Page:Kajawen 43 1927-10-27.pdf/11

꧋ꦱꦺꦢꦤ꧀꧈​

꧋ꦤꦭꦶꦏ​ꦲꦶꦁ​ꦢꦶꦤ꧀ꦠꦼꦤ꧀ꦩꦊꦩ꧀ꦲꦏꦠ꧀ꦲꦔꦿꦶꦤ꧀ꦠꦼꦤ꧀ꦤꦏꦼꦤ꧀ꦠꦁ​ꦒꦭ꧀ꦏꦥꦶꦁ​꧇꧑꧒꧇​ꦮꦸꦭꦤ꧀ꦫꦧꦶꦔꦸꦭꦏꦶꦂ​ꦠꦲꦸꦤ꧀ꦗꦶꦩꦏꦶꦂ​꧇꧑꧘꧕꧘꧇​꧉​ꦲꦸꦠꦮꦶ​ꦠꦁ​ꦒꦭ꧀ꦏꦥꦶꦁ​꧇꧘꧇​ꦎꦏ꧀ꦠꦺꦴꦧꦼꦂ​꧇꧑꧙꧒꧗꧇​꧈​ꦮꦚ꧀ꦕꦶ​ꦗꦩ꧀꧇꧑꧐꧇​ꦭꦁ​ꦏꦸꦁ​꧇꧑꧐꧇​ꦩꦼꦤꦶꦠ꧀꧈​ꦫꦢꦺꦤ꧀ꦠꦸꦩꦼꦁ​ꦒꦸꦁ​ꦄꦠ꧀ꦩꦢꦶꦤꦶꦔꦿꦠ꧀꧈​ꦲꦧ꧀ꦢꦶ​ꦢꦊꦩ꧀ꦧꦸꦥꦠꦶ​ꦤꦪꦏ​ꦒꦼꦝꦺꦴꦁ​ꦏꦶꦮ꧈​ꦱꦺꦢ​ꦗꦭꦂꦫꦤ꧀ꦒꦼꦫꦃ​ꦲꦶꦤ꧀ꦥ꧀ꦭꦸꦮꦶꦤ꧀ꦱꦃ​ꦢꦸꦩꦸꦒꦶ​ꦪꦸꦱ꧀ꦮ​꧇꧖꧒꧇​ꦠꦲꦸꦤ꧀꧈​ꦢꦶꦤ꧀ꦠꦼꦤ꧀ꦤꦶꦥꦸꦤ꧀ꦱꦼꦤꦺꦤ꧀ꦮꦚ꧀ꦕꦶ​ꦗꦩ꧀꧇꧙꧇​ꦲꦺꦚ꧀ꦗꦶꦁ​꧈​ꦭꦪꦺꦴꦤ꧀ꦏꦱꦫꦺꦏ꧀ꦲꦏꦼꦤ꧀ꦝꦸꦩꦠꦼꦁ​ꦲꦶꦁ​ꦝꦸꦱꦸꦤ꧀ꦠꦶꦫꦶꦥ꧀꧈​ꦲꦶꦁ​ꦏꦁ​ꦫꦮꦸꦃ​ꦔ꧀ꦭꦪꦠ꧀ꦥꦫ​ꦭꦸꦲꦸꦂ​ꦏꦛꦃ​ꦱꦔꦼꦠ꧀꧈​ꦩꦺꦃ​ꦲꦧ꧀ꦢꦶ​ꦢꦊꦩ꧀ꦱ​ꦯꦸꦫꦏꦂꦠ​ꦱꦩꦶ​ꦔ꧀ꦭꦪꦠ꧀ꦱꦢꦪ꧈​ꦲꦶꦁ​ꦏꦁ​ꦢꦸꦩꦸꦒꦶ​ꦲꦶꦁ​ꦏꦸꦧꦸꦂ​ꦲꦶꦁ​ꦒꦶꦃ​ꦏꦛꦃ​ꦱꦔꦼꦠ꧀꧈​ꦱꦫꦩ꧀ꦥꦸꦁ​ꦔꦶꦥꦸꦤ꧀ꦭꦪꦺꦴꦤ꧀ꦏꦏꦸꦧꦸꦂ꧈​ꦥꦔꦒꦼꦁ​ꦔꦶꦁ​ꦦꦫꦺꦤ꧀ꦠꦃ​ꦏꦫꦡꦺꦴꦤ꧀꧈​ꦧꦤ꧀ꦢꦫ​ꦏꦁ​ꦗꦼꦁ​ꦥꦔꦺꦫꦤ꧀ꦲꦂꦪ​ꦏꦸꦯꦸꦩꦪꦸꦢ꧈​ꦩꦮꦶ​ꦩꦔꦤ꧀ꦢꦶꦏꦏ꧀ꦲꦏꦼꦤ꧀꧈​ꦩꦏꦠꦼꦤ꧀꧇​

꧋ꦤꦭꦶꦏ​ꦭꦪꦺꦴꦤ꧀ꦧꦝꦺ​ꦏꦲꦁ​ꦏꦠ꧀ꦠꦏꦼꦤ꧀꧈​ (keterangan foto)

꧋ꦏꦸꦭ​ꦥꦂꦭꦸ​ꦲꦩꦼꦝꦂꦫꦏꦼꦤ꧀ꦱꦫꦲꦺꦴꦱ꧀ꦱꦶꦁ​ꦩꦤꦃ​ꦏꦸꦭ꧈​ꦤꦭꦶꦏ​ꦢꦶꦤ꧀ꦠꦼꦤ꧀ꦩꦊꦩ꧀ꦔꦲꦠ꧀ꦏꦸꦭ​ꦠꦩ꧀ꦥꦶ​ꦠꦶꦭ꧀ꦥꦸꦤ꧀ꦧꦶꦭꦶꦃ​ꦫꦢꦺꦤ꧀ꦠꦸꦩꦼꦁ​ꦒꦸꦁ​ꦄꦠ꧀ꦩꦢꦶꦤꦶꦔꦿꦠ꧀ꦠꦶꦭꦂ​ꦢꦺꦴꦚ꧈​ꦩꦶꦭ​ꦱꦔꦼꦠ꧀ꦲꦤ꧀ꦢꦢꦺꦴꦱ꧀ꦱꦏꦼꦤ꧀ꦏꦒꦺꦠ꧀ꦱꦂꦠ​ꦥꦔꦸꦔꦸꦤ꧀ꦤꦶꦁ​ꦩꦤꦃ​ꦏꦸꦭ꧈​ꦧꦺꦴꦠꦼꦤ꧀ꦚꦤ​ꦧꦧꦂ​ꦥꦶꦱꦤ꧀꧈​ꦢꦺꦤꦶꦁ​ꦧꦺꦴꦠꦼꦤ꧀ꦢꦔꦸ​ꦱꦏꦶꦠ꧀ꦠꦶꦥꦸꦤ꧀꧈​ꦲꦸꦠꦮꦶ​ꦧꦺꦴꦠꦼꦤ꧀ꦔꦤ꧀ꦠꦮꦶꦱ꧀ꦱꦶ​ꦧꦶꦭꦶꦃ​ꦔꦤ꧀ꦠꦺꦴꦱ꧀ꦏꦭꦗꦼꦁ​ꦠꦶꦭꦂ​ꦢꦺꦴꦚ꧉​ꦠꦸꦩꦿꦥ꧀ꦏꦸꦭ꧈​ꦠꦶꦭꦂꦫꦶꦥꦸꦤ꧀ꦢꦺꦴꦚ​ꦫꦢꦺꦤ꧀ꦠꦸꦩꦼꦁ​ꦒꦸꦁ​ꦄꦠ꧀ꦩꦢꦶꦤꦶꦔꦿꦠ꧀ꦮꦲꦸ​ꦏꦗꦮꦶ​ꦏꦺꦕꦭ꧀ꦭꦤ꧀ꦏꦺꦴꦚ꧀ꦕ꧈​ꦥꦿꦱꦱꦠ꧀ꦲꦶꦕꦭ꧀ꦧꦲꦸ​ꦏꦸꦭ​ꦠꦼꦔꦼꦤ꧀꧈​ꦱꦩꦺꦴꦁ​ꦱ​ꦩꦺꦴꦁ​ꦱ​ꦏꦸꦭ​ꦥꦩꦶꦠ꧀꧈​ꦥꦤ꧀ꦢꦩꦼꦭ꧀ꦭꦤ꧀ꦏꦸꦭ​ꦏꦠꦶꦤ꧀ꦢꦏ꧀ꦏꦏꦼꦤ꧀ꦫꦢꦺꦤ꧀ꦠꦸꦩꦼꦁ​ꦒꦸꦁ​ꦄꦠ꧀ꦩꦢꦶ​