧀ꦠꦤ꧀ꦥꦺꦴꦊꦏ꧀ꦱꦿꦢ꧀꧈​ꦲꦸꦒꦶ​ꦤꦩ꧀ꦥꦶ​ꦥꦶꦠꦸꦮꦱ꧀ꦲꦂꦠ​ꦱꦊꦁ​ꦒꦃꦲꦤ꧀ f 30.-

3.꧋ꦥꦸꦤꦥ​ꦠꦶꦪꦁ​ꦗꦮꦶ​ꦲꦶꦁ​ꦏꦁ​ꦥꦼꦔꦗꦂꦫꦤ꧀ꦤꦶꦥꦸꦤ꧀ꦱꦩꦶ​ꦏꦭꦶꦪꦤ꧀ꦧꦺꦴꦁ​ꦱ​ꦮꦭꦤ꧀ꦢꦶ꧈​ꦥꦁ​ꦏꦠ꧀ꦲꦸꦒꦶ​ꦱꦒꦼꦢ꧀ꦱꦩꦶ꧉​ꦏꦢꦺꦴꦱ꧀ꦠ​ꦲꦶꦁ​ꦏꦁ​ꦲꦁ​ꦱꦭ꧀ꦝꦶꦥ꧀ꦭꦺꦴꦩ꧈​ꦒꦿꦸꦠ꧀ꦄꦩ꧀ꦠꦼꦤꦂ꧈​ꦲꦸꦥ꦳꧀ꦄꦏ꧀ꦠꦼ꧈​ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧉​

3.꧋ꦲꦶꦁ​ꦒꦶꦃ​ꦠꦼꦩ꧀ꦠꦸ​ꦏꦺꦩꦮꦺꦴꦤ꧀꧈​ꦩꦶꦂꦱꦤ꧀ꦤꦤ B.B.L.

4.꧋ꦥꦸꦤꦥ​ꦧꦺꦤ꧀ꦠꦼꦤ꧀ꦤꦶꦥꦸꦤ꧀꧈​ꦧꦺꦴꦁ​ꦱ​ꦗꦮꦶ​ꦏꦭꦶꦪꦤ꧀ꦮꦭꦤ꧀ꦢꦶ꧈​ꦱꦩꦶ​ꦥꦁ​ꦏꦠ꧀ꦠꦶꦥꦸꦤ꧀꧈​ꦠꦼꦏ​ꦧ꧀ꦭꦚ꧀ꦗꦤꦶꦥꦸꦤ꧀ꦧꦺꦢ꧉​

4.꧋ꦧꦺꦴꦁ​ꦱ​ꦗꦮꦶ​ꦏꦭꦶꦪꦤ꧀ꦮꦭꦤ꧀ꦢꦶ​ꦩꦤꦮꦶ​ꦥꦁ​ꦏꦠ꧀ꦠꦶꦥꦸꦤ꧀ꦱꦩꦶ꧈​ꦧ꧀ꦭꦚ꧀ꦗꦤꦶꦥꦸꦤ꧀ꦲꦶꦁ​ꦒꦶꦃ​ꦱꦩꦶ꧉​

5.꧋ꦏꦢꦺꦴꦱ꧀ꦥꦸꦤ꧀ꦢꦶ​ꦥꦿꦤꦠꦤ꧀ꦤꦶꦥꦸꦤ꧀꧈​ꦏꦁ​ꦒꦺ​ꦲꦺꦴꦂꦒꦤ꧀ꦏꦶꦠ꧇​ꦏꦼꦗꦮꦺꦤ꧀꧈​ꦩꦤꦮꦶ​ꦮꦺꦴꦤ꧀ꦠꦼꦤ꧀ꦱꦝꦺꦫꦺꦏ꧀ꦲꦶꦁ​ꦏꦁ​ꦩꦚ꧀ꦗꦸꦫꦸꦁ​ꦏꦫꦁ​ꦔꦤ꧀ꦤꦶꦥꦸꦤ꧀ꦱꦒꦼꦢ꧀ꦏꦥꦕꦏ꧀꧉​ꦲꦁ​ꦱꦭ꧀ꦥꦶꦠꦸꦮꦱ꧀ (honorarium) ꦥꦸꦤꦥ​ꦧꦺꦴꦠꦼꦤ꧀꧉​

5.꧋ꦱꦢꦪ​ꦥꦚ꧀ꦗꦸꦫꦸꦁ​ꦝꦠꦼꦁ​ꦏꦗꦮꦺꦤ꧀꧈​ꦧꦺꦴꦠꦼꦤ꧀ꦲꦁ​ꦱꦭ꧀ꦥꦶꦠꦸꦮꦱ꧀꧈​ꦤꦩꦸꦁ​ꦩꦤꦮꦶ​ꦔꦠꦸꦂꦫꦏꦼꦤ꧀ꦒꦩ꧀ꦧꦂ​ꦲꦁ​ꦱꦭ꧀ꦥꦶꦠꦸꦮꦱ꧀ꦱꦩꦸꦂꦮꦠ꧀ꦠꦶꦥꦸꦤ꧀꧉​

6.꧋ꦩꦼꦛꦶꦏ꧀ꦱꦼꦫꦠ꧀ꦏꦧꦂ​ꦭꦗꦼꦁ​ꦢꦶꦥꦸꦤ꧀ꦊꦧꦼꦠ꧀ꦠꦏꦼꦤ꧀ꦱꦼꦫꦠ꧀ꦏꦧꦂ​ꦱꦤꦺꦱ꧀꧈​ꦩꦮꦶ​ꦲꦶꦢꦶꦤ꧀ꦤꦶꦥꦸꦤ꧀ꦥꦼꦔꦫꦁ​ꦥꦸꦤꦥ​ꦧꦺꦴꦠꦼꦤ꧀꧉ ​ 6.꧋ꦧꦺꦴꦠꦼꦤ꧀ꦥꦼꦂꦭꦸ꧈​ꦤꦔꦶꦁ​ꦏꦼꦢꦃ​ꦢꦶꦥꦸꦤ꧀ꦠꦼꦫꦁ​ꦔꦏꦼꦤ꧀ꦥꦼꦛꦶꦏ꧀ꦏꦤ꧀ꦱꦏꦶꦁ​ꦱꦼꦫꦠ꧀ꦏꦧꦂ​ꦥꦸꦤꦥ꧈​ꦏꦗꦮꦶ​ꦩꦤꦮꦶ​ꦮꦺꦴꦤ꧀ꦠꦼꦤ꧀ꦮꦮꦼꦤꦁ​ꦔꦶꦁ​ꦥꦔꦫꦁ​ꦲꦶꦁ​ꦏꦁ​ꦢꦶꦥꦸꦤ꧀ꦲꦪꦺꦴꦩ꧀ꦩꦶ​ꦲꦶꦁ​ꦲꦁ​ꦒꦼꦂ​ꦱꦂꦠ​ꦮꦮꦼꦤꦁ​ꦔꦶꦥꦸꦤ꧀ꦏꦱꦼꦧꦸꦠ꧀ꦲꦶꦁ​ꦏꦫꦁ​ꦔꦤ꧀ꦤꦶꦥꦸꦤ꧀꧉​

7.꧋ꦗꦭꦂꦫꦤ꧀ꦏꦢꦺꦴꦱ꧀ꦥꦸꦤ꧀ꦢꦶ​ꦩꦤꦮꦶ​ꦱꦢꦺ​ꦩꦶꦤꦸꦩ꧀ꦩꦤ꧀ꦏꦼꦫꦱ꧀ꦏꦼꦢꦃ​ꦩꦮꦶ​ꦱꦼꦫꦠ꧀ꦲꦶꦢꦶꦤ꧀ꦱꦏꦶꦁ​ꦥꦫꦺꦤ꧀ꦠꦃ (vergunning)꧉​

7.꧋ꦲꦶꦁ​ꦏꦁ​ꦮꦗꦶꦧ꧀ꦩꦫꦶꦁ​ꦔꦶ​ꦲꦶꦢꦶꦤ꧀ꦠꦶꦪꦁ​ꦱꦢꦺ​ꦲꦶꦤꦸꦩ꧀ꦩꦤ꧀ꦏꦼꦫꦱ꧀꧈​ꦥꦸꦤꦶꦏ​ꦢꦺꦢꦺ​ꦥꦩꦫꦺꦤ꧀ꦠꦃ꧈​ꦲꦤꦔꦶꦁ​ꦒꦼꦩꦶꦤ꧀ꦠꦼ꧈​ꦥꦽꦭꦸꦤꦶꦥꦸꦤ꧀ꦲꦔꦶꦱ꧀ꦠꦶꦪꦂꦫꦶ​ꦩꦸꦫꦶꦃ​ꦧꦺꦴꦠꦼꦤ꧀ꦥꦠꦺꦴꦱ꧀ꦏꦛꦃ​ꦠꦶꦪꦁ​ꦱꦢꦺ​ꦲꦶꦤꦸꦩ꧀ꦩꦤ꧀ꦏꦼꦫꦱ꧀꧈​ꦲꦶꦁ​ꦏꦁ​ꦲꦤ꧀ꦢꦢꦺꦴꦱ꧀ꦱꦏꦼꦤ꧀ꦏꦫꦶꦱꦏ꧀ꦏꦤ꧀ꦤꦶꦁ​ꦔꦏꦛꦃ꧉​

8.꧋ꦏꦁ​ꦒꦺ​ꦠꦤꦃ​ꦏꦗꦮꦺꦤ꧀꧈​ꦔꦪꦺꦴꦒꦾ꧈​ꦯꦸꦫꦏꦂꦡ (Vorstenlanden) ꦥꦸꦤꦥ​ꦏꦺꦔꦶꦁ​ꦠꦶꦪꦁ​ꦥꦶꦧꦸꦩꦶ꧈​ꦤꦤꦼꦩ꧀ꦫꦺꦴꦱ꧀ꦱꦤ꧀꧈​ꦮꦺꦴꦤ꧀ꦠꦼꦤ꧀ꦲꦶꦁ​ꦱꦶꦠꦶ​ꦥꦱꦧꦶꦤ꧀ꦤꦤ꧀꧉​

8.꧋ꦏꦺꦔꦶꦁ​꧈​ꦤꦔꦶꦁ​ꦫꦺꦴꦱ꧀ꦱꦤ꧀ꦮꦲꦸ​ꦧꦺꦴꦠꦼꦤ꧀ꦏꦺꦔꦶꦁ​ꦏꦱꦢꦺ​ꦝꦠꦼꦁ​ꦥꦧꦿꦶꦏ꧀꧉​